Dagblaðið Vísir - DV - 29.05.2007, Qupperneq 32

„Ef þú tekur upp hjól og kastar
því þarftu að taka afleiðingunum,
hvort sem það fer á jörðina eða í
manneskju,“ segir Ásdís Elva Krist-
insdóttir, móðir níu mánaða stúlku
sem fékk þríhjól í andlitið þegar
nágranni þeirra kastaði því í hana
í bræðiskasti. Ásdís er ósátt við að
maðurinn hafi verið sýknaður af
ákæru þar sem hann ætlaði ekki að
kasta hjólinu í stúlkuna.
Selma Sól, níu mánaða, var að
leik úti í garði þegar þegar nágranni
hennar kastaði þríhjóli í andlit
hennar. Móðir Selmu, Ásdís, kærði
málið en tapaði því. Forsaga máls-
ins er að til orðaskipta kom milli
Ásdísar og nágrannans um hund
sem amma Selmu var með í sam-
eiginlegum garði fyrir utan heimili
þeirra.
Fram kemur í dómi að ákærði
hafi ekki ætlað að kasta hjólinu í
barnið heldur hafi það átt að lenda
fyrir framan Ásdísi, hann hafi iðrast
mjög og beðist afsökunar á hegð-
un sinni. „Ég held ekki að hann hafi
ætlað að kasta hjólinu í dóttur mína.
Ég held að hann hafi ætlað að kasta
því í mig,“ segir Ásdís. „Síðar sagði
hann við mig að hann hefði átt erf-
itt með svefn eftir þetta en ef hann
gerði ekkert af sér ætti það varla að
valda honum svefnlausum nóttum.“
Í dómnum segir að vitni að at-
burðinum, móðir Ásdísar og vin-
kona hennar, séu of tengd Ásdísi til
að geta kallast óhlutdræg vitni. „Af
hverju að kalla fram þessi vitni þeg-
ar vitað var að þau væru tengd mér.
Það vissu allir að þetta voru mamma
mín og vinkona.“
„Ég gerði þetta ekki til að fá pen-
inga,“ segir Ásdís sem hefur misst
trúna á íslenska dómstóla. „Ég er
svekkt yfir hvernig dómskerfið tekur
á svona. Lögreglumaðurinn sagði að
ef þetta væri barnið sitt myndi hann
ekki hika við að kæra. Lögreglan ýtti
á eftir mér með að kæra,“ segir Ás-
dís Elva og bætir við: „Maður kastar
ekki þríhjóli í fólk.“
„Auðvitað vissu vinir mínir og
kunningjar af þessu og þegar dómur
hafði fallið lýstu þeir undrun sinni.
Fólk sagði við mig að þetta gengi
ekki og velti fyrir sér hvað væri eig-
inlega að gerast á þessu landi.“
Málskostnaður ákærða var
greiddur af ríkinu en Ásdís greið-
ir sjálf eigin kostnað. „Ríkið greiðir
fyrir að meiða barn, en ég greiði fyr-
ir að barnið mitt hafi verið meitt.“
Um það bil þrjú hundruð börn alast
upp á fósturheimilum hér á landi sam-
kvæmt upplýsingum frá Barnavernd-
arstofu. Börnum sem alast upp í fóstri
hefur fjölgað á síðustu árum en í flest-
um tilvikum eru börn sett í skamm-
tímafóstrun í allt að eitt ár. Á sama
tíma hefur börnum í langtímafóstr-
un fækkað nokkuð á undanförnum
árum að mati Braga Guðbrandssonar
forstjóra Barnarverndarstofu. Fjöldi
barna í fóstri hér á landi er sambæri-
legur við Norðurlöndin, að undan-
skildri Danmörku þar sem uppeldis-
heimili hafa ekki verið aflögð líkt og
víðast hvar annars staðar.
