Morgunblaðið - 21.11.2011, Blaðsíða 12

Vinningshafi
» Guðmundur Eggert Gíslason færði
vökudeild 23 D, nýbura- og ung-
barnagjörgæslu Barnaspítala Hrings-
ins, 150.000 króna peningagjöf.
» Gafst kjörið tækifæri til að styrkja
deildina þegar hann var með 13 rétta á
laugardagsseðlinum í Íslenskum get-
raunum.
» Hefur aldrei unnið jafn háa upp-
hæð og missir nú ekki úr laugardag í Ís-
lenskum getspám.
María Ólafsdóttir
maria@mbl.is
Það var vel tekið á móti Guðmundi Eggerti
Gíslasyni þegar hann færði vökudeild 23 D,
nýbura- og ungbarnagjörgæslu Barnaspítala
Hringsins, 150.000 króna peningagjöf. Guð-
mundur Eggert vildi með þessum hætti þakka
starfsmönnum og starfsemi vökudeildar fyrir
sig og fjölskyldu sína. En hann fæddist fyrir
tímann árið 1988 og dvaldi á vökudeildinni í
um 7 vikur.
Það var síðsumars sem Guðmundur Egg-
ert var með 13 rétta á laugardagsseðlinum í
Íslenskum getraunum. En þar er giskað á úr-
slit í fótboltaleikjum. Hann hafði velt fyrir sér í
nokkurn tíma hvernig hann gæti orðið vöku-
deildinni að liði og gafst þarna kjörið tækifæri
til að færa deildinni hluta upphæðarinnar að
gjöf.
„Ég hef unnið kannski nokkra þúsund-
kalla hér og þar en aldrei jafn stóra upphæð
svo þetta var nú svolítið sjokk. Það borgar sig
stundum að fylgjast með boltanum og nú missi
ég varla úr laugardag,“ segir Guðmundur
Eggert sem heldur með Leeds United ytra en
Keflavík hér heima.
Hann segir gjöfina hafa komið starfsfólki
deildarinnar á óvart og var það að vonum mjög
glatt. En hann fékk síðan að fara í smá skoð-
unarferð um deildina. Guðmundur Eggert
stundar viðskiptafræðinám við Háskóla
Reykjavíkur og hefur fylgst vel með boltanum
og getraununum síðan hann var smástrákur.
Færði vökudeild hluta vinningsfjár
 „Borgar sig stundum að fylgjast með boltanum,“ segir Guðmundur Eggert Gíslason
 Dvaldi í sjö vikur á vökudeild árið 1988 og vildi þakka fyrir sig með gjöfinni
Gleði Það var að vonum tekið vel á móti Guðmundi Eggerti Gíslasyni á vökudeild 23 D.
12 FRÉTTIRInnlent
MORGUNBLAÐIÐ MÁNUDAGUR 21. NÓVEMBER 2011
Ylfa Kristín K. Árnadóttir
ylfa@mbl.is
Skógræktarfélög og verslanir undir-
búa nú sölu á jólatrjám en aðventan
hefst um næstu helgi. Stór hluti jóla-
trjánna sem seldur er hér á landi rr
frá Danmörku en íslensk jólatré eru
aðeins um fjórðungur af heildarsöl-
unni. Hefur það hlutfall haldist nær
óbreytt undanfarin fimmtán ár.
Helgi Gíslason, framkvæmdastjóri
Skógræktarfélags Reykjavíkur,
áætlar að selja 2.000-2.500 jólatré í ár
en salan hefst um næstu helgi á ár-
lega jólamarkaðnum við Elliðavatn.
Það er svipaður fjöldi og síðustu ár
en Helgi nefnir að færst hafi í aukana
að fjölskyldur velji sér tré í Heið-
mörk og felli það sjálfar. „Það er jöfn
aukning í þessu en við byrjuðum að
bjóða upp á þetta fyrir um sjö árum.
Fjölskyldufólki virðist líka þetta vel
og stundum sér maður þrjár kyn-
slóðir koma saman í bíl og eiga nota-
lega og skemmtilega fjölskyldustund
við að velja sér tré og höggva það,“
segir Helgi og bætir við að gert sé
ráð fyrir að 1.500-1.800 tré verði
höggvin af kaupendunum sjálfum í
ár.
Opna smásölu á
íslenskum jólatrjám
Aðspurður segist Helgi telja að al-
mennt vilji fólk kaupa íslensk tré en
það eigi oft erfitt með að átta sig á
því hvaða tré í verslunum eru íslensk
og hvaða tré eru innflutt. „Maður
finnur það oft á fólki að það telur inn-
fluttu trén vera íslensk og telur sig
vera að styðja við gott íslenskt mál-
efni. Svo er það ekki fyrr en maður
bendir á það, sem fólk áttar sig á því
að trén eru innflutt.“
10. desember nk. munu skógrækt-
arfélögin í fyrsta sinn opna smásölu á
jólatrjám í miðbæ Reykjavíkur.
„Skógræktarfélögin ætla að koma
saman og selja tré sín á svæðinu milli
BSÍ og N1-bensínstöðvarinnar á
Hringbraut og þangað getur fólk
komið og keypt íslensk tré. Félögin
eru að reyna að sækja fram með ís-
lenskar vörur,“ segir Helgi.
