Fjárfesting 1945-1989 - 01.06.1991, Side 32

10% árið 1968. Nokkur ár á þessu tímabili var um að ræða hagstæðan
viðskiptajöfnuð og birgðabreytingar. Meðaltöl áranna 1945-1989 sýnir fjár-
festingarhlutfallið 24,3%, sparnaðarhlutfall 21,2% og viðskiptahalla og
birgðabreytingar 3,1% af landsframleiðslu.
í töflu 7.14 eru birt hlutföll sparnaðar og fjárfestingar af landsframleiðslu
fyrir ísland og nokkur önnur lönd árin 1970, 1980 og 1989. Hlutföll íslands
voru í hærra lagi 1970 og 1980, en í lægra lagi 1989. Frá og með árinu 1981
hefur bæði fjárfestingarhlutfallið og sparnaðarhlutfallið farið lækkandi hér á
landi. Þetta þýðir þó ekki að fjárfesting hafi minnkað, þar sem árið 1987 er
fjárfestingí hámarki, þótt fjárfestingarhlutfalliðsé 19,7%. Skýringin er sú að
aðrir þættir ráðstöfunaruppgjörsins og landsframleiðslan hafa aukist meira
en fjárfestingin, og hlutföll fjárfestingar og sparnaðar af landsframleiðslu
verða því lægri en ella.
Stöðug aukning fjárfestingar undanfarna áratugi hefur að sjálfsögðu leitt
til vaxandi þjóðarauðs. Samkvæmt töflu 7.9 er þjóðarauður í árslok 1989 850
milljarðar króna á verðlagi þess árs. Af þessari upphæð er þjóðarauður
atvinnuveganna tæplega 35%, þjóðarauður bygginga og mannvirkja hins
opinbera er um 35% og þjóðarauður íbúðarhúsa um 30%. Löng erlend lán
námu 166 milljörðum króna í árslok 1989. Hlutfall erlendra lána af þjóð-
arauði á árslokaverði 1989 var 17,6%. Árið 1980 nam þetta hlutfall 10,2%.
Þjóðarauður hefur um það bil sjöfaldast frá 1945-1989 eins og fram kemur af
töflu 7.10. Árlegur vöxtur er 4,6% að meðaltali. Á sama tímabili hefur
þjóðarauður atvinnuveganna rúmlega tífaldast, þjóðarauður í byggingum og
mannvirkjum hins opinbera um það bil sjöfaldast og þjóðarauður í íbúðar-
húsum rúmlega fimmfaldast.