Í nýlegri skýrslu frá Barnavernd-
arstofu kemur fram að tilkynningum
til barnaverndarnefnda hefur fjölgað
stórlega milli ára. Í fyrra bárust rúm-
lega 3.100 tilkynningar um ofbeldi
eða vanrækslu á börnum. Árið 2002
voru þær rúmlega 1.800. Alls bárust
tæplega 6.900 tilkynningar til Barna-
verndarstofu á síðasta ári, en árið
2002 voru þær um 4.700.
Í fæstum tilvikum eru foreldrar
sviptir forræði yfir börnum sínum
en frá einni og upp í tólf forsjársvipt-
ingar hafa átt sér stað árlega síðasta
áratug. Bragi Guðbrandsson segir
að í flestum tilvikum séu börn send
á fósturheimili í samráði við foreldra
vegna erfiðra félagslegra aðstæðna
sem koma upp, svo sem alvarlegra
veikinda foreldra. Þegar börn eru
send í skammtímavistun er það einn-
ig gert til þess að gefa foreldrum kost
á því að bæta úr heimilisaðstæðum,
meðal annars leita sér hjálpar vegna
áfengis- eða eiturlyfjafíknar. Þá segir
Bragi að yngstu börn sem send eru í
fóstur séu hvítvoðungar og þau elstu
rétt undir sjálfræðisaldri.
Fólk sem vill taka börn í fóstur
þarf að ganga í gegnum strangt nám-
skeið og hæfnismat hjá barnavernd-
arnefndum og Barnaverndarstofu,
jafnvel þótt um náin skyldmenni
sé að ræða. Þetta ferli tekur nokkra
mánuði en nær óþekkt er hins vegar
að barnaverndaryfirvöld synji um-
sækjendum.
Halldóra Dröfn Gunnarsdóttir,
starfandi framkvæmdastjóri Barna-
verndar Reykjavíkur, segir rúmlega
hundrað börn vera í langtímafóstri
til átján ára aldurs og tæplega áttatíu
börn í tímabundnu fóstri í Reykjavík.
Hún segir erfiðustu málin sem
koma inn á borð til nefndarinnar
vera þegar stálpuð börn eru tekin
af foreldrum sínum. „Því eldri sem
börnin eru, því tengdari eru þau inn
í þær aðstæður sem þau búa í, jafn-
vel þótt þær séu erfiðar. Það getur því
verið erfitt fyrir þau að aðlagast nýj-
um aðstæðum og meiri hætta á að
það gangi ekki upp.“
Flest fósturbörn alast upp hjá
vandalausum fósturfjölskyldum, en
um það bil þriðja hvert barn er sent
í fóstur hjá skyldmennum. „Barna-
verndarlögin eru þannig uppbyggð
að það ber að reyna allan möguleg-
an stuðning til þess að halda fjöl-
skyldum saman, jafnvel svo mik-
ið að mörgum þykir nóg um,“ segir
hún.
þriðjudagur 29. MaÍ 2007 n Dagblaðið vísir stofnað 1910
Fréttaskot
5 1 2 7 0 7 0
DV borgar 2.500 krónur fyrir fréttaskot sem leiðir til frétta.
Fyrir besta fréttaskot vikunnar greiðast 5.000 krónur.
Að auki eru greiddar 10.000 krónur fyrir besta fréttaskot hvers mánaðar.
Þannig er hægt að fá 15.000 krónur fyrir besta fréttaskot mánaðarins.
Vonandi hjólar hún
ekki í hann...
BÖRNUM Í FÓSTRI FJÖLGAR
Þrjú hundruð börn alast upp hjá fósturfjölskyldum hér á landi:
Ásdís Elva kristinsdóttir Ósátt við dómstóla eftir að maður sem henti þríhjóli í barn hennar var sýknaður.
Móðir stúlku sem fékk þríhjól í andlitið ósátt við sýknudóm:
Maður kastar ekki þríhjóli í fólk
Endaði á vegg
Engan sakaði þegar bifreið var
ekið í gegnum garð og endaði á
húsvegg aðfaranótt mánudags á
Hvolsvelli. Heimilisfólk vaknaði
við áreksturinn og var lögreglu
gert viðvart um ökumanninn,
sem yfirgaf vettvanginn en sneri
þangað aftur skömmu síðar og
var þá handtekinn grunaður um
ölvunarakstur. Litlar skemmdir
urðu á íbúðarhúsinu en bifreiðin
er nokkuð skemmd.
