Sveitarstjórnarmál - 01.06.1948, Page 9

SVEITARSTJÓRNARMÁL
5
Hörður Bjarnason:
Bygginga- og skipulagsmálasýningiii í París 1947
Vorið 1946 barst ríkisstjórn Islands,
gegnum franska sendiráðið í Reykjavík,
boð til þátttöku í alþjóðasýningu um skipu-
lags- og byggingamál, sem ætlað var að
halda i París það vor, að tihlutan þess
ráðuneytis, sem sérstaklega hefur með
höndum uppbyggingu þeirra bæja og hér-
aða, sem orðið hafa fyrir skemmdum í
síðasta ófriði.
Félagsmálaráðuneytið fól mér að at-
huga, hvort fsland gæti eitthvað af mörk-
um lagt, sem sýningarhæft væri, og hvort
þiggja ætti boð frönsku stjórnarinnar.
Áður en þeirri athugun var langt á veg
komið, bárust skilaboð frá franska sendi-
ráðinu þess efnis, að sýningin og ráðstefn-
an í París félli niður það ár, sökum marg-
víslegra örðugleika á samgöngum, og mik-
illa gjaldeyriserfiðleika.
En á síðastliðnu vori barst á ný boð til
sýningarinnar, og var mér þá að nýju
falið að athuga möguleikana um þátttöku
fslands. í fyrstu taldi ég litla möguleika
á því, að ísland gæti tekið þátt í slíkri
sýningu, einkum þó vegna hins stutta
fyrirvara, en sýningunni var ætlað að
hefjast í byrjun júlímánaðar.
Hið fyrsta sem gert var, var að snúa
sér til þeirra hérlendra aðila, sem styrkt
gætu undirbúning, og áhuga mundu hafa
á boði þessu. Var þannig leitað til Húsa-
meistarafélags íslands og Landssambands
iðnaðarmanna, og þeim birtar óskir sýn-
ingarstjórnar um tillögun sýningarinnar.
Húsameistarafélagið tilnefndi þegar í
stað Þór Sandholt arkitekt til samvinnu
um athugun málsins og öflun sýningar-
gagna, ef úr yrði, en Landssamband iðn-
aðarmanna, ritara sinn og formann til að-
stoðar. Að lokinni athugun var ákveðið að
mæla með því, að boðinu yrði tekið.
Það má vissulega skoða það talsverða
dirfsku að ákveða þátttöku íslands í al-
þjóðasýningu um byggingamálefni, þegar
tekið er tillit til allra aðstæðna um útvegun
og frágang sýningarefnis. Einnig þegar
vitað var að flestar þjóðir mundu kosta
miklu fé til sýningardeilda sinna, og ráða
fjölda kunnáttumanna til undirbúnings-
ins mánuðum saman.
En sjónarmið okkar varðandi þátttöku
íslands, var fyrst og fremst það, að við
gætum sýnt öðrum þjóðum óvenjulega
góð sýnishorn fullkominna byggingaháttu,
og þótt þátttaka okkar yrði áberandi lítil
í samanburði við aðrar þjóðir, sem meiri
reynslu höfðu á þessu sviði, þá væri meira
um vert að sýna gæði en magn, enda kom
á daginn, eins og ég síðar mun vikja að,
að dómar um sýningardeild okkar voru
einmitt á þann veg.
Þegar þátttaka íslands hafði verið á-
kveðin, var leitað til bæjarstjórnar Reykja-
víkur, og henni tilkynnt hvað í ráði væri.
Ennfremur að æskilegt væri, að Reykja-
víkurbær sendi fulltrúa á sýninguna, sem
jafnframt fylgdist með endanlegum frá-
gangi sýningargagna. Reykjavíkurbær
hefði mest af mörkum að leggja til slíkrar
sýningar, og þaðan að sækja fullkomnust
sýnishorn úr byggingaháttum lands-
manna.
Til undirbúning af hálfu bæjarstjórnar
var Jóhann Hafstein alþingismaður og
bæjarfulltrúi tilnefndur, en hann hefur
innan bæjarstjórnarinnar jafnan fylgst
vel með skipulags- og byggingamálum
bæjarins. Síðar var svo ákveðið, að Þór
Sandholt arkitekt, sem er starfandi að
skipulagsmálum fyrir Reykjavíkurbæ, og
tekið hafði mikinn þátt i undirbúningi og
söfnun sýningargagna, yrði einnig um-
boðsmaður bæjarstjórnarinnar á Parísar-
sýningunni.
Af hálfu félagsmálaráðuneytisins ann-
aðist ég undirbúninginn, en mér til að-