Dagblaðið Vísir - DV - 29.05.2007, Blaðsíða 13

HK heimsótti Keflavík í gær í blíðuna
í Bítlabænum. Aðstæður voru góðar
til að leika fína knattspyrnu þótt völl-
urinn hafi mátt vera betri. HK sótti
þó ekki gull í greypar Keflvíkinga því
heimamenn fóru með 3-0 sigur af
hólmi eftir að hafa leitt 1-0 í hálfleik.
HK byrjaði þó leikinn af miklum
krafti og það voru gestirnir sem fengu
fyrsta færið leiksins á 4. mínútu. Eft-
ir baráttu í teig Keflvíkinga skallaði
Þórður Birgisson fyrir fætur Kristj-
áns Ara Halldórssonar sem skaut en
Ómar Jóhannsson, markvörður Kefl-
víkinga, sá við honum og varði.
Kristján Ari var aftur á ferðinni á
17. mínútu þegar hann fékk sendingu
inn fyrir vörn heimamanna og skot
hans að þessu sinni fór yfir mark Kefl-
víkinga.
Fyrsta marktilraun Keflvíkinga leit
dagsins ljós á 26. mínútu þegar Jónas
Guðni Sævarsson lék laglega á varn-
armann HK og skaut af um 25 metra
færi en boltinn hafnaði í stöng HK
marksins og gestirnir gátu andað létt-
ar.
HK nýtti ekki færin
Tveimur mínútum síðar skoruðu
Keflvíkingar svo fyrsta markið. Baldur
Sigurðsson átti þá frábæra sendingu á
Færeyinginn Símun Eiler Samuelsen
sem lék á Stefán Jóhann Eggertsson,
varnarmann HK, sendi laglega send-
ingu beint á kollinn á Þórarni Kristj-
ánssyni sem var einn á auðum sjó og
skallaði í markið. 1-0 fyrir Keflavík og
HK gat nagað sig í handarbökin yfir
að hafa ekki nýtt færin í upphafi leiks.
Við þetta róaðist leikurinn örlítið
og fátt markvert gerðist næstu mínút-
urnar. Það var ekki fyrr en á 42. mín-
útu að Keflavík skapaði sér næsta færi.
Aðdragandinn að því færi var mjög
svipaðu markinu en þá átti Hallgrím-
ur Jónasson laglega sendingu á Sím-
un sem sendi boltann beint fyrir fæt-
ur Þórarins en skot hans var slakt að
auðveldlega varið af Gunnleifi Gunn-
leifssyni, markverði HK.
Þórarinn var aftur á ferðinni tveim-
ur mínútum síðar þegar hann skallaði
rétt framhjá marki HK. 1-0 var staðan
í hálfleik og enn möguleiki fyrir HK að
fá eitthvað út úr leiknum.
Síðari hálfleikur byrjaði líkt og sá
fyrri. Keflvíkingar voru lengi í gang
og það voru gestirnir í HK sem fengu
hættulegri færi á upphafsmínútun-
um. Og aftur var það Kristján Ari sem
fékk færi til að skora.
Á 49. mínútu fékk hann góða
sendingu inn fyrir vörn heimamanna
frá Jóni Þorgrími Stefánssyni og skot
hans fór framhjá úr góðu færi.
Þremur mínútum síðar fengu HK
líklega sitt besta færi í leiknum. Jón
Þorgrímur átti þá aftur sendingu inn
fyrir vörn Keflavíkur, nú á Almir Cosic
sem fór illa með algjört dauðafæri og
skaut framhjá. Ómar gerði hins vegar
vel í marki Keflavíkur og lokaði mark-
inu.
Rothöggið kom svo á 60. mínútu.
Branislav Milicevic átti þá sendingu
inn á vítateig HK, Baldur skallaði fyrir
fætur Símun sem skoraði með því að
skjóta á milli fóta Gunnleifs í markinu.
2-0 og nú voru Keflvíkingar komnir
með yfirhöndina í leiknum.
Þórarinn Kristjánsson lagði upp
næsta færi sem kom á 66. mínútu.
Hann lék þá laglega upp að endalínu,
sendi boltann út í teiginn á Svíann
Marko Kotilainen sem skaut rétt yfir
mark HK.
Fimm mínútum síðar komst Guð-
mundur Steinarsson, sem hóf leik-
inn á varamannabekknum, einn gegn
Gunnleifi en markvörðurinn knái sá
við honum og varði.
En Guðmundur var ekki búinn að
segja sitt síðasta í þessum leik. Á 76.
mínútu átti Jónas Guðni sendingu út
til vinstri á Símun sem lék laglega á
Calum Bett, skaut að marki en Gunn-
leifur varði. Það var hins vegar marka-
hrókurinn Guðmundur Steinarsson
sem hirti frákastið og innsiglaði sigur
heimamanna með þriðja markinu.
3-0 og heimamenn gátu andað
léttar. Eftir það reyndu HK að sækja
en sóknir þeirra runnu út í sandinn,
yfirleitt eftir slaka sendingu fram á
sóknarmennina sem fengu litla hjálp.
Símun bestur á vellinum
Keflvíkingar léku á köflum skín-
andi fínan sóknarleik og sýndu að
þegar sá gállinn er á þeim er erfitt að
stoppa þá. HK-menn hafa nú fengið
sjö mörk á sig í síðustu tveimur leikj-
um og ljóst að slík frammistaða mun
ekki hjálpa liðinu að halda sæti sínu í
deildinni. Þeir geta þó sjálfum sér um
kennt því þeir fengu svo sannarlega
færi til að skora bæði í upphafi fyrri
hálfleiks og síðari hálfleiks. En þeim
var illilega refsað af sprækum Keflvík-
ingum.
Símun Eiler Samuelsen var mað-
ur leiksins en hann sýndi oft á tíðum
skemmtileg tilþrif og lék Stefán Jó-
hann Eggertsson, varnarmann HK,
sundur og saman hvað eftir annað í
leiknum.
Kristján Guðmundsson, þjálf-
ari Keflvíkinga, hafði svo sannarlega
ástæðu til að fagna í gær því Derby
County, lið hans í enska boltanum,
tryggði sér sæti úrvalsdeildinni á
næstu leiktíð og lærisveinar hans í
Keflavík kórónuðu svo daginn fyrir
hann með góðum sigri.
Hann sagði að þetta gæti varla ver-
ið betra. „Ekki í dag allavega. Og við
héldum líka hreinu. Við settum það
upp fyrir leikinn. Það var eitt af mark-
miðunum í þessum leik að ná að halda
markinu okkar hreina. Það tókst og
það var mikilvægt,“ sagði Kristján en
Keflavík fékk á sig tvö mörk í leiknum
á undan, gegn Breiðabliki í Kópavogi.
Hann var þó ekki alltof sáttur
við spilamennsku Keflavíkurliðsins
í heildina séð í gær. „Ég er ánægð-
ur með hana á köflum. HK spilaði
þokkalega vel á móti okkur og olli
okkur erfiðleikum á ákveðnum svæð-
um á vellinum. Þeir fengu sín færi en
það vantaði kannski reynsluna í að
klára færin. Það var mjög mikilvægt
að skora á undan.“
Kristján bætti við að örlítil þreyta
væri í sínum mönnum eftir leikjatörn-
ina sem hefur verið að undanförnu.
„Það örlar á smá þreytu og við höfum
ekkert verið að slá mikið af á æfingum
milli leikja. Þeir hafa talað um að það
sé smá þreyta,“ sagði Krisján.
Jónas Guðni Sævarsson, miðju-
maður Keflavíkur, var ekki sáttur
með spilamennsku liðsins þrátt fyr-
ir góðan sigur. „Þetta gekk ekki alveg
eins og við ætluðum. En við lögðum
upp fyrir leikinn að halda hreinu og
vinna leikinn. Og við náðum því.
Við erum auðvitað mjög sáttir við
þrjú stig.
Við vorum bara heppnir að fá ekki
á okkur mark eftir fimm mínútna
leik. Ómar varði vel og smám sam-
an hrukkum við í gang. Síðan eftir
svona 20 mínútna leik hleyptum við
þeim ekkert inn í leikinn,“ sagði Jónas
Guðni eftir leikinn.
DV Sport ÞRIÐJudaguR 29. MaÍ 2007 13
3 0
KEFLAVÍK HK
Mörk: Þórarinn Brynjar Kristjánsson (28.), Símun Samuelsen
(60.), Guðmundur Steinarsson (76.)
7
7
7
7
8
4
9
8
7
7
6
9
13
2
4
3
1
Ómar Jóhannsson
Guðmundur Viðar Mete
Guðjón Árni Antoníusson
Jónas Guðni Sævarsson
Þórarinn Kristjánsson (73.)
Einar Einarsson (46.)
Símun Eiler Samuelsen (85.)
Baldur Sigurðsson
Marco Kotilainen
Hallgrímur Jónasson
Branislav Milicevic
BGunnleifur Gunnleifsson
Stefán Eggertsson (73.)
Ásgrímur Albertsson
Finnbogi Llorenz
Davíð Magnússon
Almir Cosic
Rúnar Sigmundsson (52.)
Jón Þ. Stefánsson
Eyþór Guðnason
Kristján Ari Halldórsson
Þórður Birgisson (68.)

