Dagblaðið Vísir - DV - 10.05.2007, Blaðsíða 2

„Vonandi verður þetta öllum til
góðs,“ segir Bjarni Torfason hjarta-
skurðlæknir sem í gær stýrði fyrstu
aðgerðinni hér á landi þar sem
gervihjarta var grætt í mann. Þar
með urðu tímamót í heilbrigðis-
sögu Íslendinga. Aðgerðin fór fram
á hjartaskurðdeild Landspítalans.
„Þetta er stór aðgerð sem er gott
að geta gert fyrir þá sem ekki geta lif-
að öðru vísi en með hjálp frá svona
hjálpardælu,“ segir Bjarni. Sá sem
gekkst undir aðgerðina hefði ekki
getað lifað án þess að fá hjálpardæl-
una. Áhætta er fólgin í því að gang-
ast undir aðgerðina en hún gefur
þó von um betra líf á eftir. Aðgerð-
in hófst í gærmorgun og stóð fram
undir kvöldmat. Nú tekur við gjör-
gæslumeðferð þar sem starfsfólk
sjúkrahússins fylgist með því hvern-
ig sjúklingurinn braggast og síð-
ar lega á legudeild. Það ferli er ekki
hættulaust, gangi allt vel má búast
við að það taki mánuð en það getur
tekið lengri tíma.
„Þetta var gert mögulegt með
nokkurs konar þjóðarátaki,“ segir
Bjarni. Minningarsjóður Þorbjörns
Árnasonar sem nefnist Í hjartastað
hefur staðið fyrir fjársöfnun. Þetta
fé hefur svo verið notað til uppbygg-
ingar. „Við höfum verið að byggja
upp þekkingu og afla tækja, sem
þarf gífurlega mikið af til að geta
gert þetta. Við erum þakklát öllum
þeim sem hafa lagt peninga í þetta
eða stutt okkur á annan hátt,“ segir
Bjarni.
„Við viljum vera sjálfstæð í heil-
brigðisþjónustunni,“ segir Bjarni.
Hann bendir á að þeir sem þurfa að
gangast undir aðgerð sem þessa eigi
erfitt með að ferðast. Því sé mikil-
vægt, meðal annars af þeim sökum,
að geta framkvæmt aðgerðirnar hér
á Íslandi.
Bjarni hefur ekki áður grætt
gervihjarta í sjúkling. „Þetta er í
fyrsta skipti sem ég geri þessa að-
gerð,“ segir Bjarni sem hefur fengið
þjálfun í Svíþjóð og Þýskalandi. Á
annan tug manna vann að aðgerð-
inni ásamt Bjarna, þar á meðal tveir
hjartaskurðlæknar, tveir svæfinga-
læknar, þrír sérfræðingar á hjarta-
og lungnavél auk fleiri sérfræðinga
og starfsmanna fyrirtækisins sem
framleiðir gervihjartað, HeartMate
II.
fimmtudagur 10. maí 20072 Fréttir DV
InnlendarFréttIr
ritstjorn@dv.is
Hestshræ liggur og rotnar á landi bónda í Rangárþingi ytra. Hundar, hrafnar og mávar
hafa sést narta í það. Málið hefur verið tilkynnt til héraðsdýralæknisins, Katrínar
Andrésdóttur á Suðurlandi. Hún segir málið vera komið í eðlilegan farveg en ekki
liggur ljóst fyrir hvort það verði tilkynnt til lögreglu.
HUNDAR OG HRAFNAR
NARTA Í HESTAHRÆ
„Almennt er þetta alls ekki líð-
andi,“ segir Katrín Andrésdóttir hér-
aðsdýralæknir á Suðurlandi. Em-
bættið hefur fengið tilkynningu um
illa meðferð á hestum á bæ einum
í Rangárþingi ytra. Dýravernd fékk
tilkynningu um málið frá sveitunga
bóndans sem á hestana. Þar segir að
bréfritari hafi fylgst með hrossahaldi
bóndans í sjö ár en þau eru mögur,
lúsug, með einhverjar sýkingar og
klepróttir. Þá segir einnig að hundar
og hrafnar narti í hestahræ á land-
inu.
„Þetta mál er komið í hefðbundinn
farveg,“ segir Katrín en það þýðir að
héraðsdýralæknir fái tvo daga til þess
að taka út aðstæður dýranna. Sam-
kvæmt heimildum mun fóðurgæslan
hafa komist að þeirri niðurstöðu að
ekki væri allt með felldu á bænum.