Líkamsárásir um
hvítasunnuhelgi
Rólegt var hjá lögreglunni á höf-
uðborgarsvæðinu aðfaranótt annars
í hvítasunnu og taldi lögreglumaður
að borgarbúar hafi náð að rasa út á
laugardagskvöldinu. Sjö líkamsárás-
ir komu til kasta lögreglu aðfaranótt
sunnudagsins, tvær þeirra alvar-
legar.
Maður fannst liggjandi í blóði
sínu við gatnamót Hverfisgötu og
Klapparstígs og var hann fluttur
meðvitundarlaus á slysadeild. Veg-
farendur gátu gefið lýsingu á árás-
armanninum og handtók lögregla
hann skömmu síðar. Fórnarlamb-
ið komst aftur til meðvitundar á
sunnudag.
Vantar gögn yfir
erlenda starfsmenn
„Þetta er í ferli hjá okkur og við
höfum verið að argast í fyrirtækinu
undanfarið. Á föstudag komu ein-
hver gögn frá fyrirtækinu, gögn sem
við áttum að vera löngu búin að fá
óumbeðið,“ segir Gissur Pétursson,
forstjóri Vinnumálastofnunar.
Vinnumálastofnun og ríkisskatt-
stjóri rannsaka starfsemi fyrirtæk-
isins Formaco sem hefur á síðustu
árum verið með fjölda litháískra
starfsmanna í vinnu án þess að
sinna þeim skyldum sem lög gera
ráð fyrir. Starfsmennirnir höfðu ekki
verið tilkynntir til Vinnumálastofn-
unar og einnig er rannsakað hvort
brot hafi verið framin á skattalögum.
Gissur segir að unnið sé hörðum
höndum að því að koma málefnum
fyrirtækisins á hreint. „Gögn vantar
yfir þá starfsmenn sem starfað hafa
hjá fyrirtækinu á árinu. Við þurfum
svo að meta hvað við gerum í því að
þessu sleifarlagi hafi verið viðhald-
ið,“ segir Gissur.
Kókaín í Borgarnesi
Borgarneslögreglan stöðvaði
bifreið á norðurleið á sunnudags-
morguninn. Bílstjórinn, sautján ára
stúlka, var talin vera undir áhrifum
fíkniefna. Var henni og farþegun-
um, annarri sautján ára stúlku og
tæplega þrítugum manni, ekið á
lögreglustöð. Þar var læknir kallaður
til og í ljós kom að stúlkurnar höfðu
falið alls 45 grömm af fíkniefnum í
leggöngum. Stærstur hlutinn er tal-
inn vera kókaín.
Lögreglan í Borgarnesi telur
magnið benda til þess að efnin hafi
verið ætluð til sölu. Fíkniefnahund-
urinn Týri var fjarri góðu gamni, en
hann var í helgarfríi.
ValgEir Örn ragnarsson
blaðamaður skrifar: valgeir@dv.is
Þung umferð
á Kjalarnesi
Þung umferð var við Hvalfjarð-
argöng og á Kjalarnesi fram eftir
gærdeginum. Lögreglan á Akra-
nesi stöðvaði tólf ökumenn fyrir of
hraðan akstur á Kjalarnesinu en þar
stundar Akraneslögreglan eftirlit í
samvinnu við lögregluna á höfuð-
borgarsvæðinu.
Sá sem hraðast ók mældist á
128 kílómetra hraða og má hann
búast við þrjátíu þúsund króna
sekt. Lögreglan segir nokkra öku-
menn hafa reynt að afsaka akst-
urslag sitt með því að þeir væru
að flýta sér til þess að lenda ekki í
þyngstu umferðinni.