SunnudagsMogginn - 13.11.2011, Blaðsíða 4

4 13. nóvember 2011
Eðli málsins samkvæmt hafa fjölmiðlar í Bandaríkjunum
rokið upp til handa og fóta í vikunni til að finna hliðstæður
við glappaskot Ricks Perry, ógleymanleg úps-augnablik.
Ýmsir eru kallaðir:
George W. Bush, fyrrverandi forseti, hrasaði stundum á
svellinu, eins og þegar hann ávarpaði húsbændur í varn-
armálaráðuneytinu með þessum orðum: „Fjendur okkar eru
hugmyndaríkir og úrræðagóðir. Þeir eru stöðugt að hugsa
um leiðir til að koma höggi á land okkar og þjóð, við líka.“
Ann Richards, þáverandi ríkisstjóri Texas, sló líka í gegn
þegar hún sagði eitt sinn um George Bush eldri að hann
gæti ekkert gert af því hvernig hann væri. „Hann fæddist
með silfurfót í munni.“
Frægt var þegar Gerald Ford, þáverandi forseti, hélt því
fram í kappræðum fyrir forsetakosningarnar 1976 að önnur
ríki í Austur-Evrópu væru ekki undir neinum áhrifum frá
Sovétríkjunum, nefndi hann meðal annars Pólland í því
sambandi.
Þá bað Joe Biden, núverandi varaforseti, eitt sinn mann
á kosningafundi að standa upp svo fólk gæti séð hann.
Maðurinn sat hins vegar sem fastast – enda í hjólastól.
Með silfurfót í munni og
maður í hjólastól beðinn
um að standa upp
Rick Perry er sagður flinkur í mannlegum samskiptum enda þótt kappræður séu ekki beinlínis hans tebolli.
Reuters
Hann kafaði eins djúpt og hann mögu-lega gat. Öll spjót stóðu á honum. Enallt kom fyrir ekki, Rick Perry gatekki fyrir sitt litla líf munað hvaða al-
ríkisstofnun hann var að gleyma – og beit höfuðið
af skömminni með því að segja einfaldlega „úps“.
Sjaldan hefur stjórnmálamaður litið eins vand-
ræðalega út í sjónvarpi og ríkisstjóri Texas
og þátttakandi í prófkjöri Repúblikana-
flokksins vegna forsetakosninganna í
Bandaríkjunum á næsta ári, í kappræðum
frambjóðenda í Rochester, Michigan, í
vikunni. Verið var að ræða um niðurskurð
í ríkisfjármálum og talið barst að alríkis-
stofnununum þremur sem Perry hefur
lýst yfir að hann muni leggja niður verði
hann kjörinn forseti. „Þetta eru við-
skiptastofnun, menntastofnun og ...“
Skyndilega rak frambjóðandann í vörðurnar.
Hann mundi ekki hver þriðja stofnunin var. „Þú
þarft að leggja niður fimm stofnanir,“ flýtti fram-
bjóðandinn við hliðina á honum, Ron Paul, sér að
segja til að rugla Perry enn frekar í ríminu. Sal-
urinn var byrjaður að hlæja. Þá henti einhver um-
hverfisverndarstofnun inn í hringinn og Perry
greip það á lofti. En það var ekki hún. Sennilega
hefur þetta átt að vera grín enda Perry ríkisstjóri í
olíuríkinu Texas. „Geturðu ekki nefnt þá þriðju?“
spurði stjórnandi kappræðnanna og undrunin
skein úr svipnum. Aumingja Perry var eins og
fjallalamb í háu ljósunum, þar sem hann byrjaði
aftur að telja: Viðskiptastofnun, menntastofnun
og ... Það kom ekki og Perry veifaði hvíta klútn-
um. „Nei, því miður, ég get það ekki. Úps.“
Skelfilegasta augnablikið
Netheimar loguðu undir eins. „Þessi gleymska
Perrys er skelfilegasta augnablik sem sögur fara af
í prófkjöri á seinni tímum,“ skrifaði Larry Sabato,
prófessor í stjórnmálafræði við Virginíuháskóla, á
samskiptavefnum Twitter.
Mark McKinnon, ráðgjafi Johns McCain þegar
hann bauð sig fram til forseta 2008, tók í sama
streng: „Við urðum vitni að pólitísku sjálfsvígi í
beinni útsendingu í sjónvarpi.“
Skelfingu lostinn stuðningsmaður Perrys var
heldur ekki upplitsdjarfur á Twitter: „Baráttu
Perrys er lokið. Best að drífa sig heim.“
Flestir héldu að kappræðurnar á miðvikudag
yrðu erfiðastar fyrir annan frambjóðanda,
Herman Cain, sem verst nú ásökunum um
kynferðislega áreitni, en axarskaft Perrys
hjó hann úr snörunni – alltént um stund.
Sjálfur neitaði Cain að afskrifa Perry að
kappræðunum loknum. „Bandaríska þjóð-
in getur verið fljót að fyrirgefa.“
Fékk hann heilablóðfall?
Ekki veitir Rick Perry víst af. Hann kom
sterkur inn í slaginn um áskorandaréttinn
í forsetakosningunum eftir ár en hefur misst flugið
að undanförnu. Fyrst upplýsti Washington Post
að veiðihús hans hefði um tíma heitið „Nigger-
head“ og síðan fór Perry afskaplega illa af stað í
kappræðum frambjóðenda en menn vissu raunar
að slíkt form samskipta er ekki hans sterkasta
hlið. Svo illa upplagður var Perry í kappræðum í
Orlando fyrir skemmstu að blaðamaðurinn Mark
Hemingway hjá Weekly Standard velti fyrir sér
hvort hann hefði fengið heilablóðfall.
Þrátt fyrir ágjöfina er Perry hvergi af baki dott-
inn. Morguninn eftir glappaskotið í Michigan fór
hann í hvert viðtalið af öðru og hét því að halda
ótrauður áfram. „Fólk gerir mistök, mismælir sig
eða gleymir nöfnum á stofnunum eins og ég gerði.
Ef til vill er ég ekki besti kappræðumaður sem
sögur fara af eða sleipasti stjórnmálamaðurinn. En
ég læt verkin tala,“ sagði hann vígreifur við sjón-
varpsstöðina CNN. Allra augu verða eflaust á Perry
í næstu kappræðum frambjóðenda repúblikana í
Spartanburg, Suður-Karólínu, í kvöld, laugar-
dagskvöld. Tekst honum að berja þar í brestina?
Og meðan ég man, stofnunin sem Perry gat ekki
nefnt í kappræðunum er orkustofnun.
Rick Perry í kappræðunum örlagaríku í Rochester sl. miðvikudag.
Reuters
Úps, hann gerði
það aftur!
Framdi Rick Perry pólitískt
sjálfsvíg í beinni útsendingu?
Vikuspegill
Orri Páll Ormarsson orri@mbl.is
Herman Cain
James Richard Perry er 61 árs
að aldri. Hann tók við emb-
ætti ríkisstjóra í Texas þegar
George W. Bush var kjörinn
forseti árið 2000. Enginn rík-
isstjóri hefur setið lengur í
sögu Texas. Hann er kvæntur
æskuástinni sinni, Anitu Thig-
pen, og eiga þau tvö börn,
Griffin og Sydney. Perry velur orð sín af kostgæfni.
Reuters
Þaulsætinn
ríkisstjóri