Innsýn - 01.04.1976, Síða 22

Talið frá vinstri: Paul Cieslar, Sunday
Ademola og séra J. D. Johnson. Myndin
er tekin á samkomu í Nígeríu þar sem
Sunday kom fram.
SÁ SEM VILL GETUR
VITNAÐ!
Sunday Ademola heitir hann og á
heima í lle Ife í Nígeríu. Þegar hann var
15 ára gamall tók hann sjúkdóm sem
smám saman rýrir vöðva hans í hand-
leggjum og fótleggjum, svo að hann
missir allan þrótt.
Nú er Sunday þrítugur og getur ekki
gengið. Hendurnar getur hann varla
hreyft svo að hann skrifar með blýanti
sem hann stýrir með munninum. Þar að
auki heyrir hann mjög illa.
En ekkert af þessu hindrar Sunday í
að vitna um Drottinn sinn og Frelsara
fyrir öðrum. í dagblöðum og síma-
skránni finnur hann nöfn og heimilis-
föng fólks sem hann sendir blöð og rit
safnaðar síns til, en hann er einmitt
sjöunda—dags aðventisti.
Þessi vitnisburður nægir Sunday Ade-
mola þó ekki. Oft lætur hann bera sig út
á fjölfarna umferðargötu þar sem hann
situr margar klukkustundir í einu með
ritin á hnjám sér, til að gefa hverjum sem
vill þiggja. Við hlið sér á gangstéttinni
stillir hann upp stóru spjaldi sem á hefur
verið skrifað stórum stöfum: JESÚS
KEMUR BRÁTT. VERTU VIÐBÚINN eða,
VIÐ LIFUM Á TÍMA ENDALOKANNA.
Var einhver að segja að hann gæti
ekki vitnað um Jesú Krist?