Dagblaðið Vísir - DV - 10.05.2007, Blaðsíða 17

DV Sport fimmtudagur 10. maí 2007 17
ÍÞRÓTTAMOLAR
ArnAr Jón í HAukA
Handboltamaðurinn arnar Jón
agnarsson er genginn í raðir Hauka frá
fylki. arnar Jón er vinstrihandar skytta en
það er sú staða
sem Árni Þór
Sigtryggsson hefur
spilað í undanfarin
tvö ár. Ekki er enn
útséð hvort Árni
Þór spili með
Haukum næsta
vetur. arnar Jón er
þriðji leikmaðurinn
sem Haukar fá til
sín á skömmum tíma en áður höfðu þeir
gísli guðmundsson og gunnar Berg
Viktorsson samþykkt að leika með liðinu
næsta vetur.
DrAp mink með 3-Járni
Sá einkennilegi atburður átti sér stað á
Hólmsvelli í Leiru á mánudaginn að
golfari drap mink. Þannig var að
skipstjórinn ibsen angantýsson var að
spila, sá mink við
10. teig og drap
hann með 3-járni.
„Ég held að ég hafi
aldrei áður hitt eins
vel með 3-járninu
og í þessu höggi.
Ég hef yfirleitt alltaf
verið í svolitlum
vandræðum með
að slá með 3-járni,
en loksins kom gott högg fyrir mig, en
ekki fyrir dýrið,“ sagði ibsen í samtali við
heimasíðuna kylfingur.is.
eriksson til newcAstle?
Sænski glaumgosinn Sven-göran
Eriksson hefur áhuga á að verða
knattspyrnustjóri Newcastle united en
engar viðræður
þess efnis hafa þó
enn átt sér stað.
glenn roeder hætti
sem stjóri
Newcastle á
sunnudag og er
Sam allardyce,
fyrrum stjóri
Bolton, talinn
líklegastur til að
taka við en þá hefur gerard Houllier
einnig verið nefndur til sögunnar.
Eriksson hefur verið atvinnulaus síðan
hann hætti með enska landsliðið eftir
vonbrigðin á Hm 2006.
liverpool á ekki möguleikA
Sir alex ferguson, knattspyrnustjóri
manchester united, telur að Liverpool
eigi ekki möguleika gegn aC milan í
úrslitaleik
meistaradeildar
Evrópu. „Ég hef
mætt báðum
þessum liðum og er
til í að veðja upp á
það að aC milan
verður Evrópu-
meistari. Ég er þess
fullviss að það
gerist. Eftir
undanúrslitaviðureignina gegn milan
sagði ég við Carlo ancelotti að þeir gætu
ekki tapað upp úr þess,“ sagði ferguson
sem ætlar að sötra rauðvín sem ancelotti
gaf honum yfir úrslitaleiknum.
guily til Juventus?
Ludovic giuly, leikmaður Barcelona,
segist hafa áhuga á
að skoða þann
möguleika að ganga
til liðs við ítalska liðið
Juventus. Þessi hressi
frakki er samnings-
bundinn Börsungum
til ársins 2008 en
hefur ekki átt fast
sæti í liðinu á þessu
tímabili. „Ég vil fá að
spila meira. Samt held ég að ég verði hér
áfram á næsta tímabili, ég fer bara ef
liðið hefur ekki not fyrir mig. Ef ég þyrfti
að yfirgefa Barcelona væri ég til í að fara í
stórt félag, eins og Juventus,“ sagði guily.
ArnAr á uppleið
arnar Sigurðsson, íslandsmeistari í
tennis, hefur hækkað um þrjú sæti á
heimslista tennismanna sem var
opinberaður í vikunni. arnar er nú í 703.
sæti en um síðustu áramót var hann í
740. sæti listans. Á heimslista borðtenn-
ismanna er
íslandsmeistarinn
guðmundur E.
Stephensen í 220.
sæti og hefur hann
fallið um tvö sæti frá
því listinn var birtur
síðast. frá maí í fyrra
hefur guðmundur
fallið um tvö sæti.
Roma valtaði yfir Inter Milan í fyrri úrslitaleik liðanna í ítölsku bikarkeppninni:
Roma vann Inter Milan 6-2
Roma tók ítölsku meistarana í
bakaríið í fyrri úrslitaleik liðanna um
ítalska bikarinn. Leikurinn fór 6-2 fyr-
ir Roma en leikurinn fór fram í Róm.
Síðari leikur liðanna fer fram á San
Siro í Mílanó á fimmtudag í næstu
viku.
Francesco Totti, Daniele De Rossi
og Simone Perrotta komu Rómar-
liðinu í 3-0 á fyrstu sextán mínút-
um leiksins. Hernan Crespo minnk-
aði muninn á 20. mínútu en Mancini
kom Roma í 4-1 á 31. mínútu. Staðan
í hálfleik var 4-1 og aðeins spurning
hversu stór sigur Roma yrði.
Gamla brýnið Christian Panucci
skoraði fimmta mark Roma þegar
níu mínútur voru liðnar af síðari hálf-
leik. Hernan Crespo var ekki búinn að
syngja sitt síðasta og skoraði sitt annað
mark tveimur mínútum síðar. Panucci
rak svo smiðshöggið á stórsigur Roma
þegar hann skoraði sitt annað mark
og sjötta mark Roma á 89. mínútu.
„Það verður mjög erfitt að snúa
þessu okkur í hag, skora fjögur mörk og
halda hreinu. Við getum að minnsta
kosti komið í veg fyrir aðra niðurlæg-
ingu eins og þessa. Þegar maður tapar
á þennan hátt er ekki mikið sem hægt
er að segja, ef ég á að vera hreinskil-
inn,“ sagði Roberto Mancini, þjálfari
Inter Milan, eftir leikinn.