Fóðurgæslan hefur það hlutverk að
fylgjast með því hvort bæir hafi nægi-
legt fæði fyrir dýrin. Þeir staðfestu
áhyggjur þess sem tilkynnti dýravernd
um slæmt ástand á bænum. Dýra-
hræið sem liggur á landinu brýtur í
bága við smitvarnir enda þarf að farga
slíkum hræum á réttan hátt.
Hrikalegur aðbúnaður
Í bréfi sem birtist á heimasíðu
Dýraverndar segir að fjórtán hestum
hafi verið haldið á þremur hekturum
í lengri tíma. Þá voru margir magrir og
lélegir í hárfari. Auk þess voru hestar
lokaðir inn í niðurníddu dimmu úti-
húsi án fóðurs og fersks vatns. Sá sem
ritar bréfið segir að á sjö árum hafi
hestunum fækkað úr um það bil tvö
hundruð niður í fimmtíu. Margir hest-
ar eru lúsugir og með einhverjar sýk-
ingar. Því er ljóst að aðbúnaður hest-
anna virðist vera með versta móti en
einnig má finna fylfullar merar á með-
al hestanna þar sem sést í rifbeinin.
Hundar og hrafnar éta hest
Eins og sjá má á sláandi myndum
sem fylgja fréttinni hefur hestshræ
legið í nokkurn tíma á landi bóndans í
Rangárþingi ytra. Hræið liggur á beiti-
landi hrossanna sem ber merki ofbeit-
ar. Þá mun hafa verið breitt plasti yfir
haus og afturhluta dýrsins og því virð-
ist vera sem svo að eigendur hafi vit-
að af hestshræinu sem lá á beitilandi
þeirra en ekkert að gert.
Hræið er ansi illa farið eftir að hafa
legið óhreyft á landinu. Ástæðan er sú
að mávar, hrafnar og hundar á bæn-
um hafa verið að narta í það. Afleið-
ingarnar eru ekki fagrar, svo sem sjá
má á myndunum.
Tugir tilkynninga
„Við fáum tugi tilkynninga á ári
hverju,“ segir Katrín héraðsdýralæknir
sem hefur eftirlit með aðbúnaði dýra.
Að hennar sögn eru þau mál yfirleitt
leyst hjá embættinu sjálfu. Örsjald-
an kemur það fyrir að mál þeirra sem
níðast með slíkum hætti á dýrunum
sé vísað til lögreglunnar. Þá eru mál-
in rannsökuð til hlítar og þaðan eru
þau send til ákæruvaldsins í viðkom-
andi héraði. Hægt er að dæma menn
í háar fjársektir fyrir slík glöp og einn-
ig er mögulegt að meina mönnum að
hafa dýr á bænum í ákveðinn tíma.
Eitt slíkt mál féll í Héraðsdómi Suður-
lands á síðasta ári.
Skylda að tilkynna
„Þeir sem verða varir við illa með-
ferð á dýrum er skylt að tilkynna
slík brot til héraðsdýralæknis eða
lögreglu,“ segir Katrín og leggur að
jöfnu ofbeldi gagnvart börnum og
illa meðferð á dýrum. Hún segir að
undantekninglaust sé farið með slík-
ar tilkynningar sem trúnaðarmál.
Því hvetur hún fólk til þess að láta
vita verði það vart við slík mál. Fyr-
ir tveimur vikum sýndi Kompás slá-
andi myndband sem sýndi tamn-
ingamann misþyrma hesti. Því má þó
ekki gleyma að það eru ávallt svartir
sauðir inn á milli.
Ekki er ljóst hvort málið í Rangár-
þingi ytra verði tilkynnt til lögreglu.
Hrikaleg meðferð Hestarnir eru
margir hverjir magrir og fá ekki ferskt
vatn þar sem þeir eru.
Því er ljóst að aðbún-
aður hestanna virðist
vera með versta móti
en einnig má finna
fylfullar merar á meðal
hestanna þar sem
sést í rifbeinin.
vAlur greTTiSSon
blaðamaður skrifar: valur@dv.is
Rannsókninni
er enn ólokið
Rannsókn á eldsupptökum
vegna bruna húsa á horni Lækj-
argötu og Austurstrætis síðasta
dag vetrar er ekki lokið og liggur
niðurstaða því ekki fyrir. Hvorki
hefur því verið útlokað að eldur-
inn hafi kviknað af mannavöld-
um né að kviknað hafi í út frá
rafmagni.
