Búskapur hins opinbera 1980-1984 - 01.02.1986, Blaðsíða 18

16
heimtum skatttekjum. Hækkun lána vegna verðbreytinga er ekki tekin
með, né aðrar slíkar breytingar. í 5. kafla hér á eftir er nánar fjallað um
lánahreyfingar hins opinbera.
3.2.2 Sundurliðun samneyslu og fjármunamyndunar eftir viðfangsefnum.
í grein 3.2.1 hér að framan var fjallað um flokkun í einstaka liði í tekju- og
útgjaldareikningi og upplýsingum um fjármagnsstreymi, svo sem eignatekjur,
skatttekjur, samneyslu og fjármunamyndun. í framhaldi af því verður nú fjallað
um frekari flokkun á samneyslu og fjármunamyndun eftir viðfangsefnum, eins
og þá sem notuð er í töflum 7.1—7.15 í töfluhluta skýrslunnar.
Fjallað er um hvern undirgeira fyrir sig, þ.e. ríki, sveitarfélög og almanna-
tryggingar.
A. Ríkissjóður.
1. Opinber stjórnsýsla. Hér færast m.a. útgjöld vegna æðstu stjórnar ríkisins,
utanríkismála og efnahags- og fjármála. Aðalskrifstofur ráðuneytanna
færast hver með sínum málaflokki.
2. Réttargæsla og öryggismál. Hér færast útgjöld vegna dómsmála, réttar-
gæslu, tollgæslu og brunamála. Útgjöld sýslumanna og bæjarfógeta eru færð
hér, en hluti af útgjöldum þeirra er vegna innheimtu opinberra gjalda, sem
ætti að flokkast með opinberri stjórnsýslu.
3. Menntamál. Auk almennra fræðslumáia hafa verið færð hér útpjöld vegna
stofnana eins og Raunvísindastofnunar Háskólans, Stofnunar Árna Magn-
ússonar, Orðabókar Háskólans og Tilraunastöðvar Háskólans á Keldum.
4. Heilbrigðismál. Helstu útgjaldaliðir eru ríkisspítalarnir, þ.e. Landspítalinn,
Kleppsspítalinn, Vífilsstaðaspítalinn, Kristneshæli, Kópavogshæli og Vist-
heimilið að Gunnarsholti. Einnig eru hér færð útgjöld vegna héraðslækna
og heilsugæslustöðva auk annarra heilbrigðisstofnana. Á árinu 1983 verður
sú breyting, að St. Jósefsspítali, Landakot og Fjórðungssjúkrahúsið á
Akureyri eru tekin inn í A-hluta ríkissreikninga. Jafnframt falla þessi
sjúkrahús út af daggjöldum, og eru útgjöld þeirra því ekki lengur flokkuð
með útgjöldum almannatrygginga heldur með útgjöldum ríkisins. Útgjöld
þessi námu um 26% af samneysluútgjöldum ríkissjóðs til heilbrigðismála á
árinu 1983.
5. Almannatryggingar og velferðarmál. Hér færist aðalskrifstofa félagsmála-
ráðuneytis og ýmis útgjöld vegna dagvistunar þroskaheftra.
6. Húsnæðis- og skipulagsmál. Undir þennan lið færist Húsameistari ríkisins,
skipulagsstjóri ríkisins o.fl.