Fréttatíminn - 11.04.2014, Blaðsíða 58

58 matur & vín Helgin 11.-13. apríl 2014
 vín vikunnar
Columbia Crest
Two Vines Caber-
net Sauvignon
Gerð: Rauðvín.
Þrúga: Cabernet
Sauvignon.
Uppruni: Bandaríkin,
2008.
Styrkleiki: 13,5%
Verð í Vínbúðunum:
2.399 kr. (750 ml)
Umsögn: Frábær
framleiðandi úr
þessu skemmtilega
vínríki. Þroskað og
milt vín, þú finnur
lítið fyrir tanníni. Smá
berjakeimur. Prófaðu
það með bláberja-
krydduðu lambi eða
berjasósu.
Alamos Malbec
Gerð: Rauðvín.
Þrúga: Malbec.
Uppruni: Argentína,
2012.
Styrkleiki: 13,5%
Verð í Vínbúðunum:
2.298 kr. (750 ml)
Umsögn: Þetta vín
kemur frá Mendoza
í Argentínu þar
sem Malbec-þrúgan
ræður gjörsamlega
ríkjum. Vel heppnað
vín, örlítið kryddað,
með berjakeim og
þú finnur örlítið fyrir
tanníni. Gott með
lamba-filet eða öðru
lambakjöti þar sem
fitan hefur verið vel
elduð.
Einstök Icelandic
Pale Ale
Gerð: Bjór.
Tegund: Öl.
Uppruni: Ísland.
Styrkleiki: 5,6%
Verð í Vínbúðunum:
399 kr. (330 ml)
Umsögn: Þetta
íslenska Pale Ale
er í amerískum stíl;
humlað og eilítið
rammt, en á góðan
hátt. Tilvalið fyrir þá
sem vilja páskalambið
virkilega sterkt
kryddað og jafnvel í
kebab-formi.
Pínu forskot á páskaveisluna
Páskarnir eru í næstu viku. Dymbilvikan hefst á sunnudag þar sem
minnst er innreiðar Jesú í Jerúsalem. Ekki er vitað til þess að
Jesús hafi riðið inn í Bordeaux en hann hefði kannski betur
gert það, blessaður, því þar er að finna mörg af bestu
rauðvínum heims. Að borða
lamb um páskana er
eldri hefð en páskarnir
sjálfir þó við tölum um
páskalambið. Þessa hefð
má rekja til fornrar hátíðar
gyðinga þar sem vorlambi
var fórnað fyrir guð almáttugan. Það er því tilvalið að byrja
þessa páskaviku á lambasteik og hafa með henni Chateau Tour
de Capet. Þetta er þroskað vín með góða fyllingu og smá eik.
Pottþétt eitthvað sem Jesús og strákarnir hefðu kunnað að meta.
Chateau Tour de Capet
Gerð: Rauðvín.
Þrúga: Bordeaux-blanda.
Uppruni: Frakkland, 2010.
Styrkleiki: 14%
Verð í Vínbúðunum: 3.698 kr. (750 ml)
Höskuldur Daði Magnússon
Teitur Jónasson
ritstjorn@frettatiminn.is
Fréttatíminn mælir með
Uppskrift vikunnar
Páskalambið í brauði
Á ferðalögum í útlöndum
verður ekki þverfótað fyrir
kebab, shawarma, falafel eða
öðrum skyndibita af mið-aust-
urlenskum ættum. Á Íslandi
hefur slíkum stöðum fjölgað
á síðustu árum og landsmenn
virðast vera farnir að kunna
að meta fegurðina í því að láta
feitan mann með svitabletti
og yfirvaraskegg brasa ofan í
sig. Nú þegar páskarnir eru að
ganga í garð er tilvalið að hafa
í huga hvort páskalambið í ár
verði borið fram í brauði.
HeiMakebab
Til að elda gott kebab heima
hjá sér er gott að næla sér í
fallegan bita af lambakjöti. Hér
er notast við úrbeinaðan og
hægeldaðan lambabóg.
Ekki þarf að úrbeina bóginn
en ástæðan fyrir því að kjötið
er úrbeinað er sú að þá verður
svo miklu einfaldara að skera
kjötið í litla bita. Ekki skera
neitt af fitunni burtu því í
henni er bragðið sem við erum
að reyna að ná. Krydd eftir
smekk. En smá cummin og
kóríanderfræ eru eru klassísk
sem og rósmarín og hvítlaukur,
salt og pipar.
Lokið svo aðeins báðum
hliðum á öskrandi heitri pönnu
með blöndu af smá smjöri
og olíu. Setjið í eldfast mót
eða steikarpott og inn í ofn
við 150-180 gráður í 1-2 tíma.
Þetta er ekki lambasteik sem
er best aðeins rauð í miðjunni
heldur á kjötið að vera mjúkt
og fulleldað.
Hvílið það vel að steikingu
lokinni svo allur safinn haldist
vel inni í kjötinu. Þetta er
hægt að gera daginn áður,
því stykkið er svo skorið í
munn bita sem er hitaðir á
pönnu. Kebab er til dæmis góð
leið til að nýta afgangana af
sunnudags steikinni.
brauðið
Brauð í kebab flokkast í
tvær gerðir: Flatbrauð sem
er rúllað utan um kjötið og
vasabrauð sem við þekkjum
sem pítubrauð. Þar er kjötinu
komið fyrir inni í brauðinu en
fyrir lengra komna, sem baka
sitt eigið, er líka skemmtilegt
að rúlla vasabrauði einn hring
utan um kjötið og græn-
fóðrið og sveipa jafnvel smá
vaxpappír utan um.