Lögregluskýrslur hafa verið
teknar af þriðja tug manna. Rætt
hefur verið rekstraraðila þeirrar
starfsemi sem í húsunum var,
starfsfólk þeirra og iðnaðarmenn
sem voru að störfum þann dag
sem bruninn varð. Allir þeirra
hafa haft réttarstöðu vitnis og
því enginn verið yfirheyrður sem
sakborningur.
Dæmdur fyrir
kjaftshögg
Maður var dæmdur í þriggja
mánaða fangelsi skilorðsbundið
til þriggja ára fyrir að gefa manni
kjaftshögg. Atvikið átti sér stað
á útihátíð í Hrísey í júlí á síðasta
ári. Þá gaf hann öðrum manni
rokna kjaftshögg með þeim af-
leiðingum að sá hlaut tvo skurði í
andliti. Sýking komst í sárið öðr-
um megin.
Héraðsdómur Norðurlands
komst að þeirri niðurstöðu að
hann þyrfti einnig að greiða sýkta
manninum tæplega hundr-
að og fimmtíu þúsund krónur í
skaðabætur. Þá er honum gert að
greiða allan sakarkostnað.
Grímseyjarferja
í Ríkisendur-
skoðun
Sigurður Þórðarson ríkis-
endurskoðandi hefur beðið
Ríkiskaup og Vegagerðina um
upplýsingar
um kaup og
endurbæt-
ur á nýrri
Grímseyjar-
ferju. Þetta
segir hann
gert vegna
umræðna
um að
kostnaður
við ferjuna
sé langtum
meiri en
ráð var fyrir
gert. Samgöngunefnd Alþingis
felldi nýverið tillögu um að vísa
málinu til ríkisendurskoðanda.
Kristján Möller, Samfylkingu,
telur að kostnaður við ferjuna
muni nema 600 milljónum þegar
upp er staðið. „Við vorum alla tíð
á móti því að skipið yrði keypt,“
sagði Brynjólfur Árnason, oddviti
í Grímsey við DV í janúar. Hann
segir heimamenn alltaf hafa efast
um nýja skipið.
föstudagur 26. janúar 200722 Fréttir DV
Ófyrirséður kostnaður hleðst
upp við nýja Grímseyjarferju
sem Vegagerðin keypti í nóvem-
ber 2005. Vegagerðin keypti ferj-
una frá Írlandi fyrir 100 milljón-
ir króna og áætlaði endurbætur
fyrir um 150 milljónir. Við þetta
hafa bæst aðrar 100 milljónir sem
farið hafa í gagngerar breyting-
ar á skipinu. Hjá Vegagerðinni og
Stálsmiðju Orms og Víglundar,
sem vinnur verkið, mætast stál-
in stinn. Vegagerðin vill meina að
um seinagang sé að ræða hjá verk-
takanum. Stálsmiðjan sakar Vega-
gerðina um að bæta við verkið eft-
ir útboð.
Ófullnægjandi útboðsgögn
Ráðgjafarfyrirtækið Navis-
Fengur í Hafnarfirði sá um gerð
útboðsgagna og sér einnig um
eftirlit með verkinu. Útboð Vega-
gerðarinnar og tilboð Stálsmiðju
Orms og Víglundar voru byggð á
þessum útboðsgögnum. Gunnar
Gunnarsson aðstoðarvegamála-
stjóri segir að viðbótarkostnaður-
inn við ferjuna sé fyrst og fremst
tilkominn vegna krafna Grímsey-
inga sjálfra um verulegar endur-
bætur á ferjunni.
„Þarna er um að ræða nýja yfir-
byggingu, mikla endurnýjun á
vistarverum áhafnarinnar, gagn-
gerar breytingar á farþegasölum
og svo er nýr losunar- og lestunar-
búnaður með hliðaropum. Þetta
eitt og sér lyftir kostnaðinum um
hundrað milljónir,“ segir Gunnar.
Verkefnið tvöfalt
„Vandamálið er að verkefn-
ið er orðið tvöfalt stærra en það
átti að vera og þar með tekur það
miklu lengri tíma og er flóknara
og kostnaðarsamara,“ segir Eirík-
ur Ormur Víglundsson hjá Stáls-
miðju Orms og Víglundar.
