Fréttatíminn - 14.03.2014, Blaðsíða 2

20%afslátturí mars
Ódýr
samh
eitaly
f
frá
Ketoconazol
ratiopharm
20 mg/ml ketoconazol
60 ml og 100 ml hársápa
grænn fyrir
börnin
Naso-
ratiopharm
Xylometazolin hýdróklóríð
0,5 mg/ml og 1 mg/ml
10 ml nefúði
Breyting á
starfsaldursmörkum
heilbrigðisstarfsfólks
Heilbrigðisstarfsmönnum verður heimilt
að veita heilbrigðisþjónustu á eigin starfs-
stöð til 75 ára aldurs, með möguleika
á framlengingu, samkvæmt frumvarpi
Kristjáns Þórs Júlíussonar heilbrigðis-
ráðherra til breytinga á lögum um
heilbrigðisstarfsmenn. Í byrjun síðasta árs
tóku gildi lög um heilbrigðisstarfsmenn og
sérlög um einstakar starfsstéttir féllu úr
gildi. Samkvæmt læknalögum gátu læknar
starfað sjálfstætt til 75 ára aldurs og eftir
það sótt um undanþágu til að starfa áfram,
eitt ár í senn. Með lögum um heilbrigðis-
starfsmenn varð breyting á þessu, þar sem
eitt ákvæði gildir um alla heilbrigðisstarfs-
menn og kveður á um að þeim sé óheimilt
að reka eigin starfsstofu eftir sjötugt
en verði frumvarp heilbrigðisráðherra
samþykkt verður heilbrigðisstarfsmönnum
heimilt að starfa til 75 ára aldurs á eigin
starfsstöð.
Vanmerkt erfðabreytt
matvæli
Matvælastofnun og Heilbrigðiseftirlit
sveitarfélaga stóðu fyrir sýnatökum
í matvælum á árunum 2012 til 2013 í
þeim tilgangi að skoða hvort kröfur um
merkingar erfðabreyttra matvæla væru
uppfylltar, að því er fram kemur á vef
Matvælastofnunar. Hér á landi tóku reglur
þess efnis gildi 1. janúar 2012. Niðurstaða
rannsóknarinnar var sú að þrjú sýni af 33
innihéldu erfðabreyttan efnisþátt án þess
að það kæmi fram á umbúðum og eru þær
matvörur ekki lengur á markaði.
Hverfakosning um betri borgarhverfi
Rafræn hverfakosning um ný fram-
kvæmdaverkefni í hverfum Reykjavíkur
hófst síðastliðinn þriðjudag og stendur
í viku, til miðnættis þriðjudagsins
18. mars. Þetta er í þriðja sinn sem
íbúum í Reykjavík gefst kostur á að
kjósa um verkefni í hverfunum sínum í
rafrænum kosningum með dulkóðuðum
auðkennum. Kosningarnar eru með
sama sniði og síðustu tvö ár. Farið er á
vefslóðina kjosa.betrireykjavik.is.
Í kosningunum núna er notast við nýja
íslykilinn til auðkenningar eða rafræn
skilríki. Kosningarétt hafa allir sem voru
orðnir 16 ára um síðustu áramót og
eru niðurstöðurnar bindandi. Á síðustu
tveimur árum hafa íbúar í Reykjavík
kosið yfir 200 verkefni til framkvæmda í
hverfum borgarinnar, sem Reykjavíkur-
borg hefur framkvæmt eða eru á undir-
búningsstigi. Hefur borgin, að því er
fram kemur í tilkynningu hennar, varið
600 milljónum til þessara verkefna.
Í ár verður 300 milljónum varið til nýrra
verkefna í hverfunum sem íbúar for-
gangsraða í kosningunum.
Ekki enn tryggt að misl-
ingarnir breiðist ekki út
Ekki kemur í
ljós fyrr en í
byrjun næstu
viku hvort
tekist hafi
að sporna
gegn því að
mislingar, sem
bárust með
ársgömlu barni
til landsins
um síðustu
mánaðamót,
breiðist út.
Barnaspítalinn
er í við-
bragðsstöðu
og hættan
minnkar með
hverjum degi
sem líður, að
sögn sótt-
varnarlæknis.
E nn er ekki útilokað að barn sem smitaðist af mislingum erlendis og veiktist eftir komuna til Íslands hafi
ekki smitað önnur óbólusett börn en hættan
á því minnkar með hverjum degi, að sögn
Haraldar Briem sóttvarnarlæknis. Barna-
spítalinn er í viðbragðsstöðu ef í ljós kemur
að börn sem voru í smithættu hafi smitast.
Haft hefur verið samband við foreldra þeirra
og viðbragðsáætlun er í gangi á spítalanum
veikist þau börn, sem felst me ðal annars í
því að börnin bíði ekki á biðstofu með fjölda
annarra barna.
Barnið sem veiktist var rúmlega ársgam-
alt og því of ungt til að hafa fengið bólusetn-
ingu gegn mislingum. Að sögn Haraldar
hefur barnið hætt að smita um miðja síðustu
viku en meðgöngutími mislinga er 10-12
dagar. Í byrjun næstu viku verður því ljóst
hvort hættan á smiti sé liðin hjá.
