Sveitarstjórnarmál - 01.04.2002, Blaðsíða 20
Verkaskipting ríkis og sveitarfélaga
Breytingar á verkaskiptingu
Nefnd um verkaskiptingu ríkis og sveitarfélaga hefur lagt til að ríkið yfirtaki 40% af þátttöku
sveitarfélaga í stofnkostnaði við framhaldsskóla og heimsvistir auk þess að hlutur sveitarfé-
laga í þessum eignum verði afskrifaður á sem skemmstum tíma.
Nefndin leggur til að ríkiö yfirtaki 15% þátttöku sveitarfélaga í stofnkostnaði við sjúkra- og heilbrigðis-
stofnanir og að eignarhlutur sveitarfélaganna verði afskrifaður á sem skemmstum tíma. Myndin er af
Fjórðungssjúkrahúsinu á Akureyri.
Nefndin leggur einnig til aö ríkið yfirtaki
15% þátttöku sveitarfélaga í stofnkostnaði
við sjúkra- og heilbrigðisstofnanir og að
eignarhlutur sveitarfélaganna verði afskrif-
aður á sem skemmstum tíma. Áætlaður
kostnaður við þessar breytingar er um 250
milljónir króna á ári vegna skólanna og
um 100 milljónir króna á ári vegna sjúkra-
og heilbrigðisstofnana.
Auk þessara breytinga hefur nefndin
um verkaskiptinguna lagt til að Innheimtu-
stofnun sveitarfélaga verði flutt til ríkisins
og framlög Jöfnunarsjóðs sveitarfélaga
lækkuð sem nemur þátttöku sjóðsins í
rekstrarkostnaði stofnunarinnar. Með þeim
hætti yrði stofnunin alfarið ríkisstofnun.
Nefndin hefur einnig lagt fram hugmynd
um óbreyttan rekstur Innheimtustofnunar-
innar á vegum sveitarfélaganna og Jöfnun-
arsjóðsins. Megin röksemdir með hug-
myndinni um flutning Innheimtustofnun-
arinnar til ríkisins mótast af því að fjár-
hæðir barnsmeðlaga ráðast af reglugerð
sem heilbrigðisráðherra setur á grundvelli
laga um almannatryggingar.
Öldrunarmálunum ólokið
Nefnd þessi var skipuð af Páli Péturssyni
félagsmálaráðherra 18. janúar 2000 til að
yfirfara verkaskiptingu ríkis og sveitarfé-
laga með stofnkostnað sjúkra- og heil-
brigðisstofnana og framhaldsskóla sérstak-
lega í huga auk þess að fjalla um framtíð-
arskipulag Innheimtustofnunar sveitarfé-
laga. Þær tillögur sem getið er hér eru
niðurstöður áfangaskýrslu nefndarinnar
sem hún skilaði af sér í nóvember á síð-
asta ári. Auk þessara verkefna var nefnd-
inni falið að yfirfara verkaskiptingu ríkis
og sveitarfélaga á sviði öldrunarnmála þar
sem áhersla var lögð á að meta hvort færa
beri þann málaflokk í meira mæli til sveit-
arfélaga og hvernig skuli að því staðið.
Einnig var nefndinni ætlað að fara yfir
verkefni sem enn eru á sameiginlegri
ábyrgð ríkis og sveitarfélaga og meta hvort
ástæða væri til að draga úr sameiginleg-
um verkefnum og verkaskiptingu með
hliðsjón af þeirri þróun sem orðið hefur í
verkaskiptingu milli ríkis og sveitarfélaga á
undanförnum árum. Nefndinni hefur ekki
enn gefist svigrúm til að fjalla til hlítar um
öldrunarmálin í þessu sambandi auk þess
sem hún telur þörf á að yfirfara ýmis önn-
ur sameiginleg verkefni ríkisins og sveitar-
félaganna sem getið er í erindisbréfi henn-
ar.
í nefndinni sitja Hermann Sæmunds-
son, fulltrúi félagsmálaráðuneytisins, og
var hann formaður nefndarinnar; Anna
Skúladóttir, fjármálastjóri Reykjavíkurborg-
ar, og Ásgeir Magnússon, formaður bæjar-
ráðs Akureyrarkaupstaðar, fulltrúar Sam-
bands íslenskra sveitarfélaga; og Hallgrím-
ur Guðmundsson, sérfræðingur frá fjár-
málaráðuneytinu. Auk þeirra hafa tekið
sæti í nefndinni þeir Örlygur Geirsson,
skrifstofustjóri í menntamálaráðuneytinu,
og Magnús Skúlason, deildarstjóri í heil-
brigðis- og tryggingamálaráðuneytinu,
þegar fjallað hefur verið um verkefni á
sviði þessara ráðuneyta.
Með ECL stjórnstöð á hitakerfinu fæst hámarks
nýting á heita vatninu
Danfoss hf.
SKÚTUVOGI6 • SÍMI 510 4100
kill sparnaður í atvinnuhúsnæði
20