Sveitarstjórnarmál - 01.04.2002, Blaðsíða 7

heldur stjórnun skipulagsheilda, vinnu
starfsmanna og samskiptum þeirra. Hlut-
verk mannauðsstjóra sé að halda utan um
málefni starfsmanna og þróa svo að við-
komandi vinnustaður nái samkeppnisfor-
skoti ásamt því að hafa velferð einstak-
lings og heildar jafnt í huga.
Fólk ekki alltaf nægilega
vel undirbúið
Randver C. Fleckenstein frá KPMG ráðgjöf
fjallaði ítarlega um gerð símenntunaráætl-
ana. Hvernig skipuleggja eigi símenntun
með mismunandi þarfir í huga og hvort
um sé að ræða miðlægar áætlanir eftir
málefnum eða sértækar áætlanir fyrir
vinnustaði og einstaklinga. Guðbrandur
Gíslason hjá Fræðslusetrinu Símennt.is
fjallaði um möguleika Netsins til þess að
veita fólki símenntun og Kristján Braga-
son, framkvæmdastjóri Starfsgreinasam-
bands íslands, ræddi um stefnu sambands-
ins í fræðslumálum.
í máli Kristjáns kom meðal annars fram
að tækifæri til starfsmenntunar séu for-
senda þess að launafólk geti aukið mögu-
leika sína til starfsþróunar og bættra kjara.
Hann sagði starfsmenntun koma öllum til
góða. Hún leggi grunn að aukinni fram-
leiðni og bættri samkeppnisstöðu fyrir-
tækja er skila muni betri kjörum til launa-
fólks. í máli Kristjáns kom fram að sí-
menntun feli í sér ákveðna kröfu um
grunnþekkingu, til dæmis í ensku og
tölvutækni, en misjafnt sé hve vel fólk er
undirbúið að þessu leyti. Kristján sagði að
í framtíðinni yrði að treysta þann grunn
sem lagður hefur verið og í næstu kjara-
samningum verði að leggja áherslu á við-
hald og uppbyggingu starfsmenntasjóð-
anna.
Björg Bjarnadóttir, formaður félags leik-
skólakennara, vék meðal annars að því að
enginn efaðist lengur um gildi símenntun-
ar. Hún benti á jákvæða þætti á borð við
framþróun, að úrelt kerfi verði aflögð, al-
menn þátttaka í símentun auki jafnræði
auk þess sem símenntun kalli á starfs-
mannaviðtöl og aukna þarfagreiningu.
Hún sagði að fjárskortur sveitarfélaga gæti
haft hamlandi áhrif á þessa þróun og eink-
um mismunandi aðstæður um landið þar
sem sveitarfélögin væru misjafnlega í
stakk búin til þess að sinna þessum verk-
efnum.
Símenntunarstöðvarnar
- leiðandi afl
Átta símenntunarstöðvar starfa á lands-
byggðinni og hafa þær myndað með sér
samtökin Kvasir, að því er fram kom í er-
indi Iðunnar Antonsdóttur, framkvæmda-
stjóra FræÞings, símenntunarstöðvar í
Þingeyjarsýslum. Samtökin vinna að sam-
eiginlegum hagsmunamálum á borð við
samninga við menntastofnanir, fjárveiting-
ar og samskipti við erlenda aðila. Iðunn
sagði að hver símenntunarstöð taki lit af
umhverfi sínu er móti áherslur í starfi
þeirra á hverjum stað. Sameiginlegt mark-
mið þeirra sé að efla menntunartækifæri a
landsbyggðinni í samvinnu við mennta-
stofnanir, sveitarfélög, félagasamtök og at-
vinnulíf. Hún sagði símenntunarstöðvarn-
ar leiðandi afl við umræðu og framkvæmd
fjarnáms og hafa sveigjanleika til að sam-
eina námsframboð tveggja skólastiga og
mæta þannig námsþörfum á fjölbreyttan
hátt. Stöðvarnar væru orðnar virkur hluti
menntakerfisins og komnar til þess að
vera.
Guðmundur Tryggvi Ólafsson umhverfisfræðingur:
Flokkunarmerkingar Fenúr
- bæta alla aðkomu almennings að sorphirðu og flokkun efna til endurvinnslu
Öll þekkjum við umferðarmerkin, þekkjum
merkingu þeirra og hlýðum þeim ómeðvit-
að. Markmiðið með flokkunarmerkjunum
er ekki ósvipað umferðar- og tengdum
þjónustumerkjum sem er að veita upplýs-
ingar og stjórna aðgeröum okkar án þess
að við þurfum sérstaklega að staldra við og
velta þeim fyrir okkur. Merkin eru alls 33
einfaldar myndir sem eiga að vera ein-
kennandi fyrir viðkomandi tegund úrgangs.
Mynd af áldós, gos- og vínflösku er á merki
fyrir skilagjaldsumbúðir og svo framvegis.
Hugmyndin með merkjunum hefur
einnig verið sú að bæta alla aðkomu al-
mennings að sorphirðu og flokkun efna til
endurvinnslu. Merkin eiga einnig að auka
gæði þeirra efna sem flokkuð eru frá til
endurvinnslu en hreinni flokkar leiða til
minni kostnaðar við nýtingu efnanna.
Með því að merkja sorpílát og flokkunar-
ílát með viðkomandi flokkunarmerki, er
upplýsingum um efnisflokk komið á fram-
færi sem dregur úr rangri flokkun.
Bætt ásýnd gámasvæða
Sveitarfélögin geta bætt stórlega ásýnd
gámasvæða með því að nota merkin sem
leiðbeiningar um flokkun á gámasvæðum.
Fenúr hefur séð um að hanna og gefa
merkin út en Siv Friðleifsdóttir tók þau
formlega í notkun í júlí 2001. Fenúr býður
merkin 33 sem límmiða í þremur stærðum
A3, A4 og A5 og kosta merkin á bilinu
35-110 kr./stk. eftir stærð og fjölda pant-
aðra merkja. Aðra notkun á merkjunum er
hægt að ræða við Fenúr. Fenúr tekur við
pöntunum og er auðveldast að nálgast
pöntunarseðil á netinu www.fenur.is.
Einnig má hafa samband við Fenúr í síma
520 2200 eða fenur@fenur.is.
Siv Friðleifsdóttir umhverfisráðherra tekur flokkunarmerkingar Fenúr formlega í notkun á gámasvæði
Sorpu í júlí í fyrra. Merkjunum er ætlað svipað hlutverk og umferðarmerkjunum, það er að við hlýðum
fyrirmælum merkjanna án þess að þurfa að staldra sérstaklega við og velta fyrir okkur merkingu þeirra.
7