Fréttatíminn - 10.01.2014, Side 12

Virðing
RéttlætiVR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
Rafræn allsherjaratkvæðagreiðsla meðal félagsmanna VR um nýgerða kjara-
samninga við Samtök atvinnulífsins og Félag atvinnurekenda hefst kl. 9:00
að morgni 15. janúar 2014 og lýkur kl. 12:00 á hádegi þann 20. janúar 2014.
Kjörgögn með nánari upplýsingum og lykilorði inn á rafrænan atkvæðaseðil
berast félagsmönnum á næstu dögum.
Allar nánari upplýsingar er hægt að nálgast á www.vr.is
Kjörstjórn VR
Kosið um
kjarasamninga VR
maður þarf bara að viðurkenna það
og það þýðir ekkert að stytta sér
leiðir. Það sem mér finnst eiginlega
merkilegast við að eiga fjögur börn
er það að þó að það sé ofboðslega
mikill systkinasvipur með þeim
þá eru þau líka mjög ólík á sama
tíma. Þau hafa sín sérkenni, sína
styrkleika og veikleika og ég held
að það sé mjög mikilvægt að maður
viðurkenni það alveg frá því að þau
eru mjög lítil, þau eru einstaklingar
sem hafa sinn rétt að fá að þroskast
á sínum forsendum,“ segir Dagur.
Virðing borin fyrir börnunum
„Ég ólst upp hjá venjulegri fjöl-
skyldu í Árbæjarhverfinu sem
einkenndist af því að mamma og
pabbi unnu mikið en þau gáfu
okkur mikið af tíma sínum þess
utan. Það sem mér fannst ein-
kenna þeirra uppeldi var mikil
virðing fyrir okkur sem persónum,
einstaklingum og skoðunum
okkar og þau hlustuðu og færðu
rök fyrir sínum ákvörðunum. Auð-
vitað höfðu þau síðasta orðið en ég
held að þetta sé eitthvað sem hafi
verið fjársjóður sem maður tók
með sér út í lífið. Þessi hlustun og
að rökin skuli ráða og maður verði
að geta fært rök fyrir máli sínu,
hlýja og jafnræði. Ég held að það
sé með mikilvægustu lærdómum í
lífinu. Það gildir líka í læknisfræði
að geta sett sig í spor annarra og ef
fólk finnur það þá slaknar á öllu og
þá er auðveldara að finna lausnir
jafnvel á mjög flóknum málum því
að lífið er auðvitað fullt af flóknum
málum, einkalífið, opinbera lífið,
pólitíkin og í raun allt,“ segir
Dagur.
Læknastarfið togar í mann
Dagur hefur sýnt áberandi leiðtoga-
hæfileika frá því að hann var ung-
lingur í Menntaskólanum í Reykjavík
og síðar í háskólapólítíkinni þar sem
hann var meðal annars í Stúdenta-
ráði fyrir Röskvu og síðan sem for-
maður Stúdentaráðs. Eftir að hafa
lokið embættisprófi í læknisfræði hér
heima vann hann í nokkur ár sem
læknir áður en hann tók sæti á lista
fyrir Reykjavíkurlistann árið 2002.
„Ég hafði alltaf áhuga á stjórnmálum
en fór meðal annars í læknisfræði
til þess að vinna við fag sem væri
áhugavert og spennandi og gengi
mikið út á samskipti við fólk en væri
líka ákveðin vísindi,“ segir Dagur
og segir að læknisfræðin hafi í raun
áhrif á hvernig hann hugsar um starf
sitt í borginni.
„Það eru ótrúlega margar ákvarð-
anir sem eru teknar í borgarstjórn
sem hafa áhrif á heilsuna, hvort við
hreyfum okkur í daglegu lífi, erum
örugg á götunum, löbbum eða hjól-
um og krakkarnir hreyfi sig á skóla-
tíma. Hvort að við borðum hollt getur
líka verið háð því hvernig við skipu-
leggjum þjónustu í hverfum okkar og
skipulagsmálin eru nátengd heilsu
og hafa reyndar alltaf verið,“ segir
Dagur og minnist þess að það voru
læknar sem börðust fyrir vatns-
veitu Reykjavíkur fyrir 100 árum.
Dagur segir margt geti farið saman í
stjórnmálum og læknisfræði. „Þarna
kemur jöfnuðurinn líka inn, við
sjáum það í læknisfræðirannsóknum
að jafnaðarsamfélög eru betri hvað
heilsu snertir, við sjáum það í sam-
félögum sem leggja áherslu á rétt-
indi kvenna að heilbrigði er meira og
grunnþættir eins og læsi hafa mikil
áhrif,“ segir Dagur.
„Læknastarfið togar í mig og ég
finn það alveg að ég gæti vel hugsað
mér að gera það aftur og jafnvel í
bland við stjórnmálin. Suma daga í
borginni þá finnst mér ég þó vera að
sinna einhvers konar borgarlækning-
um því að maður er að taka ákvarð-
anir sem varða fólk, umhverfi þess
og lífsgæði,“ segir hann.