Mesta salan í torgtrjám
Skógrækt ríkisins selur á bilinu
2.000-3.000 tré á ári, stafafuru, rauð-
greni og blágreni, sem felld eru í
u.þ.b. tíu stöðum víðsvegar um land-
ið. „Það er veruleg minnkun frá því
fyrir 10-15 árum þegar við vorum
með megnið af innanlandsmark-
aðnum,“ segir Þröstur Eysteinsson,
sviðsstjóri þjóðskóganna hjá Skóg-
rækt ríkisins. „Það hefur dalað hjá
okkur en á móti kemur að það hefur
aukist hjá skógræktarfélögunum og
nú eru að auki nokkrir skógar-
bændur komnir inn á þennan markað
sem er þróun af hinu góða. Heild-
arfjöldi íslenskra jólatrjáa á mark-
aðnum hefur hinsvegar nær ekkert
breyst í um 15 ár og seljast um tíu
þúsund tré á ári.“
Líkt og hjá Skógræktarfélagi
Reykjavíkur getur fólk komið í skóga
Skógræktar ríkisins og fellt sitt eigið
jólatré eða keypt tré sem þegar hef-
ur verið fellt. Telur Þröstur að tals-
verð aukning hafi verið í því undan-
farin ár. „Hinir og þessir klúbbar
selja jólatré frá okkur víða um land
en við erum með lítinn hluta af höf-
uðborgarmarkaðnum,“ segir hann.
„Stór hluti af okkar sölu núorðið er
ekki stofutrén heldur torgtré, stóru
jólatrén sem sveitarfélögin, verslanir
og verslanamiðstöðvar kaupa, og er-
um við stærsti aðilinn á þeim mark-
aði.“ Þegar er byrjað að afhenda
torgtrén en það er ekki fyrr en í des-
ember sem stofutrén verða afhent til
söluaðila.
Norðmannsþinur og rauðgreni
Sala á jólatrjám hefst í þessari
viku hjá Blómavali. Að sögn Ásdísar
Lilju Ragnarsdóttur, deildarstjóra
Blómavals í Skútuvogi, er danski
norðmannsþinurinn og íslenska
rauðgrenið vinsælast en að auki selst
lítið eitt af stafafuru. Hún telur að
sala á íslenskum trjám sé að færast í
aukana. „Sérstaklega salan á rauð-
greni en fólk er líka farið að fara út í
skóg og velja sjálft en það hefur ekki
bitnað á sölu hjá okkur,“ segir hún.
Þá fer sala á jólatrjám einnig að
hefjast í Garðheimum og tekur
Steinunn Reynisdóttir garðyrkju-
fræðingur undir að vinsældir ís-
lensku trjánna hafi aukist. „Það er
aukning í því að fólk vilji íslensk tré
síðustu árin. Meirihlutinn trjánna
sem við seljum er innfluttur en þau
íslensku eru alltaf að sækja á,“ segir
Steinunn. Hún segir norðmannsþin-
inn vinsælastan þar sem hann sé
barrheldinn en einnig njóti íslenska
stafafuran og rauðgrenið nokkurra
vinsælda, auk þess sem blágrenið sé
að sækja á.
Íslensk tré fjórðungur sölu
 Sala íslenskra jólatrjáa hefur staðið í stað sl. 15 ár  Um tíu þúsund íslensk
jólatré seljast á ári  Færist í aukana að fjölskyldur velji tré og felli það sjálfar
Morgunblaðið/RAX
Jólatré Ólafur Erling Ólafsson, skógarvörður í Heiðmörk, er byrjaður að höggva niður tré sem verða seld á jólamarkaðnum við Elliðavatn.
Kirkjuþing sem
lauk sl. föstudag
samþykkti áskor-
un á Alþingi „að
hafa ákvæði um
íslenska þjóð-
kirkju í því frum-
varpi til nýrrar
stjórnarskrár
sem þingið af-
greiðir með formlegum hætti eða
leggur undir ráðgefandi þjóðar-
atkvæði,“ segir í ályktun.
„Að öðrum kosti verði þess gætt
að ákvörðun um afnám þjóðkirkju
úr stjórnarskrá verði tekin á þann
veg sem núgildandi stjórnarskrá
býður svo að þjóðin sjálf fái notið
þess réttar að greiða sérstaklega
atkvæði um slíka ákvörðun.“
Í ályktun þingsins um skóla og
kirkju er hvatt til að sveigjanleika
sé gætt í samskiptum skóla og trú-
ar- og lífsskoðunarhópa í anda
óbreyttrar trúfrelsishefðar á Ís-
landi. Hún felur í sér víðtækt frelsi
til tjáningar og iðkunar trúar en
virðir jafnframt ólíkar lífsskoðanir.
Ákvæði um þjóð-
kirkju verði í nýrri
stjórnarskrá
Sr. Jón Aðalsteinn Baldvinsson,
vígslubiskup á Hólum, tilkynnti við
lok kirkjuþings að hann hygðist láta
af störfum á næsta ári. Hann gerir
ráð fyrir að nýr vígslubiskup verði
vígður á Hólahátíð í ágúst 2012. Sr.
Jón, sem kjörinn var vígslubiskup-
um á Hólum árið 2003, sagði af þessu
tilefni að honum þætti kominn tími
til að láta af embætti og að hann
hefði sagt embætti sínu lausu með
bréfi dagsettu 10. þessa mánaðar.
,,Mér er efst í huga þakklæti fyrir
þá miklu náð og blessun sem mér
hefur hlotnast í embætti þau hart-
nær 40 ár sem ég hef starfað,“ sagði
Jón í ræðu sinni á kirkjuþingi er
hann tilkynnti starfslok sín. Hann
sagðist jafnframt þakka kirkjuþingi
gott samstarf og bað því blessunar.
Kveður Jón Aðalsteinn Baldvinsson.
Vígslu-
biskup lætur
af störfum