Sveitarstjórnarmál - 01.10.2003, Blaðsíða 18

Evrópsk samvinna í byggðamálum
Verkefninu lokið en starfið
heldur áfram
Ferðamálaþátturinn var að sögn Guðrúnar
ekki settur upp eða hugsaður eingöngu
fyrir fólk sem ætlaði sér að stofna og reka
fyrirtæki í ferðaþjónustu. Fremur hafi verið
haft að leiðarljósi hvað þátttakendur gætu
lært af ferðaþjónustunni, hvernig mögu-
legt væri að skoða samfélagið með augum
gestsins og hvernig væri hægt að gera
samfélagið betra og skemmtilegra fyrir
fólkið sjálft sem íbúa á svæðinu með því
að nota hugmyndir úr ferðaþjónustunni.
„Ég held að það hafi tekist," segir Guðrún.
„í ferðamálaþættinum tókum við fyrir
ýmsa þætti sem horfa til heilla, bæði fyrir
fólkið sjálft sem íbúa og fyrir ferðaþjónust-
una." Sem dæmi um beinan ávinning eða
áhrif af verkefninu er Jónsmessuhátíð sem
hópurinn vildi styðja við og styrkja til þess
að tryggja að hún legðist ekki af. Ferða-
þjónustan á Vatni hafði staðið fyrir jóns-
messuhátíð, sem var framtak þess fyrirtæk-
is en það gat ekki staðið undir til fram-
búðar. Hátíðin hafði hins vegar vakið
mikla ánægju meðal íbúa og eitt af því
sem fólkið vildi gera, og notaði til þess
tækifærið sem það fékk í náminu, var
skipulagning og undirbúningur að því að
halda þessari hátíð við.
„Það kom upp sú stemmning að fólk
ætlaði sér virkilega að gera eitthvað úr
þessu."Til marks um þetta nefnir Guðrún
að þátttakendur hafi, nú að náminu loknu,
ákveðið að halda starfinu áfram, halda
hópinn og nýta kraftinn sem í hópnum
býr. „Fólk fór síðasta veturinn að hugsa
um framhald, bæði persónulega og líka
hvernig það sem hópur gæti haldið áfram
að vinna saman. Mér finnst það vera eitt
af því mest spennandi við þetta verkefni
að fólk notaði það markvisst til að fara að
gera eitthvað í málunum."
Góð samfélagsleg áhrif
„Ég held að það sem við getum lært af
þessu verkefni er að svona vinnubrögð
eða svona átak eins og þarna kom fram
hafa góð samfélagsleg áhrif, auka fólki
kjark og jafnframt hæfni þess í atvinnulíf-
inu. Til dæmis held ég að fólk hafi tví-
mælalaust haft mjög gott af tölvuþættin-
um. Ég held að það væri þess virði fyrir
sveitarfélög að leggja svona verkefnum lið
og að leggja farskólum og símenntunar-
miðstöðvum lið í því að byggja upp verk-
efni eins og þetta, sem var til nokkuð
langs tíma," segir Guðrún. Við útskriftina
spurði hún nemendur sína að því hvað
hún ætti að segja í erindi sínu á fundinum
daginn eftir þar sem verkefnisstjórarnir og
fleiri ætluðu að bera saman bækur sínar
og hlutverk Guðrúnar var að lýsa áhrifum
verkefnisins á samfélagið á Hofsósi. „Þá
sagði ein og það er mér minnisstætt: Við
urðum betri. Og þá sagði sú sem sat við
hliðina á henni: Já, og við eignuðumst
betri nágranna."
Endurgreitt ef
í Austurríki náði verkefnið til Lungau-
héraðs, þar sem búa um 11 þúsund
manns, og miðaði að eflingu ferðaþjón-
ustu á svæðinu og þjálfun þeirra sem
hana stunda.
Monika Mobarak var annar fulltrúa
austurríska hluta verkefnisins á fundin-
Monika Mobarak, verkefnisstjóri LearnCom
verkefnisins í Lungau-héraði í Austurríki.
um á Sauðárkróki. Hún segir sveitarfélög
eða svæðisbundin yfirvöld ekki hafa tek-
ið beinan þátt í verkefninu þar og í raun
hafi ekki verið sóst eftir því sérstaklega
en verkefnið var unnið í samstarfi við
ferðamálaráð svæðisins, sem aftur teng-
ist sveitarstjórnunum.
Guðrún er ekki í vafa um gagnsemi
verkefnisins og telur það til eftirbreytni
fyrir aðra. „Svona verkefni eykur mönnum
þor og kjark og fær þá til að uppgötva
hver hjá öðrum ákveðna styrkleika sem
menn voru hættir að taka eftir í dagsins
önn þannig að það má segja að þetta
kveiki ekki bara í einstaklingunum heldur
í samfélaginu. Þetta er mjög gott verkefni
fyrir ímynd staða og til þess að gera íbú-
ana virkari sem þjóðfélagsþegna og ábyrg-
ari gagnvart samfélaginu og sjálfum sér. Ég
held að það sé það sem við lærum helst
af þessu."
sólin klikkar!
Fram kom í máli Moniku að árangur
af verkefninu hafi verið mjög góður og
nú þegar séu komin af stað verkefni í
ferðaþjónustu samkvæmt hugmyndum
sem urðu til innan hópsins. Ein af nýju
hugmyndunum gengur út á að nýta það
hve sólríkt er á svæðinu. Gistihús á
svæðinu auglýsir nú að það ábyrgist sól-
skin í ákveðinn lágmarkstíma á hverjum
degi og endurgreiði gistinguna ef það
klikkar! „Þetta hefur reynst mjög vel og
auðvitað er alltaf hægt að halda því fram
að sólin hafi skinið eldsnemma á
morgnana áður en fólk vaknar. Hvaða
ferðamaður nennir að vakna klukkan sex
til þess að athuga það?"
Monika kveðst almennt mjög ánægð
með árangurinn í Lungau-héraði. „Eitt af
markmiðum verkefnisins hjá okkur var
að tengja betur saman hina smáu innan
ferðaþjónustunnar þannig að samstarf
þeirra í milli geti eflt starfsemina á svæð-
inu og auðveldað þeim samskipti við
stærri fyrirtæki í greininni. Það tókst
mjög vel," segir Monika. Að hennar
sögn hefur hópurinn haldið áfram að
hittast og fólk vill gjarnan læra meira.
Samvinna smárra fyrirtækja og einstak-
linga við að selja gestum þjónustu hefur
aukist og það hefur skilað árangri. „Við
erum mjög stolt af verkefninu," segir
Monika Mobarak.
18