Sveitarstjórnarmál - 01.03.1998, Side 53

FRÁ LANDSHLUTASAMTÖKUNUM
Aðalfundur SASS 1997
Samgöngumál á Suðurlandi meginefni fundarins
Aðalfundur Samtaka sunnlenskra sveitarfélaga
(SASS) 1997 var haldinn dagana 4. og 5. apríl að Hótel
Geysi í Haukadal.
Meginefni fundarins auk venjulegra aðalfundarstarfa
voru samgöngumál á Suðurlandi. Einnig lágu fyrir fund-
inum starfsskýrsla stjómar og framkvæmdastjóra, starfs-
skýrsla Heilbrigðiseftirlits Suðurlands og skýrsla stjóm-
ar Skólaskrifstofu Suðurlands. Á fundinn komu 62 full-
trúar frá 29 sveitarfélögum auk gesta og starfsmanna.
Fundarstjórar voru þeir Sveinn A. Sæland, hrepps-
nefndarmaður í Biskupstungnahreppi, og Loftur Þor-
steinsson, oddviti Hrunamannahrepps. Fundarritarar
voru Guðrún Hermannsdóttir, hreppsnefndarfulltrúi í
Hrunamannahreppi, Bjami Einarsson, oddviti Gnúp-
verjahrepps, og Svavar Sveinsson, hreppsnefndarmaður
í Biskupstungnahreppi.
Starfsskýrslur
Guðmundur Ingi Gunnlaugsson, sveitarstjóri Rangár-
vallahrepps og formaður SASS, flutti starfsskýrslu
stjómar og framkvæmdastjóra. Hann greindi frá hefð-
bundnum störfum stjómarinnar og gerði síðan sérstak-
lega grein fyrir stofnun Skólaskrifstofu Suðurlands sem
var umfangsmesta verkefnið á starfsárinu. Að henni eiga
aðild öll sveitarfélög á Suðurlandi utan Vestmannaeyja-
kaupstaður. Annað viðamikið verkefni starfsársins vom
framkvæmdir við nýtt húsnæði samtakanna að Austur-
vegi 56 á Selfossi en það var einmitt tekið í notkun dag-
inn fýrir aðalfundinn, þann 3.
apríl. Hann skýrði einnig frá
stöðu mála í verkefninu Suð-
urland 2000 sem er sam-
starfsverkefni SASS, At-
vinnuþróunarsjóðs Suður-
lands, Háskóla íslands, Al-
þýðusambands Suðurlands,
Búnaðarsambands Suður-
lands, Atorkusamtaka at-
vinnurekenda á Suðurlandi
og Fjölbrautaskóla Suður-
lands. Hann tók síðan sér-
staklega til umfjöllunar sam-
göngumálin, meginumræðu-
efni fundarins, og vakti at-
hygli á því hve landsam-
göngur eru mikilvægar á
Suðurlandi, langt umfram
aðra landshluta, enda þótt þess sjáist ekki stað í framlög-
um Alþingis.
Matthías Garðarsson, framkvæmdastjóri Heilbrigðis-
eftirlits Suðurlands, lagði fram og fylgdi úr hlaði starfs-
skýrslu eftirlitsins og gerði síðan sérstaklega að umtals-
efni strand flutningaskipsins Vikartinds og stöðu hreins-
unar eftir strandið. Hann átaldi aðgerðir og seinagang í
viðbrögðum við strandinu.
Jón Hjartarson, forstöðumaður Skólaskrifstofu Suður-
lands, flutti starfsskýrslu skrifstofunnar. Töluverðar
breytingar hafa orðið á skipulagi starfseminnar frá því
sem var á gömlu fræðsluskrifstofunni. Ráðgjafarstarf-
seminni er skipt í þrjú svið og geta sveitarfélögin keypt
mismunandi mikla þjónustu af skrifstofunni. Þá hefur
skrifstofan komið á svokölluðu „tenglakerfi'* og hefur
hver skóli sinn tengil meðal starfsmanna og hefur við-
komandi starfsmaður fastan viðtalstíma í skólanum. Með
yfirfærslunni varð sú breyting að nú sinnir skrifstofan
eingöngu ráðgjöf eins og lög kveða á um en áður sinnti
fræðsluskrifstofan meðferðarþjónustu að nokkru leyti.
Fram kom í máli Jóns að samkvæmt lögum og reglu-
gerðum ætti heilbrigðisþjónustan að sinna því verkefni
en geri það hins vegar ekki. Að hans mati er því nauð-
synlegt að sveitarfélögin bregðist við og þrýsti á um að
ríkisvaldið standi við skyldur sínar í þessum efnum.
Ingunn Guðmundsdóttir, formaður stjómar skólaskrif-
stofunnar, flutti skýrslu stjómar. Hún ræddi auk þess
m.a. um nauðsyn þess að endurmenntun kennara færi í