Sveitarstjórnarmál - 01.10.2003, Blaðsíða 36
Aðalfundir landshlutasamtaka sveitarfélaga
Reglugerðadrög og lagafrumvörp
verði kostnaðarmetin
Tekjustofnar sveitarfélaga, félagsleg jöfnun til framhaldsnáms og jöfnun lífskjara í gegnum skattakerf-
ið var á meðal þess sem fulltrúar á ársþingi SSNV ræddu og ályktuðu um.
Samtök sveitarfélaga á Norðurlandi vestra ítreka að tryggja verði
sveitarfélögum tekjur til þess að standa straum af kostnaði við
þau auknu verkefni sem löggjafinn leggur þeim á herðar. Þetta
kemur fram í ályktun ársþings samtakanna, sem haldið var á
Skagaströnd 29. og 30. ágúst síðastliðinn.
Samræmi á milli tekjuöflunar og útgjalda
Þingið skoraði á þingmenn og stjórn Sambands íslenskra sveitar-
félaga að beita sér fyrir leiðréttingu á misræmi á milli tekjuöflun-
ar og útgjalda vegna aukinna verkefna sveitarfélaganna á undan-
förnum árum. Þingið lagði til að öll drög að reglugerðum og
lagafrumvörp verði kostnaðarmetin á undirbúningsstigi til þess að
Fulltrúar og gestir á aöalfundi Samtaka sveitaríélaga á Noröurlandi vestra.
ná fram upplýsingum um hvað af þeim muni hljótast fyrir rekstur
sveitarfélaganna. Ársþingið lýsti ánægju með þá breytingu að
gera fasteignamat að álagningarstofni fasteignaskatts þar sem um
mikilsverða byggðaaðgerð sé að ræða og væntir þess að fleira
fylgi á eftir. Þingið átaldi hins vegar þær undanþágur sem orku-
veitur njóta frá fasteignagjöldum. í ályktun þingsins er að finna
harða gagnrýni á breytingar er veitt hafi nánast öllum raf- og hita-
veitum í landinu undanþágu frá greiðslu fasteignagjalda. Sú nið-
urstaða sé í algjöru ósamræmi við tilgang frumvarps til laga um
breytinu á orkulögum, sem var að gera starfandi raf- og hitaveit-
um mögulegt að breyta um rekstrarform án áhrifa á skattalega
stöðu þeirra.
Ríkið annist tónlistarkennslu
á framhaldsskólastigi
Af öðrum málefnum sem ársþing SSNV ályktaði um má nefna
tónlistarkennslu á framhaldsskólastigi. Þingið hvatti til að náð
yrði samkomulagi hið fyrsta um að rfkið annist þessa kennslu.
Óeðlilegt sé að sveitarfélögin standi undir kostnaði af henni
vegna þess að framhaldsskólamenntun í landinu sé undir forsjá
ríkisvaldsins en ekki sveitarfélaganna þótt þau hafi greitt kennslu-
kostnað við tónlistarskóla óháð aldri og búsetu nemenda til
þessa.
Fjarnámið mikilvægt
Ársþing SSNV skoraði einnig á menntamálaráðherra og ríkisstjórn
að efla möguleika fólks til aðgangs að fjarskipta- og upplýsinga-
tækni í þágu framhalds- og háskólamenntunar með markvissri
þátttöku í uppbyggingu og rekstri fjar-
kennslustöðva á landsbyggðinni. I ályktun
fundarins segir að fjarnám sé mikilvægur
valkostur á sviði framhalds- og háskóla-
menntunar og einnig á sviði endur- og sí-
menntunar og kostnaður við það því eðli-
legur hluti reksturs þessara skólastiga. Bent
er á að fjarnámið sé sérstaklega mikilvægt
fyrir íbúa landsbyggðarinnar og geri þeim
kleift að Ijúka námi óháð námsframboði í
heimabyggð eða félagslegri stöðu þeirra.
Einnig er bent á að þótt ekki sé um lög-
skyld verkefni sveitarfélaga að ræða hafi
þau engu að síður haft forgöngu um fjar-
nám og fjármagnað verkefnið að stærstum
hluta og þannig skapað möguleika á hinu
mikilvæga fjarnámi. Aðalfundur SSNV benti
á mikilvægi þess að ríkið taki með mark-
vissum hætti þátt í uppbyggingu og rekstri
fjarkennslustöðva svo að tryggja megi eflingu fjarnáms í heima-
byggð auk þess sem þingið lagði áherslu á að stjórnvöld kviki
ekki frá þeirri stefnu að auka fjármuni til jöfnunar námskostnaðar
á framhaldsskólastigi.
Skattamál til jöfnunar lífskjara
Samtök sveitarfélaga á Norðurlandi vestra hafa barist fyrir því að
skattamál verði notuð til jöfnunar lífskjara. Ársþingið á Skaga-
strönd ítrekaði fyrri ályktanir samtakanna í því efni og tók einnig
undir aðgerðaáætlun Byggðaáætlunar stjórnvalda 2002 til 2005 í
því efni þar sem segir að ríkissjórnirt láti fara fram heildarathugun
á mismunandi búsetuskilyröum fólks í landinu og að jafnframt
verði lagt mat á áhrif þeirra opinberu aðgerða sem hafa það að
markmiði að jafna búsetuskilyrði og lagðar verði fram tillögur um
breytingar ef þurfa þykir.
36