Fréttatíminn - 14.02.2014, Blaðsíða 28

Óðalsostur hefur verið á borðum landsmanna frá
árinu 1972 þegar Mjólkursamlag KEA hóf framleiðslu
hans á Akureyri. Fyrirmynd hans er Jarlsberg,
frægasti ostur Norðmanna. Óðalsostur er mildur með
örlítinn möndlukeim og skarpa, sæta, grösuga tóna.
Frábær á morgunverðarborðið, hádegishlaðborð eða
bara einn og sér.
www.odalsostar.is
ÓÐALSOSTUR
TIGNARLEGUR
Á
rið 2003 gafst ég
endanlega upp. Þá
henti ég Hljómalind;
lyklunum, tölvunum
og símanúmerabók-
unum og ákvað að koma aldrei
nálægt þessum bransa aftur. Ég
hefði alveg staðið við það ef Færey-
ingarnir hefðu ekki fundið mig,“
segir Kristinn Sæmundsson, sem
flestir þekkja sem kaupmanninn í
hljómplötuversluninni Hljómalind.
Nú eða Kidda kanínu ef því er að
skipta. Kiddi hefur látið lítið fyrir
sér fara síðan búðin lagði upp laup-
ana. Nú er hann hins vegar aftur
kominn í hringiðu tónlistarlífsins
og undirbýr stórsókn færeyskra
listamanna á íslenska markaðinn
auk þess að hefja veg Hafnarfjarð-
ar sem menningarbæjar á hærri
stall.
Fékk Visakort Bjarkar lánað
Kiddi opnaði Hljómalind 13. nóvem-
ber 1991 en hafði fram að því verið
með póstverslun með plötur og selt
þær í Kolaportinu um helgar. Búðin
lifði því í tólf ár en meðfram verslun-
inni var Kiddi dugmikill tónleika-
haldari. Óhætt er að halda því fram
að menningarlífið hefði verið fátæk-
ara ef hans hefði ekki notið við. Með-
al hljómsveita og listamanna sem
komu hingað á hans vegum voru Will
Oldham, Blonde Redhead, Modest
Mouse, Trans Am og Propellerheads
svo fáeinir séu nefndir. Þar að auki
var hann einn skipuleggjenda Uxa
og var umboðsmaður Sigur Rósar í
árdaga sveitarinnar.
Kiddi er nýorðinn 48 ára. Hann ólst
upp í Breiðholti og rifjar upp að hann
og vinir hans hafi verið sjö ára gamlir
þegar þeir byrjuðu að hlaða brennur
um áramót. Þetta varð mikið sport
og þrisvar náðu þeir því að vera með
stærstu brennurnar í bænum. Kiddi
segir að allur ferill hans hafi í raun
verið svipaður og vinnan við að hlaða
brennur; mikil vinna við að byggja
eitthvað upp sem svo klárast á einu
kvöldi í einum blossa.
Hann var viðriðinn Medúsahópinn,
Smekkleysu og Grammið á sínum
tíma. Fyrsti stóri viðburðurinn sem
hann skipulagði var Kúltúrpakkið
árið 1988 og í kjölfarið komu Rokk-
skógar árið 1990. Þá voru haldnir
fjölmargir tónleikar um allt land til
styrktar skógrækt í landinu, þar á
meðal stórtónleikar í Höllinni með
Sykurmolunum, Bubba, Megasi og
Todmobile.
Svo kom að Uxa sem var með
umdeildari hátíðum. Mikið tap var á
hátíðinni og kom það niður á Hljóma-
lind í kjölfarið. „Það var eiginlega
Björk sem bjargaði mér eftir Uxa,
hún lánaði mér Visakortið sitt. Búðin
mín tæmdist því það þurfti að kæla
niður klósettþrifagengið, gæslulið og
fleiri sem höfðu ekki fengið borgað.
Með Visakortinu hennar gátum við
keypt plötur inn sem við smygluðum
til landsins í handfarangri til að geta
haldið búðinni gangandi,“ segir Kiddi
sem getur hlegið að minningunni í
dag, þó honum hafi ekki verið hlátur í
huga á sínum tíma.
Lenti í slysi á lagernum
Við Kiddi ræðum saman á kaffihús-
inu Kaffibrennslunni. Það er í sama
húsi og hann rak Hljómalind lengst
af. Þá bjó hann meira að segja uppi á
efri hæðinni. En hvað varð um Kidda
í Hljómalind eftir að búðin lokaði?
Hvert fórstu?
„Ég fór bara út í garð að vinna,
hellti mér í garðyrkju af mikilli
ástríðu. Svo fann ég mér konu og
stofnaði fjölskyldu. Ég er með níu ára
strák og annan sjö ára og svo einn
tvítugan af fyrra sambandi. Ég hef
semsagt starfað sem garðyrkjumað-
ur og blómaskreytingamaður og hef
notið þess til hins ítrasta.“
Kiddi hvarf snögglega úr tónlistar-
senunni þar sem hann hafði verið í
farabroddi. Ýmsar sögur voru um
afdrif hans en þær hafa flestar verið
tröllasögur.
„Nei, ég hvarf ekkert. Ég gaf bara
ekki færi á mér. Ég var ekki í síma-
skránni og fór ekki inn á Facebook
fyrr en í sumar. Ég var náttúrlega
reiður yfir hvernig þetta endaði
allt saman. Ég var búinn að búa til
mörg tækifæri og koma mönnum í
réttu samböndin svo þeir gætu látið
drauma sína rætast og eina sem ég
fékk var spark í rassinn alls staðar.