Börn eru bólusett við mislingum við 18
mánaða aldur hér á landi og lét 91 prósent
foreldra bólusetja börnin sín á síðasta ári,
samkvæmt upplýsingum frá Landlæknis-
embættinu. Víða erlendis eru starfandi sam-
tök foreldra sem berjast gegn bólusetning-
um barna, sérstaklega í Bretlandi, þar sem
skrásett voru um 2000 mislingatilfelli árið
2012. Þar í landi var áróður gegn mislinga-
bólusetningum einna háværastur í kjölfar
staðhæfinga, sem síðan hafa verið afsann-
aðar, að samband væri milli einhverfu og
mislingabólusetninga.
Að sögn Haraldar er ekki greinanlegt að
áróður gegn bólusetningu barna hafi haft
áhrif hér á landi. Hlutfall bólusettra barna
sé ásættanlegt hér á landi. Hins vegar komi
það ekki á óvart að hér komi upp mislinga-
tilfelli ef horft sé til tölfræðinnar í löndunum
í kringum okkur og bendir hann á að í Sví-
þjóð komi árlega upp um 50 tilfelli þótt bólu-
setningar séu með svipuðum hætti og hér.
„Við höfum sloppið hingað til en við
munum alltaf fá eitt og eitt tilfelli. Það
bendir ýmislegt til þess að þetta náist ekki
að breiðast út þótt svo það gæti gerst að
einhver börn sem komust í tæri við barnið
á spítalanum hafi smitast. Spítalinn fylgist
vel með þessu og við vonum að ekkert
komi upp,” segir hann. Fullorðnir eru
ekki smitberar svo fremi að þeir hafi verið
bólusettir.
Á síðustu 12 mánuðum hafa meira en
10 þúsund tilfelli af mislingum greinst í
Evrópu, þar af 17 í Danmörku, 52 í Svíþjóð
og 8 í Noregi, samkvæmt upplýsingum frá
Landlæknisembættinu. Utan Evrópu og
Bandaríkjanna eru mislingar víða landlæg-
ir og mislingafaraldur geisar til dæmis um
þessar mundir á Filippseyjum.
Sigríður Dögg Auðunsdóttir
sigridur@frettatiminn.is
 HEilbrigðismál mislingar bárust Hingað mEð ársgömlu barni
Mislingar
(Morbilli, measles)
Mislingar stafa af veiru sem er mjög smitandi og
berst milli manna með úðasmiti. Einkenni eru
mismikil, en sjúkdómurinn getur verið hættu-
legur og jafnvel valdið dauða. Um það bil 10%
þeirra sem sýkjast fá alvarlega fylgikvilla, svo
sem heilabólgu eða lungnabólgu. Bólusetning
gefur fullkomna vörn.
 VErslun Þjónusta Endurskipulögð
Biðlisti eftir plássi í Leifsstöð
Í árslok mun samningstími rekstraraðila í
brottfararsal flugstöðvarinnar renna út og því
hefur stjórn Isavia ákveðið að efna til forvals
á verslunar-og veitingarekstri. Um leið verð-
ur ráðist í breytingar á brottfararsal flugstöðv-
arinnar og öll þjónusta endurskipulögð. Áætl-
að er að breytingum verði lokið vorið 2015.
Búast má við breyttum áherslum í verslun
og veitingarekstri þar sem flóra farþega sem
fer um Leifsstöð hefur breyst töluvert. Síð-
ustu ár hefur erlendum ferðamönnum fjölgað
mikið og búist er við að árið 2020 verði hlut-
fall erlendra farþega um 75% af heildarfjölda
farþega sem fara um Leifsstöð. „Markaðurinn
hefur breyst mikið síðan reksturinn var síð-
ast boðinn út 2006. Nú viljum við stíla meira
inn á upplifun erlendra ferðamanna og planið
er að heimsókn í Leifsstöð verði mikilvægur
hluti af heimsókn til Íslands,“ segir Hlynur
Sigurðsson, framkvæmdastjóri Leifsstöðvar.
Isavia hefur leitað aðstoðar hjá breska ráð-
gjafafyrirtækinu Concession Planning sem
hefur mikla reynslu á sviði reksturs smásölu
á flugvöllum. Fríhöfnin mun sem fyrr hafa
umsjón með sölu á hefðbundnum tollfrjáls-
um varningi en sérverslanir munu annast
sölu annarra vöruflokka í einstökum versl-
unareiningum eða stærri deildarskiptum
einingum. „Við höfum fundið fyrir miklum
áhuga bæði hérna heima og líka erlendis frá.
Um leið og við settum út tilkynningu í mik-
ilvægt flugtímarit fengum við fyrirspurnir
um leið. Margir hverjir eru sérfræðingar
í rekstri verslana og veitingastaða í flug-
stöðvum. Ég get því miður ekki gefið upp
sem stendur hverjir það eru. Auk þess hafa
margir innlendir rekstraraðilar sýnt Leifs-
stöð áhuga í gegnum tíðina. Það er í raun
biðlisti eftir að komast inn en auðvitað fer
þetta í forval svo allir sitji jafnt við borðið,“
segir Leifur.
Kynningarfundur vegna útboðsins verð-
ur haldinn í Hörpu 19. mars klukkan 15 og
skráning á fundinn fer fram á www.kefair-
port.is/pre-qualification.
Leifsstöð. Breytingar verða þar er samningstími
rekstraraðila í brottfararsal rennur út í árslok.
2 fréttir Helgin 14.-16. mars 2014