Sveitarstjórnarmál - 01.04.1983, Page 66

KYNNING
SVEITAR-
STJÓRNAR-
MANNA
SIGURÐUR GUNNARSSON,
hagfræðingur, hefur verið ráðinn
sveitarstjóri í Búðahreppi og tók til
starfa hinn 1. ágúst sl.
Sigurður er fæddur í Reykjavík
hinn 30. desember 1950, og eru for-
eldrar hans þau Jenny Jakobsdóttir
og Gunnar Á. Ingvarsson, endur-
skoðandi.
Sigurður lauk stúdentsprófi frá
Menntaskólanum við Hamrahlíð
árið 1970 og prófi í hagsögu og hag-
fræði frá Uppsalaháskóla árið 1980.
Hann hefur verið skólastjóri grunn-
skólans í Hrísey síðan.
Sigurður er kvæntur Unni S.
Bragadóttur, og eiga þau eitt barn.
ÓLI BJÖRGVINSSON, fv.
oddviti Búlandshrepps, hefur verið
ráðinn sveitarstjóri hreppsins, en
þar, þ. e. á Djúpavogi, hefur ekki
áður starfað sveitarstjóri.
Óli er fæddur 16. apríl árið 1942 á
Djúpavogi, og eru foreldrar hans
Dagmar Snjólfsdóttir og Björgvin
Björnsson.
Óli lauk landsprófi frá Al-
þýðuskólanum á Eiðum árið 1960,
var verzlunarstjóri hjá Kaupfélagi
Berufjarðar á Djúpavogi í tíu ár, árin
1964— 1974, og hefur síðan unnið að
málefnum hreppsins sem oddviti og
haft það sem aðalstarf. Óli var kos-
inn í hreppsnefnd Búlandshrepps
árið 1974 og jafnframt oddviti
hreppsins og hefur verið það, þangað
til hann var ráðinn sveitarstjóri að
loknum seinustu hreppsnefndarkosn-
ingum.
Kvæntur er Óli Ólöfu Óskarsdótt-
ur Guðnasonar frá Höfn í Hornafirði,
og eiga þau tvö börn.
JÓHANNES BJÖRNSSON, fv.
oddviti, hefur verið ráðinn sveitar-
stjóri í Ytri-Torfustaðahreppi í Vest-
ur-Húnavatnssýslu. í hreppnum eru
um 250 íbúar, þar af nær 100 á
Laugarbakka, þar sem myndazt hef-
ur vísir að þéttbýli. Ytri-Torfustaða-
hreppur er næst fámennasti hreppur-
inn, sem ráðið hefur sveitarstjóra í
fast starfog eini hreppurinn, þar sem
íbúar strjálbýlis eru í meirihluta
hreppsbúa.
Jóhannes Björnsson er fæddur 1.
janúar árið 1930 að Þverá í Núpsdal í
Miðfirði, og eru foreldrar hans hjón-
in Ingibjörg Jónsdóttir og Björn
Guðmundsson, bóndi þar. Hann
stundaði nám í héraðsskólanum á
Reykjum í Hrútafirði, sótti síðan
námskeið í Kennaraskólanum og
hlaut kennsluréttindi. Hann hefur
síðan verið skólastjóri í Staðarhreppi
í Hrútafirði og í Fljótum í Skagafirði
og síðast skólastjóri grunnskólans á
Laugarbakka. Jóhannes hefur tekið
mikinn þátt í félagsmálum, verið for-
maður ungmennafélagsins Grettis í
Miðfirði og Ungmennasambands
Vestur-Húnavatnssýslu. Hann hefur
átt sæti í hreppsnefnd og verið
oddviti Ytri-Torfustaðahrepps frá
árinu 1958 og átt sæti í sýslunefnd
Vestur-Húnavatnssýslu fyrir hrepp-
inn frá árinu 1978. Hann hefur verið
hreppstjóri Ytri-Torfustaðahrepps
frá l.júlí 1982.
Kvæntur er Jóhannes Helgu Jó-
hannesdóttur frá Hamarshjáleigu í
Gaulverjabæjarhreppi, og eiga þau
fimm börn.
SVEITARSTJÓRNARMÁL