TÖLFRÆÐI
SKOT Á MARKIÐ
SKOT AÐ MARKI
SKOT VARIN
UNNAR HORNSPYRNUR
RANGSTAÐA
GUL SPJÖLD
RAUÐ SPJÖLD
2
9
5
4
8
2

7
3
5
6
5
5
6
6
5
7
4
VARAMENN: (46.) Guðmundur
Steinarsson 7, Stefán Arnarson
-, Ingvi Guðmundsson -
VARAMENN: (52.) Bjarki
Sigvaldason 5, (68.) Ólafur Júlí-
usson 5, Calum Bett -
Dómari: Eyjólfur M Kristinsson - 8 Áhorfendur: 1849
MAÐUR LEIKSINS:
Símún Samuelsen
Ómar
Gunnleifur
GuðjónHallgrímurGuðmundur MeteBranislav
Símún
Jónas Guðni Baldur
KotilainenÞórarinn
Einar
Stefán Ásgrímur Finnbogi Davíð
Kristján Ari
FinnurRúnar Páll
Jón Þorgrímur Eyþór Þórður
Keflavík sýndi mátt sinn og meginn á köflum í gær þegar liðið lagði nýliða HK að velli 3-0. Keflavík náði þar
með að halda hreinu í fyrsta sinn í sumar en HK hefur fengið á sig sjö mörk í tveimur leikum.
LéttLeikandi
kefLvíkingar
Lögðu Hk
Bjargvætturinn Þórarinn Kristjánsson hefur
skorað þau nokkur mörkin á Keflavíkur velli.
dagur Sveinn dagBjartSSon
blaðamaður skrifar: dagur@dv.is