Sveitarstjórnarmál - 01.04.1983, Síða 22

fjallaði sérstaklega um skipulag
Keflavíkur, Njarðvíkur og Keflavík-
urflugvallar, en nú væri áhugi á að
endurskipuleggja samstarfsfbrm
sveitarfélaganna á Suðurnesjum um
skipulagsmál.
Umræður urðu á fundinum um
fyrirkomulag þeirra mála.
Jakob Líndal, nemi í skipulags-
fræðum, gerði á fundinum grein fyrir
verkefni, er hann vinnur að varðandi
svæðisskipulag fyrir Suðurnes í heild.
Rakti hann hugmyndir sínar um alla
meginþætti mannlegra samskipta á
svæðinu og fyrirkomulag þjónustu og
uppbyggingar hennar á svæðinu.
Einnig samgöngur.
Skipulagssýning
Fundarmenn skoðuðu síðan
sýningu, er sett hafði verið upp í
veitingahúsinu Bergási, þar sem
Jakob Líndal kynnti á veggjum og á
líkönum útfærslu hugmynda sinna
um framtíðarskipulag Suðurnesja.
Ályktanir fundarins
Á fundinum voru gerðar svofelldar
ályktanir:
Staðarval orkufreks iðnaðar
„Aðalfundur SSS 1982 leggur
áherzlu á, að við staðarval orkufreks
iðnaðar verði fremur lögð áherzla á
hagkvæmni með tilliti til orku, sam-
gangna, mannafla, hafnaraðstöðu,
hráefnis og annarra ytri skilyrða
heldur en á þröng byggðasjónarmið.
Aðalfundurinn beinir því til þing-
manna kjördæmisins, að þeir gæti
hagsmuna Suðurnesja, hvað þessi
mál snertir, til hins ýtrasta.“
Rannsóknum verði hraðað
„Aðalfundur SSS 1982 fagnar
þeirri niðurstöðu, sem fram kemur í
frumkönnun staðarvalsnefndar, að
þrír staðir á Suðurnesjum, Helguvík,
Vogarstapi og Vatnsleysuvík, komi
sterklega til greina fyrir næstu stór-
iðju á íslandi.
Aðalfundurinn hvetur til þess, að
rannsóknum á svæðum þessum verði
hraðað eftir mætti og mælist til, að
sv'eitarstjórnir á Suðurnesjum veiti
alla þá aðstoð og stuðning, sem nauð-
synlegur er og óskað verður eftir.“
Dregið verði úr misvægi atkvæða
„Aðalfundur SSS 1982 skorar á Al-
þingi það, er nú situr, að samþykkja
nauðsynlegar breytingar á stjórnar-
skrá og kosningalögum, svo dregið
verði úr því gífurlega misvægi at-
kvæða, sem nú er orðið milli
kjördæma.
Aðalfundurinn telur nokkra fjölg-
un þingsæta á engan hátt útilokaða,
náist samkomulag ekki um aðrar
leiðir að því marki.
Aðalfundurinn v'ekur athygli á
hinni sérstæðu þróun þessara mála í
Reykjaneskjördæmi frá 1959 og ítrek-
ar hann enn sérstöðu Suðurnesja."
Kosning á svæðisskipulagsnefnd
„Aðalfundur SSS 1982 samþykkir
að fela stjórn sambandsins að fá úr
því skorið hjá félagsmálaráðherra og
skipulagsstjórn, hvernig standa skuli
að kosningu í svæðisskipulagsnefnd.
Sveitarstjórnir meti síðan og
ákveði þátttöku í nefndinni."
Stjórn SSS
í stjórn Sambands sveitarfélaga á
Suðurnesjum til eins árs höfðu verið
tilnefndir, einn frá hverju aðildar-
sveitarfélagi: Steinþór Júlíusson,
bæjarstjóri í Keflav'ík; Eiríkur Alex-
andersson, bæjarstjóri í Grindav'ík;
Áki Gránz, bæjarfulltrúi í Njarðvík-
um; Ellert Eiríksson, sveitarstjóri í
Gerðahreppi; Jón K. Ólafsson, sveit-
arstjóri í Miðneshreppi; Leifur ísaks-
son, sveitarstjóri í Vatnsleysu-
strandarhreppi, og Þórarinn St. Sig-
urðsson, sveitarstjóri í Hafnahreppi.
Leifur Isaksson var fljótlega eftir
aðalfundinn kosinn formaður sam-
bandsins.
Endurskoðendur SSS voru kjörnir
Hilmar Pétursson, bæjarfulltrúi, og
Jón Hólmgeirsson, bæjarritari.
Fráfarandi stjórn Sambands sveitarfélaga á Suðurnesjum ásamt þáv. fram-
kvæmdastjóra, í fremrl röð talið frá vinstri: Eiríkur Alexandersson, þáv. bæjar-
stjóri í Grindavík, sem nú hefur verið ráðinn framkvæmdastjóri SSS, Jón K.
Ólafsson, sveitarstjóri i Sandgerði, Sveinn R. Eiðsson, þáv. sveitarstjóri í
Vatnsleysustrandarhreppi, og Stefán Ó. Jónsson, þáv. sveitarstj. í
Gerðahreppi og núv. bæjarstjóri á Selfossi. í aftari röð standandi, frá vinstri:
Þórarinn St. Sigurðsson, sveitarstjóri Hafnahrepps, Albert K. Sanders, bæjar-
stjóri í Njarðvíkum, Steinþór Júlíusson, bæjarstjóri í Keflavík, og Haraldur
Gíslason, framkvæmdastjóri SSS, sem lézt hinn 30. janúar sl.
SVEITARSTJÓRNARMÁL