Sveitarstjórnarmál - 01.10.2003, Blaðsíða 32
Fjarðabyggð
Sjóbúð við Eskifjörð. Að baki sést yfir
til Hóimaness handan fjarðarins.
Hugmyndir eru um að flytja Cömlu Búð
á lóð sjóbúðarinnar. Við það myndi verða
til sérstakt sjóminjasvæði á Eskifirði.
Frá byssukjöftum til friðsæls fuglalífs
Eitt af sérkennum Fjarðabyggðar eru söfnin sem starfrækt eru í sveitarfélaginu. Þar ríkir fjölbreytni.
Allt frá byssukjöftum til friðsæls fuglalífs.
Mörg sveitarfélög standa fyrir eða styðja
við menningarlíf af ýmsum toga. Upp-
bygging og starfsemi safna er þar ekki
undan skilin. Oft er reynt að tengja starf-
semi slíkra menningarsetra viðkomandi
byggðum og sögu þeirra þótt frásagnir
sýninga sem settar eru upp spanni oft víð-
tækari svið. Starfsemi safnanna miðast
bæði við að varðveita ákveðinn fróðleik
en ekki síður að miðla honum og veita
íbúum og gestum viðkomandi svæða
þjónustu sína. Fimm eftirtektarverð söfn
eru starfrækt f Fjarðabyggð, hvert á sínu
sviði, og eru þau í öllum þremur þéttbýlis-
kjörnum sveitarfélagsins.
Bílar, braggar og byssukjaftar
Á myndarlegu sýningarsvæði skammt ofan
byggðarinnar í Reyðarfirði hefur
Stríðsminjasafni íslands verið komið fyrir.
Safnið býr að margvíslegum hlutum sem
látnir eru segja sögu hernámsáranna hér á
landi. í safninu má líta herbíla eins og
hermennirnir óku um á en einnig hluti á
borð við byssur og annað er til her-
mennsku heyrir. Komið hefur verið upp
vistarverum eins og þeim sem hýstu her-
menn á þessum tíma og innréttingar her-
mannaskála notaðar til að sýna aðbúnað
þeirra. Einnig er leitast við að segja sögu
María Hraunfjörð, starfsmaður Stríðsminjasafnsins,
hefur hér stillt sér upp með myndarlegum „dáta".
samskipta hermanna við landsmenn og
rekja þá menningarstrauma sem hersetan
bar til afskekkts eylands og þá athygli sem
íslenskar konur nutu af hálfu hermann-
anna og varð stundum tilefni afbýðisemi
og deilna. Uppsetning sýningarsvæða
safnsins er vönduð og tekur mið af því að
segja sögur þessarar fortíðar ekkert síður
en veita upplýsingar um þær minjar sem
hernámið skildi eftir. Safnið er langt frá
því að vera einskorðað við Reyðarfjörð
eða Austurland. Mikið fremur er leitast við
að gefa heildarmynd af hernáminu og
þeim áhrifum sem það hafði á mannlíf hér
á landi eins og raunar nafn þess bendir til.
Lifandi lýsing
Sjóminjasafn Austurlands á Eskifirði er eft-
irtektarvert fyrir margra hluta sakir. Vart er
hægt að hugsa sér ákjósanlegri umgjörð
fyrir safn er varðveitir sögu sjóferða og
sjómennsku frá íslandsströndum en bæjar-
mynd Eskifjarðar. í raun og sannleika má
segja að hin gróna byggð í Eskifirði feli
sjálf í sér þessa sögu svo samofin sem hún
er sjósókninni. Eskifirðingar hafa valið
32 ------