Fréttatíminn - 14.02.2014, Page 32

Dagur elskenda
K
„Kynþokki rennur aldrei út.“ Svo sagði á
Smartlandinu hjá Mörtu smörtu, ágætri
frænku minni og kollega í blaðamennsk-
unni, á Moggavefnum. Greinilegt var að
til tíðinda taldist. Þetta þótti mér eðlilegt
að skoða í tilefni dagsins í dag, 14. febrú-
ar, Valentínusardagsins sem eignaður
er elskendum. Þar sagði Smartlandið
frá amerísku fataframleiðslufyrirtæki
sem notaði 62 ára fyrirsætu í auglýsinga-
herferð sína. Þetta þóttu mér líka tíðindi
nokkur, ekki síður en frænku, enda mód-
elið nánast jafnaldri minn. Ég reiknaði
frekar með því að konan, komin á svo
virðulegan aldur, væri að auglýsa síðkjóla
eða pelsa en svo var alls ekki. Hún var
andlit en aðallega kroppur nærfatalínu
fyrirtækisins og sat því fyrir í blúnd-
unærfötum einum klæða.
Ekki var annað að sjá en limaburður
fyrirsætunnar væri bærilegur þar sem
hún lá á vinstri lendinni íklædd vínrauð-
um naríum, hefðbundum en ekki þveng.
Sá hefði varla verið við hæfi – eða hvað?.
Brjóstahaldið var í öðrum litatóni, fjólu-
blátt og huldi það sem það átti að hylja.
Á annarri mynd, sem tekin var við sama
tækifæri, teygði konan hægri ganglim-
inn til lofts án þess þó að vera áberandi
glyðruleg. Hárið var sítt og slegið, ljóst
að lit. Líklegt þykir mér að æskulit þess,
hafi hann verið ljós, sé viðhaldið með
öðrum litarefnum en náttúrunnar, en
auðvitað á ekki að fullyrða neitt um kon-
ur sem maður þekkir ekki.
Það var tilbreyting að sjá þroskaða
konu í þessu hlutverki, í stað
þeirra unglingsstúlkna
sem því gegna að
jafnaði. Ekki var
annað að sjá en fólki
líkaði framtakið því
Marta sagði frá því
á Smartlandinu
að margir aðdá-
endur nærfata-
framleiðandans
hefðu „lækað“
við myndirnar
af leggjalöngu
blúndukonunni.
Það er vitaskuld
uppörvandi að sjá
það svart á hvítu
að kynþokk-
inn rennur
ekki út,
heldur helst
ævilangt, eða
að minnsta
kosti vel fram
eftir aldri.
Það kom að
vísu ekki
fram á
Smartland-
inu, biblíu
kynþokk-
ans, hvort
þetta ætti
aðeins við um konur, að karlar á aldri
fyrirsætunnar væru komnir fram yfir
síðasta söludag. Það er kannski eins gott
að vita það ekki.
Hitt liggur fyrir – og er þá stuðst við
sömu heimild – að konur ku laðast að
breiðleitum karlmönnum. Ástæðan gæti
verið, segir Smartlandið og vitnar í nýja
erlenda rannsókn, að breiðleitir karl-
menn eru taldir ákveðnari og ágengari en
aðrir. Þarna tóku 150 einhleypar konur
á aldrinum 18-32 ára afstöðu og voru, að
því er Marta María segir kinnroðalaust,
til í stutt kynni með þeim breiðleitu og
tilbúnar til að hitta þá á öðru stefnumóti.
Máli sínu til stuðnings birti Smartlandið
mynd af þremur kyntröllum, leikaranum
Brad Pitt sem hún segir virkilega aðlað-
andi „enda með enga smá kjálka.“ Þar
fylgir fast á eftir Daniel Craig „með breitt
andlit og heldur betur vinsæll meðal
kvenna,“ eins og þar segir. Daniel hefur
leikið harðjaxlinn og flagarann James
Bond í nýjustu myndunum um njósnara
hennar hátignar. Loks klykkir vefur
draumóranna út með mynd af leikaranum
Robert Pattinson sem sagður er flottur
og karlmannlegur. Þann pilt kannast
pistilskrifarinn ekki við, en af myndinni
að dæma er þar á ferð heldur snyrtilegt
ungmenni, í jakkafötum með bindi.
