Kjarninn - 22.05.2014, Blaðsíða 40

04/13 ViðTal
kann mjög vel við joey barton
„Fyrsta árið þar var eiginlega martröð, og ekki bara fyrir mig
heldur alla. Eigendurnir voru snarvitlausir, vildu ráða öllu
um leikmannakaup og ég veit ekki hversu margir þjálfarar
komu og fóru. Þaðan fór ég að láni til Watford og þar fann ég
ánægjuna af því að spila fótbolta aftur. Svo þegar Neil Warnock
tók við QPR vildi hann fá mig aftur, en hann var ráðinn á þeim
forsendum að hann fengi að ráða í einu og öllu. Hann keypti
leikmennina sem hann taldi sig þurfa og árangurinn var eftir
því. Ég fékk að spila og stóð mig ágætlega og
við fórum upp um deild. Það var eiginlega
há punkturinn á ferlinum, sérstaklega eftir það
sem á undan hafði gengið,“ segir Heiðar.
Á meðal liðsfélaga Heiðars þegar Queens
Park Rangers vann ensku Championship-
deildina og tryggði sér sæti í ensku úrvals-
deildinni var hinn umdeildi og littíki Joey
Barton. Varla er til sá knattspyrnuáhuga-
maður sem hefur margt gott að segja um
þann leikmann, en hann er einna frægastur
fyrir að láta reka sig út af í lokaleik Queens
Park Rangers, þegar fall úr deildinni blasti
við liðinu, fyrir ofbeldi gagnvart tveimur
ef ekki fleiri leikmönnum þáverandi
HEilræði HEiðars til forElDra og Umboðsmanna VErðanDi atVinnUmanna
„Það er gríðarlega mikilvægt að vel sé haldið utan
um ungt fólk sem er á leið út í atvinnumennsku.
Þegar ungt fólk heldur utan er það rifið úr sínu nán-
asta neti fjölskyldu og vina, sem er þá ekki lengur
til staðar til að styðja við viðkomandi. Maður er
mikið einn, og ekki lengur hetjan í liðinu eða bestur,
heldur bara einn af mörgum. Margir flosna upp úr
námi, því aðeins eitt kemst að í kollinum á þeim, að
slá í gegn erlendis. Þeir sem ekki komast á samning
eiga því á hættu að snúa aftur heim, ómenntaðir og
með enga reynslu af því að vinna.
Í atvinnumennskunni er mikill frítími á milli
æfinga og leikja og því auðvelt að drepa tímann
með því að hanga í tölvunni og láta sér leiðast.
Ég hvet foreldra og umboðsmenn verðandi
ungra atvinnumanna að brýna fyrir þeim að sækja
sér menntun á meðan á dvöl þeirra erlendis
stendur. Oft er talað um að það sé enginn tími fyrir
skóla í atvinnumennskunni en það er ekki rétt. Það
er hægt að taka fjarnám og svo styðja leikmanna-
sambönd oft leikmenn í að leita sér menntunar,
meðal annars með því að niðurgreiða menntun
þeirra að hluta.
Ef ég væri að senda einhvern strákanna minna
út í atvinnumennskuna myndi ég hiklaust skikka þá
til að sækja sér menntun þar ytra um leið.“
Umdeildur strigakjaftur
Joey Barton er einn um-
deildasti knattspyrnumaður
Englands fyrr og síðar.