Fréttatíminn - 11.04.2014, Blaðsíða 84

 Í takt við tÍmann tanja tómasdóttir
Sjúk í allt sænskt
Tanja Tómasdóttir er 24 ára Eyjastelpa sem er að ljúka prófi í lögfræði
frá Háskóla Íslands. Hún varð á dögunum fyrsta konan hér á landi til
að hljóta réttindi sem umboðsmaður knattspyrnumanna. Tanja heldur
með Manchester United og sofnar út frá Friends á kvöldin.
Staðalbúnaður
Mér líður best í Converse-skóm
og þægilegum fötum. Fatastíllinn
minn er frekar „casual“. Það sem ég
óttaðist mest við að verða lögfræð-
ingur var að ég þyrfti að vera í hæla-
skóm dags daglega. Fyrsta árið mitt í
Versló gekk ég í gamaldags gervi-
grasskóm og fannst ég vera mjög
töff. Gervigrasskórnir eiga kannski
meira við þegar ég er orðinn umboðs-
maður.
Hugbúnaður
Ég reyni að mæta í ræktina úti á Nesi
á milli þess sem ég les á Lögbergi.
Það er fátt þægilegra en að fara í
pottana og gufuna þar. Svo hlakka
ég til að hafa meiri tíma til að fara
út að hlaupa í sumar. Ég horfi mikið
á fótbolta og reyni að missa ekki af
leik með mínum mönnum í United.
Svo horfi ég á Suits og Friends. Ég
sofna reyndar yfirleitt út frá Friends,
ég er alger fíkill. Það kemur nú fyrir
að maður kíki út með vinkonunum
og þá eru yfirleitt miklar umræður
um hvert á að fara. Eftir að Næsti bar
lokaði þá erum við frekar heimilis-
lausar. Helmingurinn vill fara á b5 en
hinn helmingurinn eitthvað annað.
Vélbúnaður
Ég myndi segja að ég væri Epla-
sjúk, ég er með Macbook, iPhone,
iPad og allt sem því fylgir. Ég nota
mest Snapchat og Twitter í símanum.
Það er mín leið til að láta fjölskyldu
og vini vita að ég sé á lífi meðan ég
er í skólanum allan daginn. Það er
reyndar misgáfulegt það sem kemur
frá manni þegar maður er búinn að
vera að læra í marga klukkutíma.
Aukabúnaður
Ég er mjög dugleg að taka með mér
nesti í skólann, ég reyni að elda
fyrir nokkra daga í senn. Uppáhalds
holla nammið mitt eru söl og greip.
Annars finnst mér voða gott að fara á
staði eins og Lemon, Joe & the Juice
og Serrano þar sem hægt er að fá
eitthvað fljótlegt og nokkuð hollt. Ég
fór í skiptinám til Svíþjóðar á fyrsta
ári í meistaranáminu og hef verið
alveg Svíþjóðarsjúk síðan. Ég kann
að meta menninguna þarna, hve þeir
eru skipulagðir, kunna að standa í
röðum og eru kurteisir. Svo er stemn-
ingin svo afslöppuð og fólk hjólar um
allt. Ekki má heldur gleyma H&M
sem var styrkt vel þegar ég bjó úti.
Ég elska að ferðast og næst á planinu
er að fara til Ástralíu til að heimsækja
vini sem ég eignaðist þarna úti. Þó
Uppsalir séu í uppáhaldi hjá mér
eru Vestmannaeyjar samt fallegasti
staður sem ég hef komið á.
Tanja Tómasdóttir er fyrsta
konan á Íslandi sem öðlast
réttindi til að starfa sem
umboðsmaður knattspyrnu-
manna. Ljósmynd/Hari
1 iPadinn minn hefur
mörg hlutverk
og er uppáhalds
óþarfa hluturinn
minn. Ég les
bækur í honum,
fréttir og önnur
tímarit, horfi
á fótbolta í
OZ appinu og
nýti hann sem
auka skjá við
ritgerðarskrif.
2Þegar ég fékk bílpróf
þá gaf afi minn
mér þennan
ÍBV bílapúða.
Það varð uppi
fótur og fit
þegar að ég seldi
bílinn minn og
uppgötvaði að
púðinn hafði
orðið eftir í bíln-
um en sem betur
fer bjargaðist
hann. Þangað til
að ég kaupi mér
nýjan bíl hefur
púðinn sinn stað
á skartgripa-
trénu mínu.
3Allir eplasjúkir
þurfa að eiga
góðan eplaskera.
Þetta er líklega
mest notaða eld-
húsáhaldið mitt
og lífið breyttist
til hins betra
eftir að ég fjár-
festi í þessum
dýrgrip.
NÝJAR VÖRURHETTUPEYSA 6990
MARGIR LITIR
FACEBOOK.COM/JACKANDJONESICELAND INSTAGRAM @JACKANDJONESICELAND
KRINGLUNNI / SMÁRALIND
84 dægurmál Helgin 11.-13. apríl 2014