Jújú, ég fékk eitt og eitt klapp á bakið
en þú lifir ekki lengi á því. Það dugar
illa til að fæða fjölskylduna. En ég
reyndi að bögga aðra sem minnst
með fýlunni í mér.“
Kiddi segist hafa unað vel við sitt
í garðyrkjunni en þegar lítið var að
gera á veturna greip hann stundum
í lagerstörf meðfram. Og það var á
lagernum sem ógæfan bankaði upp
á þegar Kiddi slasaði sig. „Ég fékk
hálshnykk. Nú hef ég ekki getað unn-
ið erfiðisvinnu í eitt og hálft ár, ég get
ekki bograð eða beygt mig lengur, ég
var bara stoppaður af.“
Kiddi kveðst hafa lent í alls konar
erfiðleikum eftir slysið. Vinnuveit-
andinn hafi ekki viljað skrifa upp á
hann hafi lent í vinnuslysi og hann
hafi rekið á sig veggi þegar hann
reyndi að fá stuðning frá hinu opin-
bera.
Hann segir að þetta hafi tekið
mikið á sig. Auk þess að vera frá
vinnu hafi slysið haft áhrif á daglega
lífið. „Það er margt sem ég get ekki
gert eins og ég vildi lengur, ég get
ekki veitt, ég get ekki spilað fótbolta
eða synt.“
Rómantískur í Firðinum
Á síðasta ári urðu tvenn tímamót í
lífi Kidda. Hann flutti í Hafnarfjörð
og hóf í kjölfarið afskipti af tónlistar-
bransanum á nýjan leik þegar hann
endurnýjaði gömlu samböndin í
Færeyjum.
„Ég flutti til Hafnarfjarðar í júlí
og það breytti lífi mínu. Það er
alger draumur að búa þarna, mér
finnst eins og heimurinn fæðist fyrir
framan mig á hverjum degi. Svona er
ég orðinn rómantískur,“ segir hann
og hlær.
Kiddi segist reyndar alltaf hafa
haft sterkar tengingar við Hafnar-
fjörð, dyggustu kúnnar hans hafi
verið þaðan og hann hafi unnið með
hljómsveitum þaðan á borð við Bub-
bleflies, Botnleðju og Súrefni.
„Það er einstök þorpsstemning í
Hafnarfirði, meira að segja krakkarn-
ir bjóða góðan daginn. Í öðru hverju
húsi eru listamenn og sófaskáld,
góður hippaandi, og mér leið strax
eins og ég væri kominn heim. En ég
sá líka að þarna væru gullin tækifæri
á hverju strái og fór strax að tala við
fólk um hvað væri hægt að gera.“
Færeyska innrásin
Seint á síðasta ári fór Kiddi í starfs-
endurhæfingu hjá Virk. Þar tókst
honum að spegla hvar styrkleikarnir
lægju sem hjálpaði honum að taka
skrefið aftur yfir í tónlistarbransann.
„Ég ákvað að leggja niður allar
varnir og sjá hvert Guð leiddi mig.
Það fyrsta sem hann gerir er að leiða
mig beint til Færeyja,“ segir Kiddi
sem hitti Jón Týril, stjórnanda G!-
festival í Færeyjum á Airwaves-há-
tíðinni í nóvember. Í kjölfarið var
honum boðið til Færeyja á tónlist-
arhátíðina Heima. Úr varð að Kiddi
hefur tekið að sér að vera Færeying-
um innan handar hér á landi. Á næst-
unni mun fjöldi færeyskra tónlistar-
manna sækja Ísland heim og dreifing
og kynning á tónlist þeirra verður
stóraukin. Allt byrjar þetta með Fær-
eyskum febrúar sem nú stendur yfir.
Og í ofanálag er Kiddi einn stofn-
meðlima Menningar- og listafélags
Hafnarfjarðar sem hyggst láta til
sín taka í menningarlífinu á næst-
unni. Með honum í stjórn félagsins
eru Erla Ragnarsdóttir úr Dúkku-
lísunum, Ingvar Björn Þorsteins-
son myndlistarmaður, Tómas Axel
Ragnarsson úr Fjallabræðrum og Óli
Palli á Rás 2. Hægt er að kynna sér
starfsemi félagsins á heimasíðunni
mlh.is. Fyrsti viðburðurinn á vegum
félagsins verður á sunnudaginn þeg-
ar Eivör Pálsdóttir heldur tvenna tón-
leika í Bæjarbíói, einmitt í tengslum
við Færeyskan febrúar.
„Þetta lá eitthvað svo beint við.
Hafnarfjörður er svo menningar-
lega sinnaður og hér er mikið um
laumulistamenn. Mér finnst tilvalið
að tengja þetta saman, að hnýta
saman vináttutengsl Íslands og Fær-
eyja og auðga um leið menningar-
lífið í Hafnarfirði. Og í raun og veru
leiða saman smáþjóðirnar sem búa
á þessum skemmtilega leikvelli sem
norðrið er.“
Höskuldur Daði Magnússon
hdm@frettatiminn.is
Upprisa Kidda
Kristinn Sæmundsson var áberandi í tónlistarlífinu þar til hann
lokaði versluninni Hljómalind fyrir áratug og sneri sér að garðyrkju
og blómaskreytingum. Eftir vinnuslys stóð hann á tímamótum
og ákvað að snúa sér aftur að því sem hann kann best, að auðga
menningu landsmanna með tónlist og tónleikahaldi.
Kristinn Sæmundsson, Kiddi í
Hljómalind, hefur látið lítið fyrir
sér fara síðasta áratug. Hann er nú
snúinn aftur í tónlistarbransann
og hyggst gera Hafnarfjörð að
yfirvinabæ Færeyja. Ljósmynd/Hari
28 viðtal Helgin 14.-16. febrúar 2014