„Við verðum að líta á þetta sem
fyrri hálfleik og það verður erfitt í
þeim síðari. Það hefur áður gerst
að við höfum fengið á okkur mörk á
stuttum tíma eftir að hafa náð góðu
forskoti. Við munum njóta forskotsins
en ekki treysta á það þegar við förum
á San Siro, því það yrðu mistök gegn
jafngóðu liði og Inter,“ sagði Luciano
Spalletti, þjálfari Roma.
dagur@dv.is markamaskína Christian Panucci skoraði tvö þýðingarmikil mörk gegn inter milan í gær.
STÁLTAUGAR VALDIMARS
TRYGGÐU HK SIGUR
Ekkert mark var skorað í viðureign Chelsea og Manchester United á Stamford Bridge í
gær. Leikurinn hafði enga þýðingu en þarna mættust Englandsmeistararnir frá því í
fyrra og nýorðnir Englandsmeistarar.
Markalaus
meistaraslagur
Það var ekki tilþrifamikill leik-
ur á Stamford Bridge í gær þegar
Chelsea tók á móti Manchester Un-
ited í ensku úrvalsdeildinni. Margir
höfðu fyrirfram vonað að þessi leik-
ur yrði nánast úrslitaleikur um Eng-
landsmeistaratitilinn. Það var þó
öðru nær því liðin höfðu að nánast
engu að keppa þar sem United hafði
þegar tryggt sér enska meistaratitil-
inn og lyktaði leiknum með marka-
lausu jafntefli. Bæði lið tóku þann
pól í hæðina að hvíla lykilmenn, þá
sérstaklega Manchester United sem
tefldi fram blöndu af varamönnum
frá því í vetur og ungum strákum.
Fyrir leikinn sýndu leikmenn
Chelsea íþróttamannslega fram-
komu með því að mynda tvær rað-
ir og klappa fyrir liði Manchester
United þegar það gekk út á völlinn.
Með þessu voru Englandsmeist-
ararnir heiðraðir af sínum helstu
keppinautum í vetur. Reyndar var
klappað fyrir leikmönnum sem áttu
flestir ekki mikinn þátt í þessum titli
en það er önnur saga.
Leikurinn sjálfur var hreint út
sagt ekki skemmtilegur. Manchest-
er United átti ekki skot á markið all-
an leikinn og er það í eina skiptið í
vetur sem það gerist. Þessi tvö lið
munu mætast í bikarúrslitaleikn-
um eftir rúma viku og skýrir það
að mörgu leyti það að flestar stóru
stjörnurnar voru hvíldar. Chelsea
var líklegra til að ná sigrinum. Tom-
asz Kuszcak, markvörður United í
leiknum, var oft á hálum ís en varði
á tíðum mjög vel.
Kieran Lee var meðal byrjun-
arliðsmanna í liði United og seint
í leiknum náði hann að bjarga á
marklínu eftir skot frá Ben Sahar.
Ekkert mark var skorað í leiknum.
Um næstu helgi mun Manchester
United veita Englandsmeistarabik-
arnum viðtöku eftir heimaleik gegn
West Ham sem þarf að fá stig úr
leiknum til að vera öruggt um sæti
sitt í deildinni. Sir Alex Ferguson
segir að í þeim leik muni hann stilla
upp sínu sterkasta liði.
„Ég er mjög ánægður með þessi
úrslit, strákarnir spiluðu fyrir stoltið
og heiðurinn. Margir hafa kannski
haldið þegar þeir sáu byrjunarliðin
að Chelsea myndi keyra yfir okkur
en sú varð alls ekki raunin. Óreyndir
leikmenn mínir voru mjög öruggir
með boltann og náðu fínum úrslit-
um. Það var þó meiri þreyta í mínu
liði undir lokin og Chelsea hefði vel
getað skorað á síðasta stundarfjórð-
ungi leiksins,“ sagði Sir Alex Fergu-
son.
Besti maður vallarins í gær var
varnarmaðurinn Wes Brown sem
ekki steig feilspor hjá gestunum.
„Þetta var erfiður leikur en úrslitin
eru góð. Margir leikmenn spiluðu í
stöðum sem þeir eru ekki vanir og
yngri leikmenn fengu tækifæri. Við
þurftum að standa saman. Pressa
þeirra var talsverð á tímabili en
við héldum þetta út. Það er ekkert
leyndarmál að bikarúrslitaleikur-
inn er efstur í huga margra,“ sagði
Brown, sem hrósaði einnig íþrótta-
mannslegri framkomu Chelsea þeg-
ar leikmenn liðsins klöppuðu fyrir
United. „Það var flott hjá Chelsea að
gera þetta og sýna okkur virðingu.“
Jose Mourinho var líflegur á
bekknum hjá Chelsea og um tíma
leit út fyrir að hann hefði fengið
rautt spjald frá dómaranum. „Ég
hélt að ég hefði verið rekinn upp í
stúku og fór þangað. Svo var þetta
bara misskilningur og aðstoðar-
maður minn kallaði á mig til baka,“
sagði Mourinho. Hann segir úrslitin
ekki skipta máli en hans lið hafi átt
betri leik og átt skilið að sigra.
Eftir tíu daga mætast Chelsea og
Manchester United að nýju og þá í
bikarúrslitaleiknum. Útlit er fyrir að
varnarmaðurinn Ricardo Carvalho
leiki ekki þann leik vegna meiðsla.
elvargeir@dv.is
Barist um boltann Leikmenn
liðanna í gær virtust misáhugasamir.
Borði í stúkunni
manchester united kom
á Stamford Bridge til að
ná í Englandsmeistara-
titilinn.