Sveitarstjórnarmál - 01.04.1983, Blaðsíða 49

liggur í augum uppi, að það getur ekki verið góð
nýting á fjármunum að vera t.d. með sjúkrahús í
byggingu í 10 ár, án þess að nokkur hluti þess sé
tekinn í notkun.
Hér verð ég að segja, að ábyrgð sveitarstjórnar-
manna er ærin. Ekki er svo lítið upp úr því lagt að
koma af stað húsgrunni, þótt ekki sé annað. Eg hef
ckki trú á, að það þjóni hagsmunum sveitarfélaga,
né hcldur ríkis, að þannig sé að verki staðið.
Ncfnum dæmi:
A grunnskólastigi er unnið að 277 framkvæmdum
samtímis, 219 eru í byggingu og 58 á hönnunar- og
undirbúningsstigi. Miðað við þá fjárhæð, sem í
fjárlagafrumvarpi fyrir árið 1983 stendur, þ.e. 81
m.kr., jafngildir þetta tæpum 300 þús. kr. til sér-
hverrar framkvæmdar.
Annað dæmi:
A sviði heilbrigðismála er unnið að 51 verkefni
samtímis. 36 heilsugæzlustöðvar eru í byggingu og
15 sjúkrahús. Til þessa flokks eru á næsta ári skv.
fjárlagafrumvarpi ætlaðar 83 m.kr., en það jafngild-
ir um 1,6 m.kr. til sérhverrar framkvæmdar.
3. Samstarfsnefnd um opinberar
framkvæmdir
Ein eru þau lög, sem margir sveitarstjórnarmenn
þekkja og hafa reynt, en það eru lög nr. 63/1970 um
skipan opinberra framkvæmda. Eg ætla að stikla á
örfáum atriðum þessara laga til glöggvunar fyrir þá,
sem til þeirra ekki þekkja.
Undirbúningi að opinberum framkvæmdum er í
lögum skipt í nokkur meginþrep:
1. Frumathugun á byggingarframkvæmd.
2. Áætlunargerð um framkvæmdir og rekstur.
3. Verklegar framkvæmdir.
4. Skilamat.
Þá er í lögum kveðið á um tvo nýja stjórnarþætti:
Annars vegar er samstarfsnefnd um opinberar
framkvæmdir. í henni eiga sæti formaður fjárveit-
inganefndar, forstöðumaður Framkvæmdadeildar
Innkaupastofnunar ríkisins og hagsýslustjóri.
Hlutaðeigandi ráðuneyti hafa rétt til að eiga full-
trúa á fundum nef'ndarinnar, þar sem fjallað er um
Þeir bera saman bækur sínar á fjármálaráðstefnunnl, Ölvlr
Karlsson, oddviti í Ásahreppi í Rangárvallasýslu, til vinstri
og Stefán Þórðarson, sveitarstjóri á Grenivík í
Grýtubakkahreppi, til hægri.
mál, sem eru innan verksviðs þeirra, enda eru það
ráðuneytin, sem leggja mál fram. Þegar ncfndin
fjallar um sameiginlegar framkvæmdir ríkis og
sveitarfclaga, á fulltrúi Sambands íslenzkra sveitar-
félaga rétt á að sitja fundi hennar, nema sveitarfélag
óski sjálft eftir að tilnefna fulltrúa til fundarsetu.
Það er reyndin, að fulltrúar sveitarfélaga, oft þeir,
sem í byggingarnefndum sitja, koma á fundi sam-
starfsnefndarinnar.
Samstarfsnefndin hefur það hlutverk að leiða
saman sjónarmið eignaraðila opinberrar fram-
kvæmdar á undirbúnings- og framkvæmdastigi og
rannsaka frumathugun og áætlun, sem er undanfari
verklegra framkvæmda.
Hinn stjórnunarþáttur laganna, sem til er vitnað,
eru ákvæði um stofnun og hlutverk Framkvæmda-
deildar Innkaupastofnunar ríkisins, sem sér um
verklegar f'ramkvæmdir, en um starfsemi fram-
kvæmdadeildar ætla ég ekki að ræða að sinni.
Lög um skipan opinberra framkvæmda hafa
stundum sætt nokkurri gagnrýni, og um kosti þeirra
og galla má halda langar ræður. Vegna þcssara laga
er eðlilega töluvert samband sveitartjórna eða full-
trúa þeirra og Fjárlaga- og hagsýslustofnunar.
Það verður að segja tæpitungulaust, að mörgum
sveitarstjórnarmanninum þykir hægt ganga í henni
Reykjavík, og oft er agnúazt út í seinagang og
þvermóðsku samstarfsnefndar um opinberar frarn-
SVEITARSTJÓRNARMÁL