Sveitarstjórnarmál - 01.04.2002, Blaðsíða 16
Viðtalið
Athvarf eftir vinnu
Um 700 manns bjuggu í Vatnsleysustrandarhreppi áriðl 998 og íbúafjöldi hafði lítið breyst um nokkurt skeið.
Sveitarstjórnin, sem kom til starfa að loknum kosningum vorið 1998, tók ákvörðun um að efna til sérstaks
átaks og kynna byggðina sem vænlegan kost fyrir fólk er kýs að búa utan stærstu þéttbýlissvæðanna.
Átakinu var hrundið af stað snemma á ár-
inu 1999. í því fólst það megin markmið
að íbúar Vatnsleysustrandarhrepps yrðu að
minnsta kosti 1.000 að fimm árum liðn-
um.Frá því markaðsátakinu var hleypt af
stokkunum hefur íbúum sveitarfélagsins
fjölgað um 127 eða 17% og er það ein
mesta fjölgun sem orðið hefur í einu sveit-
arfélagi á landinu á þessum tíma. í dag
búa um 830 manns í Vatnsleysustrandar-
hreppi og vantar því um 170 nýja íbúa til
þess að ná markmiði sveitarstjórnarinnar
um þúsund manna byggð árið 2004.
Þegar tíðindamaður Sveitarstjórnarmála
ók um Vogana á dögunum fór ekki á milli
mála að veruleg uppbygging hefur átt sér
stað. Hvarvetna blasa ný hús við. Raunar
heilu göturnar þar sem íbúðarhús hafa ris-
ið á undanförnum árum. Einnig mátti
grilla í grunna undir snjónum. Nú er í ráði
að hefja byggingu raðhúsa íVogum auk
þess sem undirbúningur er hafinn að
byggingu þriggja íbúðablokka.
Óvenjulegasta auglýsingin
að dómi ímarks
Auglýsingastofan Hvíta húsið var fengin til
að vinna að markaðsátakinu og kynna
Voga sem vænlegt búsvæði. Jóhanna
Reynisdóttir sveitarstjóri segir kynninguna
hafa vakið verðskuldaða athygli og sem
dæmi um það hafi auglýsing sveitarfélags-
ins hlotið verðlaun ímarks sem óvenjuleg-
asta auglýsingin árið 1999 auk þess að
Útgerö var áöur helsti atvinnuvegurinn í Vogunum
en jóhanna Reynisdóttir sveitarstjóri segir höfnina
ekkert síöur geta nýst til feröaþjónustu en útræöis.
Þar sé kjörin aöstaöa fyrir fólk með trillur og sport-
báta sem þaö nýti að sumrinu. Unniö hefur veirö
aÖ byggingu varnargarös til austurs frá hafnarsvæö-
inu sem meðal annars er ætlaö að skýla byggöinni
fyrir vindum og sjávargangi.
vera útnefnd besti markpósturinn það
árið.
En ekki var nóg að efna til kynningar
og markaðsátaks og auglýsa staðinn. Hefja
þurfti undirbúning að nýrri íbúðabyggð.
Jóhanna segirVogana hafa búið við gam-
alt og ófullnægjandi skipulag og þvf þurft
að vinna nýtt aðalskipulag fyrir svæðið.
Einnig hafi þurft að kaupa land þar sem
hluti hins nýja byggingarlands hafi verið í
einkaeign. Landakaupin hafi verið nokkuð
kostnaðarsöm en séu nú farin að skila sér
í fjölgun íbúa og auknum tekjum.
Fólksflutningar af
höfuðborgarsvæðinu
Spurning vaknar um hvaðan nýir íbúar
Vatnsleysustrandarhrepps koma. Hvaðan
fólk flytur íVogana. Jóhanna segir að ann-
ars vegar hafi verið búist við fólki af höf-
uðborgarsvæðinu, sem myndi kjósa að
búa ÍVogunum og líta á þá sem eins kon-
ar úthverfi, en hins vegar fólki utan af
landi sem væri að færa sig nær þéttbýlinu
við Faxaflóa. Reyndin sé þó að flest af því
fólki sem flutt hafi ÍVogana að undan-
förnu komi af höfuðborgarsvæðinu; úr
Reykjavík, Kópavogi, Hafnarfirði og víðar.
Minna sé um að fólk hafi komið utan af
landi. „Landsbyggðarfólkið virðist fremur
kjósa að flytja beint inn í stóru þéttbýlin,"
segir Jóhánna og bætir við að þetta hafi
komið sér nokkuð á óvart. „Við höfðum
búist við að fólk af landsbyggðinni myndi
kjósa að búa hér í rólegheitum en í meiri
nánd við stóru þéttbýlin. En það virðist
ekki raunin."
Leikskólinn þrefaldaður og
einsetinn grunnskóli
Markaðsátak sveitarstjórnar Vatnsleysu-
strandarhrepps hefur einkum beinst að því
að upplýsa fólk um kosti þess að búa f
Vogum. í því efni hefur mikil áhersla verið
lögð á að búa vel að fjölskyldufólki. Skól-
ar sveitarfélagsins hafa verið efldir. Leik-
skólinn hefur verið endurbyggður eða öllu
heldur þrefaldaður eins og Jóhanna Reyn-
isdóttir bendir á. Leikskólinn starfar í
þremur deildum og tekur nú við öllum
börnum frá eins árs aldri sem þangað
sækja og biðlistar hafa ekki myndast enn
sem komið er. Jóhanna segir að vissulega
Veruteg uppbygging hefur oröiö ÍVogunum, hvarvetna blasa viö ný hús og raunar heilu göturnar meö ný-
byggöum íbúarhúsum. Stefnt er að þúsund manna byggð í Vogunum áriö 2004.
16