Flatbrauðið er einfalt og
þarf ekki að hefast nema í
stutta stund.
5 dl hveiti
1 tsk salt
1 tsk þurrger
1 msk ólífuolía
volgt vatn þar til deigið er
komið saman.
Látið jafna sig í korter, fletjið
svo út pönnukökur í þeirri
stærð sem óskað er, bakið í
ofni við 200 g í eina til tvær
mínútur eða svo og setjið svo
undir hreint viskustykki til þess
að halda mjúku og volgu.
Bökunarsteinn eða pits-
usteinn er alltaf til bóta en ekki
nauðsynlegur. Eins er líka hægt
að baka á pönnu.
Pítubrauðið er aðeins annað
mál, kannski ekki neitt
fáránlega flókið í fram-
kvæmd en það tekur tíma.
2 bollar brauðhveiti
1 ½ bolli hveiti
1 ½ tsk salt
1/2 tsk sykur
1 bréf þurrger
1 1/4 bolli volgt vatn
1 msk ólífuolía
Setjið gerið og sykurinn í
¼ bolla af volgu vatni og
látið það standa í tíu mínútur.
Þegar það er orðið bubblandi
fínt fer saltið, ólífuolían og
restin af vatninu út í og bláa
hveitið er hrært saman við.
Deigið er síðan hnoðað upp úr
rauða hveitinu, hvort sem er í
höndunum eða með deigkrók
í hrærivél.
Baðið degið upp úr smá olíu
og setjið í skál með röku
viskustykki yfir. Látið hefast í
minnst 2 tíma eða þangað til
deigið hefur tvöfaldast.
Vinnið loftið varlega úr
deiginu með höndunum og
skiptið í 8-12 jafna hluta eftir
því hve stór brauðin eiga að
vera. Fletjið svo út í ½ cm
þykkar kökur sem þurfa að
hefast í aftur 30 mínútur undir
rökum klút eða plastfilmu.
Hitið ofninn í 250 gráður,
helst með pitsusteini, annars
með heitri ofnskúffu. Bakið 1-3
brauð í einu í um það bil tvær
mínútur.
Ekki fikta í ofninum fyrst um
sinn svo vasinn fái að þroskast
en það á heldur ekki að bíða
eftir því að brauðið verði
gullinbrúnt því þá verður það
of stökkt.
Sósan
Veldu hreina jógúrt, sýrðan
rjóma eða gríska jógúrt sem
grunn og bættu smá sítrónu-
safa, sweet relish og steinselju
út í og þú ert kominn með
frábæra sósu út á kebabið.
Smá salt og smátt saxaður
hvítlaukur skemmir heldur
ekkert fyrir.
Borðstofuborð frá 47.500
Skrifstofuhillur frá 9.900
Sjónvarpsskápar frá 19.900
Rúm 153-193cm frá 69.000
Speglar frá 5.000
Sófaborð frá 7.500
Torino
Fjarstýringavasar frá 2.900
Púðar frá 2.900
Stólar frá 2.000
Borðstofuskenkar frá 77.000
Bar skápar frá 89.000
Púðaver frá 1.000
Mósel
Milano

LAGERHREINSUN

Íslenskir sófar
Fyrir íslensk heimili
Allar stærðir og gerðir
• Gerð - fleiri en 900 mismunandi útfærslur
• Stærð - engin takmörk
• Áklæði - yfir 3000 tegundir
Þú velur
og draumasófin þinn er klár
Basel
Við ætlum að rýma fyrir nýjum vörum og
bjóðum allt að 50% afslátt
Bíldshöfða 18 - 110 Reykjavík - sími: 557 9510 - www.patti.is
Opið virka daga kl. 10-18
laugard. 11-16
Tungusófi verð 149.000 áð
ur 284.900