Kjarninn - 17.04.2014, Qupperneq 55

05/05 LÍfSStÍLL
fjöll til þess að ganga á. Eitt þeirra er Búrfell í Grímsnesi,
sem er 534 metra hátt og um 7 km ganga á það fram og til
baka. Búrfell landsins eru víst 47 talsins og ef maður ætlar að
ganga á þau öll er ekki slæmt að byrja á þessu. Best er að fara
frá bænum á Búrfelli.
Ef menn vilja takast á við lægra fjall er hægt að velja sér
Mosfell, sem er rétt austan við sumarbústaðahverfið í Gríms-
nesi og ganga frá samnefndum bæ og kirkjustað. Mosfellið er
lágt og létt fjall við allra hæfi, um 3 km ganga.
Hægt er að ganga á Ingólfsfjall, sem blasir við úr sumar-
bústaðahverfinu í Grímsnesi. Það er víða bratt og óárennilegt
en frá Alviðru norðan við fjallið er vinsæl leið á fjallið sem
ætti að geta verið vel fær á þessum árstíma.
Vilji menn komast enn frekar á bragðið og vinna sér fyrir
stóru páskaeggi er hægt að aka austur í Skálholt og yfir Hvítá
við Iðu, en þá er ferðalangur staddur við endann á Vörðufelli,
sem er áberandi fjall á Suðurlandi og ágæt gönguleið upp á
það að norðanverðu. Það er um 6-7 km ganga eftir því hve
langt inn á fjallið menn vilja fara.
Sá sem er í meðallagi þungur/þung (minna en 100 kg) má
gera ráð fyrir því að á röskri/erfiðri göngu sé brennslan í
kringum 400 hitaeiningar á hverri klukkustund. Það þýðir að
til þess að ganga af sér páskaegg af þeirri stærð sem hér er
miðað við þarf að halda uppi slíkri brennslu í um 5 klukku-
stundir. Hér getur lesandi huggað sig við að páskaeggið er
að jafnaði aðeins eitt á mann en páskarnir eru nokkrir dagar
svo að hægt er að dreifa brennslunni á lengri tíma.
Þannig er í raun og veru hægt að umreikna fjallgöngur og
gönguferðir yfir í páskaegg. Páskaegg númer fimm er Esjan
upp að Steini þrisvar sinnum eða þar um bil. Rösk þriggja
tíma ganga í Elliðaárdal með storminn í fangið er um hálft
páskaegg númer fimm og svo framvegis.
Sá skuggi hvílir yfir þeim páskum sem nú fara í hönd
að Veðurstofan spáir sunnanstormum og stórrigningum á
búsvæði yfirgnæfandi meirihluta þjóðarinnar. Fyrir vikið er
hætt við að margir lúti í gras í baráttunni við páskaegg þessa
árs.