Með of marga bolta á lofti
Dagur segist hafa verið mjög lán-
samur í starfi sem og í einkalífi og
því þakkar hann sína velgengni í
því sem hann hefur tekið sér fyrir
hendur. „Pólitíkin hefur verið mik-
ill rússíbani, töluvert upp en líka
niður og reynt á og þá er ég ekki
bara að tala um mig heldur allt
samfélagið,“ segir Dagur. „Ég á
það stundum til að vera með alltof
marga bolta á lofti í einu og ég hef
áhyggjur af því að ég sé ekki að
sinna mínu heima gagnvart börn-
unum og konunni minni, vinum
og fjölskyldu. Það eru ekki nógu
margir klukkutímar í sólarhringn-
um en samt set ég í gang stór
verkefni í vinnunni sem ég vil að
nái árangri og ég veit ég get verið
ofboðslega óþolinmóður gagnvart
samstarfsfólki en vonandi á minn
mjúka hátt,“ segir Dagur.
„Lýðræðið er leiðin sem við höf-
um til þess að breyta samfélaginu
í betri átt og hún reynir stundum á
þolinmæðina, lýðræði tekur tíma
og ekkert er fullkomið en mér
finnst einhvern veginn þegar mað-
ur horfir yfir heiminn, til dæmis
Norðurlandanna og sér hvernig
stjórnmálunum hefur tekist að
skapa sterk góð samfélög sem
bera virðingu fyrir fólki þá finnst
mér ekki hægt að halda öðru fram
en að stjórnmálunum hafi tekist að
skapa frið og gott samfélag,“ segir
Dagur. „Stjórnmálin gera hins
vegar ekkert ein. Norræna leiðin
er að vinna náið með atvinnulífinu,
fjöldahreyfingum eins og verka-
lýðshreyfingunni, kvennahreyf-
ingum og frjálsum félagasam-
tökum. Samstarf er lykill að góðu
samfélagi.“
Dagur segir að hreinskiptni
og heiðarleiki skipti mjög miklu
máli í stjórnmálum sem og í lífinu
almennt. „Að koma bara eins og
maður er klæddur og segja sína
skoðun en geta þá líka hlustað á
rök og jafnvel skipt um skoðun eða
komist að einhverri sameiginlegri
niðurstöðu,“ segir hann.
Sjálfhverfa stjórnmálamanna
Ýmis færi hafi skapast hjá Degi í
fortíðinni til að fara í landspólítíkina
og sú spurning hefur komið upp.
„Mér finnst borgin skipta miklu
meira máli heldur en fólk almennt
gerir sér grein fyrir. Ef við erum
að hugsa um Ísland og hvernig
við ætlum að halda komandi kyn-
slóðum hérna og skapa lífskjör sem
standast samanburð við nágranna-
löndin þá skiptir Reykjavík og
blómlegt borgarsamfélag lykilmáli.
Við þurfum að byggja á þekkingu,
skapandi greinum og nýsköpun.
Við eigum tækifæri til að gera það
hér í Reykjavík í samstarfi við há-
skólana og fyrirtækin sem eru
nægilega stór og öflug. Borgin þarf
að draga vagninn inn í framtíðina
og búa til lífskjör og lífsgæði. Hjá
borginni ertu að vinna í þessum
verkefnum nánast með eigin hönd-
um,“ segir Dagur.
„Ég geri miklar kröfur. Ég vil ná
árangri í því sem ég er að gera og
ég er ekki í borgarmálum til að eiga
sæti í borgarstjórn heldur til að
koma hlutum í verk. Ég vil að hlut-
irnir gangi helst hratt og vel þannig
að allt komist í mark,“ segir Dagur.
Hann segir að sjálfhverfa sé
versti gallinn hjá íslenskum stjórn-
málamönnum. „Ef manni tekst að
taka egóið aðeins til hliðar þá tekst
manni að koma miklu meira í verk.
Ef maður leggur minna upp úr því
hver fái hrósið og viðurkenninguna
þá er hægt að láta miklu fleiri hluti
verða að veruleika, það er mín
reynsla,“ segir Dagur.
„Ég hef líka kynnst mjög mörgu
fólki í stjórnmálum sem brennur
fyrir því sem það trúir á og er
í þessu alveg af heilum hug og
hjarta. Þetta er bara eins og í öðru,
fólk er bara ólíkt og gerir hlutina
af mismunandi forsendum. Ég er
mjög hamingjusamur í því sem ég
er að gera og það gefur mér mikið.“
María Elísabet Pallé
maria@frettatiminn.is
Ég hafði alltaf
áhuga á stjórn-
málum en fór
meðal annars
í læknis-
fræði til þess
að vinna við
fag sem væri
áhugavert og
spennandi og
gengi mikið út
á samskipti við
fólk en væri
líka ákveðin
vísindi.
12 viðtal Helgin 10.-12. janúar 2014