Sveitarstjórnarmál - 01.04.2002, Blaðsíða 26

Byggðamál
Stefnumörkun Sambands íslenskra
sveitarfélaga í byggðamálum
62. fundur fulltrúaráðs Sambands íslenskra sveitarfélaga, sem haldinn var dagana 22. og 23. mars sl.,
leggur til að unnið verði að framgangi byggðamála með það að markmiði að búsetuskilyrði í landinu
verði sem fjölbreytilegust og standist á hverjum tíma samkeppni um fólk við nálæg lönd og að byggð
dreifist sem víðast um landið.
í samræmi við þessa stefnumörkun
samþykkti fundurinn eftirfarandi til-
lögur um byggðamál:
1. Unnið verði að því að samkeppn-
isgeta höfuðborgarsvæðisins
gagnvart útlöndum verði tryggð
þannig að þar geti þróast öflugt
alþjóðlegt atvinnu- og efnahags-
umhverfi.
2. Unnið verði að því að byggja upp
öflugt þjónustu- og vaxtarsvæði á
Eyjafjarðarsvæðinu sem valkost
við höfuðborgarsvæðið hvað
varðar fjölbreytni atvinnulífs og
aðgengi að fjölbreyttri þjónustu.
Frá 62. fulltrúaráðsfunsi Sambands fslenskra sveitarfélaga, þar sem meðal annars var samþykkt stefnu-
mörkun f byggðamálum. Á myndinni eru (f.v.) Magnús Cunnarsson, bæjarstjóri í Hafnarfirði, Cuðmundur
Malmquist, framkvæmdastjóri Samtaka sveitarfélaga á höfuðborgarsvæðinu, og Sigurgeir Sigurðsson, bæj-
arstjóri á Seltjarnarnesi og formaður byggðanefndar sambandsins.
3. í öðrum landshlutum verði byggð
upp öflug þjónustu- og vaxtar-
svæði, landshlutakjarnar, með
áherslu á svæðabundið hlutverk
þeirra. Þessum þjónustu- og vaxt-
arsvæðum verði skapaðir mögu-
leikar til að treysta búsetu í við-
komandi landshlutum og þannig
verði þeir kjölfesta fyrir dreifingu
byggðar í landinu. Vegna stöð-
unnar í búferlaflutningum innan-
lands verði fyrst í stað lögð
áhersla á uppbyggingu slíkra
kjarna á ísafjarðarsvæðinu og á
Mið-Austurlandi. Þess skal þó
gætt að áfram verði haldið upp-
byggingu annarra landshluta-
kjarna, svo sem á Suður- og Vest-
urlandi.
4. Jafnhliða skilgreiningum á höfuð-
borgarsvæðinu og vaxtarsvæðum,
skv. 2. og 3. tölulið, verði hlut-
verk annarra byggðasvæða í land-
inu skilgreint. Þar verði tekið á
þjónustuframboði, en ekki síður á
uppbyggingu samgangna, þannig
að íbúar þeirra svæða fái notið
þeirrar þjónustu sem byggð verð-
ur upp á kjarnasvæðunum. Þjón-
usta og framtíðarmöguleikar þess-
ara svæða verði ekki skert og sér-
staklega hugað að ýmissi þjón-
ustu, framkvæmdum og verkefn-
um sem henta tilteknum svæðum
og nauðsynlegt er að viðhalda til
að treysta byggðina.
5. Sveitarstjórnar-, byggða- og skipu-
lags- og byggingarmál verði sam-
einuð í eitt ráðuneyti, ráðuneyti
byggða- og sveitarstjórnarmála.
6. Sveitarfélögin verði stækkuð og
efld til að þau ráði betur við nú-
verandi sem og ný verkefni.
Markvisst verði unnið að því á
fyrri hluta næsta kjörtímabils að
stækka sveitarfélögin með frjálsri
sameiningu. I þeirri vinnu verði
stærð sveitarfélaganna við það
miðuð að þau nái a.m.k. yfir
heildstæð atvinnu- og þjónustu-
svæði. Náist þetta markmið ekki á
þeim tíma er lagt til að Samband
íslenskra sveitarfélaga beiti sér
fyrir því, í samráði við ríkisvaldið,
að leitað verði annarra leiða til að
það markmið náist fyrir lok kjör-
tímabilsins 2006.
26