Þetta hljómar ekki vel fyrir þá sem
mjóslegnari eru í andliti en hagur þeirra
vænkast heldur þegar áfram er lesið.
Marta smarta segir nefnilega, og styðst
enn við álit einhleypu kvennanna, að
kynni við þá breiðleitu gætu þótt eftir-
sóknarverð í einhvern tíma en ekki eins
heillandi til lengri tíma litið. Þær vildu
sem sagt ekki fara í langtímasambönd
með þeim. Aðrir eiginleikar en breiðu
kjálkarnir þykja, samkvæmt þessu, fýsi-
legri þegar kemur að vali á eiginmanni.
Ágengni er ekki spennandi til lengdar.
Þetta er rétt að hafa í huga nú á degi
elskenda, 14. febrúar. Það er ekki allt sem
sýnist.
Það breytir ekki því að margir elsk-
endur, hvort heldur þeir eru ungir eða
gamlir, rölta eftir blómstertum í dag. Það
er ágætt að nota tækifærið og gleðja þá
sem manni þykir vænt um. Janúar og
febrúar eru dagar blómabænda, þá koma
þrír blómadagar í röð. Bóndadagur, fyrsti
dagur þorra, var 23. janúar síðastliðinn.
Túlípanar bænda eru nú fölnaðir og því til-
valið að splæsa í nýtt búnt í tilefni Valent-
ínusardagsins. Hann er að sönnu ekki eins
þjóðlegur og bóndadagurinn og stenst
engan samanburð við konudaginn, fyrsta
dag Góu, en samt. Tilefnið er ærið, jafnvel
þótt fyrirbærið sé amerískt að uppruna.
Frá því stóra landi höfum við meðtekið
ýmislegt, bæði gott og vont. Valentínusar-
dagurinn geldur nokkuð
fyrir nálægð konudags-
ins, sunnudagsins 23.
febrúar næstkomandi,
en sá dagur er
aðal blóma-
dagur ársins.
Karlar hysja þá
yfirleitt upp um
sig brækurnar,
breiðleitir jafnt sem
mjóslegnir, og kaupa blóm handa
konum sínum eða kærustum.
En það er sjálfsagt að kaupa blóm líka
í dag, hvað sem líður uppruna Valent-
ínusardagsins. Þau verða hvort sem er
fölnuð annan sunnudag þegar kemur að
næsta vendi. Litskrúðug blóm skreyta
hvert heimili, gleðja viðtakanda og minna
okkur um leið á vorið sem fram undan er.
Það á raunar ekki síst við um konudags-
blómin því á fyrsta degi Góu minnast
bændur og eiginmenn húsfreyjunnar
en Góa færir með sér vaxandi birtu og
voringanginn. Svo mikið þykist ég vita,
vegna þess að ég er næstum því jafnaldri
blúndunærfatafyrirsætunnar og hef því
marga Góuna lifað, að þegar kominn er
23. febrúar er skammdegið að baki.
Rósir, túlípanar og annað fínirí frá
blómabændum viðhalda kynþokkanum.
Hafi menn það í huga rennur sá þokki
ekki út, hvað sem líður aldri. Það segir
Smartlandið að minnsta kosti, sérfræðirit
sambandanna.
Jónas
Haraldsson
jonas@
frettatiminn.is
HELGARPISTILL
Te
ik
ni
ng
/H
ar
i
SAMKVÆMT BÓKSÖLU Í PENNANUM EYMUNDSSON UM LAND ALLT
METSÖLULISTI EYMUNDSSON

VIKAN 06.02.14 - 12.02.14
1 2
Sannleikurinn um mál
Harrys Quebert
Joel Dicker
5 6
7 8
10
30 dagar - leið til betra lífs
Davíð Karlsson
9
43
Sandmaðurinn
Lars Kepler
Mánasteinn
Sjón
Tímakistan
Andri Snær Magnason
Vísindabók Villa
Vilhelm Anton Jónsson
Iceland Small World - lítil
Sigurgeir Sigurjónsson
5:2 Mataræðið
Unnur Guðrún Pálsdóttir
HHhH
Laurent Binet
Skuggasund
Arnaldur Indriðason
32 viðhorf Helgin 14.-16. febrúar 2014