Fréttatíminn - 14.03.2014, Page 44

Morgunkaffi með sætabrauði
Í Stokkhólmi fá heimamenn sér kanel-
eða kardemommubollu með kaffinu og
þess háttar tvenna smakkast óaðfinnan-
lega á Snickarbacken 7 og kostar 1050
krónur. Í miðborg Kaupmannahafnar er
ávallt notalegt að setjast inn á Paludan
við Fiolstræde 10. Þar kostar kaffi og
franskt horn (því miður er danskt vínar-
brauð sjaldséð á þarlendum kaffihúsum)
nákvæmlega það sama og í Stokkhólmi.
Nýlistin fyrir hádegi
Sennilega er Louisiana safnið á Sjálandi
forvitnilegasta nýlistasafn Norðurlanda
en þar sem það er dágóðan spöl fyrir
utan borgina verður að láta sér nægja
heimsókn á Statens Museum for Kunst
og borga 2300 krónur fyrir aðganginn
(frítt inn á fastasýninguna). Miði inn á
Moderna safnið á Skeppsholmen kostar
hins vegar 2100 krónur.
Klassískt í hádeginu
Svíar eru aldir upp við heitan mat í
hádeginu og ekkert er eins sígilt á
þarlendum matseðli og kjötbollur.
Bakfickan í Óperunni er góður staður
fyrir þess háttar veislu og kostar hún
3000 krónur. Hádegis hakkabuff á
Toldbod Bodega í Kaupmannahöfn
stendur ávallt fyrir sínu og kostar
2450 krónur.
Kennileiti og kaupmenn
Stuttan spöl frá Óperunni er Gamla
stan og það kostar ekkert að ganga
um hinar þröngu götur sem liggja
bak við konungshöllina. Það þarf ekki
heldur að taka upp veskið á leið frá
Tolbod Bodega niður að slotti Mar-
grétar Þórhildar og svo áfram niður að
Nýhöfn. Það versnar hins vegar í því
þegar gengið er niður Strikið eða Bi-
blioteksgatan og svo virðist sem H&M
veldið rukki örlítið meira í Svíþjóð en
Danmörku. Alla vega miðað við gengið
í dag enda sænska krónan sterk um
þessar mundir.
Fjölskylduskemmtun
Tívolí í Kaupmannahöfn er sá staður í
borginni sem laðar til sín flesta ferða-
menn. Þar kostar 2050 krónur inn fyrir
fullorðinn. Gröna lund á Djurgården
býður upp á álíka rússibanareið og
rukkar 1900 krónur inn. Það er aðeins
ódýrara í stærstu tækin í Tívolí en Gröna
lund.
Kvöldmatur
Nú skal gera vel við sig og velja veitinga-
stað sem hefur notið vinsælda meðal
sælkera um langt árabil og er flokkaður
sem Bib Gourmand (mikið fyrir pening-
inn) í matarbiblíu Michelin. Rolf´s Kök
við Tégnergatan 41 býður upp klassíska
rétti undir sænskum áhrifum og má
reikna með 9000 krónum fyrir þrjá góða
rétti.
Á Famo við Saxogade 3 kostar fjög-
urra rétta ítölsk máltíð 7700 krónur.
Vín með mat er oftar ódýrara í Dan-
mörku en Svíþjóð.
Þegar reikningurinn er gerður upp
er prógrammið aðeins ódýrara í höfuð-
borg Danmerkur en munurinn er innan
skekkjumarka.
44 ferðalög Helgin 14.-16. mars 2014
 StórborgaSlagur NorræNar og Nálægar borgir
1. Sterkt gengi sænsku
krónunnar er ástæðan fyrir
því að búðirnar á Strikinu er
aðeins ódýrari en þær við
Biblioteksgatan.
2. Það má komast hjá því
að draga upp veskið í gamla
bænum í Stokkhólmi.
3. Rolf´s Kök er frekar látlaus
matsölustaður en hefur verið
fastur punktur í lífi sælkera í
Stokkhólmi í mörg ár.
Er ódýrara að gera sér glaðan dag í
Kaupmannahöfn eða Stokkhólmi?
Það eru
flestir orðnir
vel kunnugir
höfuðborg
Danmerkur
á meðan sú
sænska er
óplægður
akur hjá
mörgum.
Kristján Sigur-
jónsson hefur
varið síðustu
árum í borg-
unum tveimur
og stillir hér
upp dagskrá
að góðum
degi í þessum
keimlíku
bæjum og
gerir svo upp
reikninginn í
lokin.
Kristján Sigurjónsson heldur úti ferða-
vefnum Túristi.is þar sem finna má sér-
tilboð á gistingu í Kaupmannahöfn og
Stokkhólmi.
Kristján
Sigurjónsson
kristjan@turisti.is
1 2 3
Stolt íslenskrar náttúru
Blóðberg • Birkilauf • Aðalbláberjalyng • Einir
MEÐ VILLTUM ÍSLENSKUM KRYDDJURTUM
Íslenskt heiðalamb
VELDU GÆÐI, VELDU KJARNAFÆÐI
WWW.KJARNAFAEDI.IS