Sveitarstjórnarmál - 01.06.1948, Blaðsíða 35

SVEITARSTJ ÖRNARMÁL
31
Heimilt er lireppsnefnd að ákveða þóknun fyrir niðurjöfnunarstörf, þó ekki
jdir 10 kr. á dag til hvers nefndarmanns. Greiðist hún úr sveitarsjóði.
•
i°- gr-
1 kaupstöðum jafnar niðurjöfnunarnefnd niður útsvörum. Utan Reykjavíkur
er bæjarstjóri formaður niðurjöfnunarnefndar. Auk þess eiga sæti í nefndinni fjórir
menn, kosnir hlutbundnum kosningum af bæjarstjórn í nóvembermánuði ár hvert
til eins árs í senn. 1 Reykjavik kýs bæjarstjórn á sama hátt og til sama tíma fimm
menn í niðurjöfnunarnefnd og einn þeirra formann nefndarinnar. Með sama hætti
skal kjósa fjóra — í Reykjavik fimm — menn til vara, er taka sæti í nefndinni í
forföllum aðalmanna. Kjörgengnir eru þeir, sem kjörgengir eru til bæjarstjórnar.
Skylt er hverjum manni, sjálfum sér ráðandi, yngri en 6o ára, heilum og hraust-
um, konum jafnt sem körlum, að starfa í niðurjöfnunarnefnd, en óskylt er þó sama
manni að sitja í henni samfleytt lengur en 6 ár, enda þarf hann ekki að taka við
endurkjöri, fyrr en 6 ár eru liðin síðan hann sat síðast í nefndinni. 1 Reykjavík skal
skrifstofustjóri skattstjóra aðstoða við starf niðurjöfnunarnefndarinnar og veita
allar upplýsingar, sem hægt er.
Áður en niðurjöfnunarnefndarmaður tekur í fyrsta skipti til starfa í nefndinni,
vinnur hann skriflegt drengskaparheit um að rækja starfið með alúð og sam-
vizkusemi.
Bæjarstjórn ákveður þóknun niðurjöfnunarnefndar.
íi. gr.
Áður en niðurjöfnun hefst, ber formanni viðkomandi skattanefndar (skatt-
stjóra) að afhenda niðurjöfnunarnefnd framtöl gjaldþegna til tekjuskatts og eignar-
skatts í þeirri sveit, ásamt afriti af síðustu skattskrá, til afnota við niðurjöfnunina.
Alla þá, sem veita öðrum atvinnu, getur nefndin krafið skýrslna lun kaup
vinnuþega, svo og banka, sparisjóði og aðrar stofnanir, sem vitað er um, að varð-
veiti fé fyrir menn, um inneignir á viðkomandi stöðum, svo og um vexti af þeim á
útsvarsárinu. Stjórnarvöldum er skylt að veita niðurjöfnunarnefndum upplýsingar,
eftir því sem þörf er til og föng eru á. Nú er skýrslu samkvæmt þessari málsgrein
haldið fyrir nefndinni, og skal þá ráðherra, ef nefndin krefst þess, leggja fyrir aðila,
að viðlögðum dagsektum, að gefa skýrsluna, ef ráðherra telur hana geta það og vera
það skylt. Þessi atriði verða ekki borin undir dómstóla.
Niðurjöfnunarnefndarmönnum er bannað, að viðlagðri ábyrgð eftir ákvæðiun
almennra hegningarlaga um embættis- og sýslunarmenn, að skýra óviðkomandi
mönnum frá því, er þeir komast að sökum starfa sins um efnahag gjaldþegna.
12. gr.
Ef gjaldþegn hefur ekki talið fram eignir sínar og tekjur til skatts og veitir
niðurjöfnunarnefnd ekki heldur nægilegar upplýsingar um hagi sína, þá skal hún
áætla honum tekjur og eignir svo ríflega, að fullvíst megi telja, að hann vinni ekki
á því að halda upplýsingum fyrir nefndinni. Nú telur niðurjöfnunarnefnd, að fram-
tal gjaldþegns eða upplýsingar til nefndarinnar séu ófullnægjandi, tortryggilegar eða
jafnvel sýnilega rangar í einhverjum atriðum, og skal hún þá áætla honum eignir og
tekjur eftir beztu vitund.
Ef þeir, sem bókhaldsskyldir eru að lögum, láta eigi greinilega færða rekstrar-
og efnahagsreikninga fylgja framtölum sínum og leggja þá eigi heldur fram við
niðurjöfnunarnefnd, að framkominni kröfu um það — enda valdi því eigi veikindi