Sveitarstjórnarmál - 01.04.1983, Blaðsíða 39

KLEMENS TRYGGVASON, hagstofustjóri:
SKIL OG FRÁGANGUR
ÁRSREIKNINGA
SVEITARFÉLAGA
Erindi flutt á fjármálaráöstefnu
Sambands íslenzkra sveitarfélaga
22. nóvember á Hótel Sögu
Ég hef mál mitt með því að þakka Sambandi ísl.
sveitarfélaga fyrir að fá tækifæri til að koma á
framfæri mikilvægum atriðum varðandi frágang og
skil ársreikninga sveitarfélaga.
Skýrslur Hagstofunnar um fjármál sveitarfélaga
hafa verið gefnar út frá og með reikningsárinu 1952.
Síðan 1963 hafa verið gefin út hagskýrsluhefti með
niðurstöðum sveitarsjóðareikninga fyrir 3 ár í einu.
Síðasta út komið hefti er fyrir árin 1975—77. Þar eð
upplýsingar, sem birtast í þessum heftum sveitar-
sjóðareikninga, eru orðnar nokkuð gamlar, er þau
koma út, hefur Hagstofan síðustu árin birt einu
sinni á ári í Hagtíðindum nokkrar meginniðurstöð-
ur reikninga sveitarfélaga, síðast úr reikningum
1978 í septemberblaði Hagtíðinda 1981.
Það er einkum tvennt, sem frá upphafi hefur
torveldað þessa skýrslugerð:
Annars vegar það, að mörg sveitarfélög, og þar á
meðal svo að segja allir kaupstaðirnir, hafa ekki
skilað reikningum á hinu lögskipaða formi, sem
þeim er þó skylt að gera samkvæmt 59. gr. sveitar-
stjórnarlaga nr. 58/1981. Hefur Hagstofan því orðið
að fella alla slíka reikninga inn í það reikningsform,
svo að reikningar verði sæmilega sambærilegir.
Þetta er mjög tímafrekt verk, og það, sem verra er:
hætta er á því, að sitthvað fari úrskeiðis við þessa
aðgerð, meðal annars vegna ókunnugleika þess,
sem vinnur verkið á Hagstofunni.
Hitt atriðið, sem hefur staðið þessari skýrslugerð
fyrir þrifum, eru mjög síðbúin skil margra sveitarfé-
laga á ársreikningum þeirra. Og því miður hefur
keyrt um þverbak í þessu efni síðustu árin, eins og
ég mun gera nánari grein fyrir hér á eftir.
A sínum tíma var á vegum Sambands ísl. sveitar-
félaga skipuð ncfnd til að gera tillögur um sam-
ræmdan bókhaldslykil fyrir sveitarfélögin. í henni
átti meðal annarra sæti fulltrúi frá Hagstofunni.
Nefnd þessi skilaði tillögum í nóvember 1977. í
framhaldi af þessu beindi Samband ísl. sveitarfé-
laga í bréfi dags. 24. ágúst 1979 þeim tilmælum til
Hagstofunnar, að hún tæki upp nýtt form fyrir skil á
ársreikningum sveitarfélaga. í bréfi þessu sagði svo:
„Það er skoðun sambandsins, að Hagstofa ís-
lands gæti mjög stuðlað að upptöku hins nýja
reikningsforms sveitarfélaganna, ef eyðublaðaformi
Hagstofunnar fyrir sveitarfélagareikninga yrði
breytt til samræmis sbr. áðurgreinda tillögu.
Með tilvísun til framanritaðs er þess eindregið
farið á leit við yður, herra hagstofustjóri, að þér
hlutizt til um, að ákvörðun verði tekin hið allra
fyrsta um hið breytta form á eyðublaði Hagstofunn-
ar fyrir ársreikninga sveitarfélaga og hið nýja eyðu-
blaðaform sent sem allra fyrst út til sveitarfélaga
ásamt skýringum til kynningar. Jafnframt væri
nauðsynlegt, að hið nýja eyðublaðaform yrði kynnt
á hinni árlegu fjármálaráðstefnu sambandsins, sem
væntanlega verður haldin um miðjan nóvember nk.
SVEITARSTJÓRNARMÁL