Sveitarstjórnarmál - 01.03.1998, Blaðsíða 44

ERLEND SAMSKIPTI
Norræni byggingardagurinn:
Ráðstefna í Reykjavík árið 1999
Þorvaldur S. Þorvaldsson, skipulagsstjóri Reykjavikurborgar
Upphaf - bakgrunnur
Norræni byggingardagurinn á íslandi á bakgrunn í
ráðstefnum arkitekta á Norðurlöndum allt frá síðustu
aldamótum. I tímariti iðnaðarmanna árið 1927 segir
Guðmundur H. Þorláksson frá ráðstefnu í Stokkhólmi
sem Svíar kalla Nordisk Bygnadsdag. Fara hér á eftir
nokkrir kaflar úr grein hans:
„ RáSstefna þessi erþannig tilkomin, að síöastliðin 30
ár hafa norrœnir byggingarmeistarar (Arkitektar) ár-
lega haldiðfund meÖ sjer, til að auka viðkynningu, rœða
ýms mál er snertir stjettina, skoöa og lœra hver af öðr-
um. Fundirpessir hafa verið haldnir í norrœnu löndun-
um á víxl. A síðasta fundinum í Helsingfors í Finnlandi
1926 komu þeir sjer saman um, að fundir þessir þyiftu
að ná til allra Iðnaðarmanna í byggingarfaginu, svo
þeir einnig fengju tœkifœri til að kynnast og lœra hver af
öðrum, og var samþykkt að lialda almenna norrœna
ráðstefnu og sýningu í Stokkhólmi 1927. Formaður og
frumkvöðull ráðstefnunnar var prófessor Ragnar Öst-
berg sá er bygt hefur ráðhúsið í Stokkhólmi og talinn er
einhver þektasti byggingarmeistari Norðurálfunnar.
Ráðstefnan hófst fxmtudaginn 9. júní í sönghöllinni, að
viðstöddum konungi Svía og forsœtisráðherra, ennfrem-
ur sendiherrum Norðmanna, Dana og Finnlendinga. A
ráðstefnunni voru mœttir 688 Svíar, 98 Norðmenn, 58
Danir, 117 Finnlendingar og 2 Islendingar. 38 fyrir-
lestrar voru haldnir, þar af hjeldu Svíar 18, Norðmenn
9, Danir 7 og Finnlendingar 4. Fyrirlestrar þessir voru
um ýmisleg byggingarmálefni og verður ef til vill eitt-
hvað afþeim birt síðar í Tímaritinu.
Iðnsýningar voru 4 um þetta leiti í Stokkhólmi og var
þar margt nýtt og merkilegt að sjá. Meðal annars var
þar heimilisiðnaðarsýningfrá öllum Norðurlöndum - Is-
landi einnig. Islenska sýningin var auðvitað minst fyrir-
ferðar, en það sem þar var sýnt var sýnendum áreiðan-
lega til sóma.
Okkur Islendingum var piýðilega tekið hvar sem við
komum. Mikinn sóma sýndu Svíar okkur með því að
draga fána á stöng við hliðina á Norðurlanda-fánunum
hinum og með því að bjóða okkur sjerstaklega í veislu er
þátttakendur hjeldu sameiginlega á stœrsta veitingahús-
inu í Stokkhólmi.
Samþykkt var að halda samskonar ráðstefnu og sýn-
ingar á 5 ára fi esti í löndunum á víxl og verður næsta
ráðstefna haldin í Finnlandi 1932. En 1952 komum við
til Islands, sagði prófessor R. Óstberg, og hann er nú
sextugur að aldri. “
Á ráðstefnu í Osló 1938 gengu íslendingar síðan
formlega í Norræna byggingardaginn. Á árinu 1998 eru
íslensku samtökin því 60 ára. þessar ráðstefnur voru
fyrst haldnar á fjögurra ára fresti til skiptis annars staðar
á Norðurlöndunum en eftir 1965 á þriggja ára fresti.
Fyrsta ráðstefnan á Islandi var haldin í Reykjavík árið
1968 og bar yfirskriftina Húsakostur. Ráðstefnugestir
voru um 900 og ráðstefnan sú fjölmennasta sem þá hafði
verið haldin hérlendis.
Næst var Norræni byggingardagurinn haldinn í
Reykjavík 1983 undir yfirskriftinni Er íbúðaþörfinni að
verða fullnægt? Ráðstefnugestir urðu rúmlega 1000 og
ráðstefnan aftur sú fjölmennasta sem haldin hafði verið
fram að þeim tíma.
Fara enn fræðgarsögur af þessum ráðstefnum 1968 og
1983 um Norðurlönd og hér heima.
Síðustu tvær ráðstefnur voru ráðstefna í Bergen 1989,
NBD 18, þar sem umræðuefnið var Endumýjun og hefð-
ir og nú síðast NBD 19 í Stokkhólmi í ágúst 1996 undir
kjörorðinu Markaðsstaðurinn Stokkhólmur.
Eins og fram er komið er stefnt að ráðstefnu hér á landi
haustið 1999 til að „kíkja undir pilsfald nýrrar aldar“.
NBD 19 i Stokkhólmi
Ráðstefnan bar heitið Markaðsstaðurinn Stokkhólmur.
Hún var haldin í hjarta borgarinnar í Tónleikahöllinni og
kvikmyndahúsinu Sergel sem bæði liggja að Hötorget.
Sergel er nýtt kvikmyndahús með samtals 1600 sætum í
sjö kvikmyndasölum. Utan sýningartíma eru salimir not-
aðir t.d. fyrir ráðstefnur en setning ráðstefnunnar fór
fram í sal sem tekur um 1200 manns. Sýningarsalimir
eru innréttaðir ofan á endurbyggðu markaðstorgi þar
38