Fundur var haldinn með full-
trúum Vegagerðarinnar, Ríkis-
kaupa og Stálsmiðju Orms og Víg-
lundar þann 9. janúar. Þar sagði
Guðmundur Víglundsson, fram-
kvæmdastjóri stálsmiðjunnar, að
það væri smiðjunni metnaðarmál
og íslenskum skipasmíðaiðnaði til
framdráttar að verkið gengi sem
best fyrir sig.
Efasemdir heimamanna
„Við vorum alla tíð á móti því
að skipið yrði keypt,“ segir Brynj-
ólfur Árnason, oddviti Grímseyj-
arhrepps. Hann segist strax hafa
bent á að þegar byrjað væri að rífa
í sundur gamalt skip mætti eiga
von á því að ýmislegt kæmi í ljós.
„Við erum mjög ánægð með Sæ-
fara, ferjuna sem er hér fyrir. Hún
hefur þjónað okkur mjög vel,“ seg-
ir Brynjólfur.
Hann telur að einhver misbrest-
ur sé á því að Stálsmiðja Orms og
Víglundar sé starfi sínu vaxin. „Ég
held að þeir í smiðjunni í Hafnar-
firði hafi ekki staðið sig. Þeir hafa
lítið sinnt þessu. Það hafa orðið
seinkanir vegna þeirra. Ég held að
þeir hafi ekki vitað hvað þeir voru
að gera þegar þeir tóku þetta að
sér,“ segir Brynjólfur.
Sæfarinn úr leik
Ljóst er að gamla ferjan Sæfari
verður endanlega úr leik árið 2009.
Nýjar reglur Evrópusambandsins
segja að skip á siglingarleið eins
og milli Dalvíkur og Grímseyjar,
þurfi að uppfylla kröfur sem Sæ-
fari uppfyllir engan veginn.
„Gangurinn í þessu hefur ekki
verið eins og við hefðum kosið en
við vonum að nú séu öll kurl að
komast til grafar,“ segir Gunnar
Gunnarsson aðstoðarvegamála-
stjóri. Hann segir að ef ekki ná-
ist að taka nýju ferjuna í notkun á
þessu ári þurfi að fara í endurbæt-
ur á gamla Sæfara vegna þess að
nýjar reglur Evrópusambandsins
taki gildi í áföngum.
Eina leiðin í land
Grímseyingar reiða sig á ferju-
siglingar til þess að komast til
lands og flytja vörur og aðr-
ar nauðsynjar á milli. „Þetta er
ódýrara en að fljúga og fólk tekur
gjarnan bílinn með,“ segir Brynj-
ólfur Árnason oddviti. Í eynni búa
um 80 manns.
Til Grímseyjar koma um sex
þúsund ferðamenn yfir hásumar-
ið. Brynjólfur segir að um helm-
ingur allra ferðamanna komi með
ferjunni. Sæfari siglir nú þrisvar í
viku milli Dalvíkur og Grímseyj-
ar og tekur ferðin þrjár og hálfa
klukkustund.
Ný Grímseyjarferja kemur til með að kosta 350 milljónir.
Upphafleg áætlun miðaðist við 250 milljónir. Vegagerðin og
Stálsmiðja Orms og Víglundar deila um hver eigi sökina. Á
meðan tefst verkið og verður kostnaðarsamara. Grímseying-
ar lýstu efasemdum um nýju ferjuna strax í upphafi.
Keyptu ferju
og breyta
fyrir 250
milljónir
Sigtryggur JÓhannSSon
blaðamaður skrifar: sigtryggur@dv.is
gamla ferjan grímseyingar eru
ánægðir með hinn 29 ára gamla
sæfara. Brátt má hann ekki sigla vegna
hertra reglna Evrópusambandsins.
grímsey grímseyingar reiða sig á
ferjusiglingar til þess að ferðast til
lands og flytja nauðsynjar á milli.
nýja ferjan Var keypt
frá Írlandi og var áætlað
að eyða 150 milljónum
í endurbætur.
Kostnaðurinn mun
nema 250 milljónum
þegar upp er staðið.
„Við erum mjög ánægð með Sæfara, ferjuna sem
er hér fyrir. Hún hefur þjónað okkur mjög vel.“
landspítalinn Á annan tug manna tók
þátt í fyrstu ígræðslu gervihjarta í
sjúkling á íslandi.
Fyrsta gervihjartað grætt í hjartasjúkling á Íslandi:
Vonandi öllum til góðs