Kjarninn - 22.05.2014, Side 38

03/13 ViðTal
Rangers og Cardiff City á farsælum ferli. Á síðasta tímabili
Heiðars í ensku knattspyrnunni hjálpaði hann Cardiff að
tryggja sér sæti í ensku úrvalsdeildinni. Hið sama hafði hann
gert árið 2011 þegar Queens Park Rangers tryggði sér sæti á
meðal þeirra bestu á Englandi.
„Það gekk vel hjá Lillestrøm, allavega seinna árið, og það
var mjög gott að búa í Noregi,“ segir Heiðar þegar blaða-
maður spyr hann hvar honum hafi liðið best á ferlinum og
hvar vistin hafi reynst honum erfiðust. „Mér leið mjög vel hjá
Watford og það var frábær stemmning í Fulham þó að ég hafi
ekki fengið að spila eins mikið og ég hefði viljað. Hins vegar
má segja að knattspyrnuferillinn hafi tekið krappa dýfu
þegar ég gekk til liðs við Bolton.“
Heiðar meiddist á undirbúningstímabilinu hjá Bolton
og náði sér aldrei almennilega á strik hjá liðinu. Meiðslin
sem hann varð fyrir voru þrálát og illa gekk hjá læknateymi
liðsins að meðhöndla þau. Heiðar var frá keppni meira og
minna í ár, allt þar til hann fékk loksins þá meðhöndlun sem
hann þurfti til að ná bata. Skömmu síðar var hann lánaður til
Queens Park Rangers, sem gekk frá kaupum á Heiðari stuttu
seinna.
Unir sér vel úti á sjó
Heiðar er mjög ánægður með
að hafa skipt út takkaskónum
fyrir slorgallann.
Mynd: Anton Brink