Morgunblaðið - 13.02.2012, Blaðsíða 9
BAKSVIÐ
Ingveldur Geirsdóttir
ingveldur@mbl.is
Nú í mars er fyrirhugað að hefja
miklar framkvæmdir á Klapparstíg
í miðborg Reykjavíkur. Gatan verð-
ur endurnýjuð frá grunni ofan
Laugavegar að Skólavörðustíg.
Stefnt er að því að útlit götunnar að
framkvæmdunum loknum verði
svipað og útlit Skólavörðustígs sem
var tekinn í gegn fyrir nokkrum ár-
um.
„Það á að fegra götuna og breikka
gangstéttir en þær eru voðalega
mjóar, sérstaklega vestanmegin.
Allt yfirborð götu og gangstétta
verður endurnýjað, skipt verður um
þær lagnir sem þarf að skipta um en
þær eru flestar orðnar mjög gamlar.
Svo verður sett snjóbræðsla bæði í
götuna og gangstéttirnar,“ segir
Auður Ólafsdóttir, verkefnastjóri
undirbúnings og hönnunar hjá
framkvæmda- og eignasviði Reykja-
víkurborgar. Við breikkun gang-
stétta mjókkar akbrautin óhjá-
kvæmilega auk þess sem hún verður
upphækkuð á gatnamótum.
Engir pollar settir upp
Undanfarin ár hafa götur í mið-
bænum verið teknar í gegn með
þessum hætti og spurð af hverju
Klapparstígurinn hafi orðið fyrir
valinu núna svarar Auður að það
hafi til dæmis verið út af mjóu gang-
stéttunum. „Það er aðkallandi að
breyta þeim og hefur ýtt þessu
verki framar en öðru. Það eru meiri
kröfur um það í dag að gangandi
vegfarendur eigi greiða leið um mið-
borgina. Þarna kemur líka skemmti-
leg tenging milli Laugavegar og
Skólavörðustígs. Það er heilmikið líf
á Klapparstígnum í dag en vonandi
verður þetta til þess að gott verði
betra.“
Endurnýjun Klapparstígs hefur
staðið til í nokkur ár en fyrir þrem-
ur árum var undirbúningurinn kom-
inn í gang. Auður segir að í kjölfar
hrunsins, sem hafi komið illa við
rekstraðila við götuna, hafi verið
ákveðið að fresta framkvæmdunum
um einhvern tíma. Breytingarnar á
götunni núna eru nánast eins og
þær voru teiknaðar upp fyrir þrem-
ur árum að sögn Auðar, fyrir utan
að hætt hefur verið við að setja upp
svokallaða polla. „Pollar eru litlir
staurar sem má sjá víða um miðbæ-
inn og eru til að afmarka betur
gangstéttina frá götunni og til að
koma í veg fyrir að lagt sé upp á
gangstétt. Það hafa verið skiptar
skoðanir um þessa polla og ekki
stemning fyrir að setja þá á Klapp-
arstíginn,“ segir Auður.
370 milljónir í miðborgina
Framkvæmdunum er skipt í fjóra
áfanga og hefst vinna við þann
fyrsta, milli Laugavegar og Grett-
isgötu, 15. mars og á honum að ljúka
í byrjun maí. Gert er ráð fyrir að
fjórða og síðasta hlutanum, sem er á
gatnamótum Njálsgötu og Klappar-
stígs, verði lokið 20. júní. Auður seg-
ir að þessu sé svona skipt niður til
að lágmarka rask fyrir gesti mið-
borgarinnar og rekstraraðila.
Reykjavíkurborg vinnur verkið
með Gagnaveitunni, Mílu og Orku-
veitunni. Það verður boðið út á
næstunni og fjárveiting borgarinnar
í það hljóðar upp á 120 milljónir
króna.
Gert er ráð fyrir frekari fram-
kvæmdum í miðborginni samkvæmt
fjárhagsáætlun Reykjavíkurborgar
fyrir árið 2012. Af þeim 2,3 millj-
örðum sem á að setja í stofnfjárfest-
ingar eiga 370 milljónir að fara í
miðborgina. Meðal framkvæmda í
miðborginni, fyrir utan Klapparstíg-
inn, eru endurgerð, undirbúningur
og hönnun á Hverfisgötu en ekki
verður byrjað á verklegum fram-
kvæmdum þar. Þá eru framkvæmd-
ir tengdar Hörpu og í Þingholtunum
eru það „torgin þrjú“. Svo eru í ein-
um pakka Lækjargata, Lækjartorg,
Austurstræti og Ingólfstorg en sá
hluti er í mótun þó búið sé að eyrna-
merkja 100 milljónir þeim fram-
kvæmdum.
Breiðari gangstéttir
og mjórri akbraut
Morgunblaðið/Ómar
Klapparstígur Framkvæmdir hefjast brátt í götunni ofan Laugavegar.
120 milljónir króna
í að fegra götu í mið-
bænum Unnið í
fjórum áföngum í vor
FRÉTTIR 9Innlent
MORGUNBLAÐIÐ MÁNUDAGUR 13. FEBRÚAR 2012
H
a
u
ku
r
0
9
b
.1
1
Guðni Halldórsson
lögfræðingur,
gudni@kontakt.is
Haukur Halldórsson hdl.
haukur@kontakt.is
Brynhildur Bergþórsdóttir
rekstrarhagfræðingur,
lögg. verðbr.- og fasteignasali,
brynhildur@kontakt.is
Gunnar Svavarsson
viðskiptafræðingur,
gunnar@kontakt.is
Jens Ingólfsson
rekstrarhagfræðingur,
jens@kontakt.is
Sigurður A.
Þóroddsson hrl.
sigurdur@kontakt.is
Forgangslisti er nýjung fyrir kaupendur og fjárfesta.
Skráning á www.kontakt.is
• Skráðu þig á forgangslista og við sendum þér reglulega upplýsingar í
tölvupósti um tækifæri sem við getum ekki sett í auglýsingar.
Upplýsingar og skráning á www.kontakt.is.
• Heildverslun með vinsælar sérvörur. Ársvelta 70 mkr. EBITDA 15 mkr.
• Rótgróin tölvuverslun óskar eftir góðum sölumanni sem meðeiganda.
Viðkomandi gæti eignast fyrirtækið allt eftir nokkur ár þegar núverandi
eigandi hættir vegna aldurs. Fyrirtækið er með góðar vörur bæði fyrir
einstaklinga og fyrirtæki. Fjárhagsstaða er góð og félagið skuldlaust.
Sameining við annað fyrirtæki kemur einnig til greina.
• Sérhæfð verslun með vaxandi veltu og góða framlegð. Ársvelta 70 mkr.
EBITDA 20 mkr. Engar skuldir.
• Spennandi fylgihlutaverslun á besta stað í Kringlunni.
• Heildsala með þekktan tískufatnað. Selur vörur í 20 verslunum um land allt,
auk 5 eigin verslanna, m.a. í Kringlunni og Smáralind. Ársvelta um 260 mkr.
• Allt að 100% hlutur í litlu framleiðslufyriræki í málmiðnaði sem er mjög vel
tækjum búið. Sameining kemur til greina.
• Spennandi sérverslun í miðbæ Reykjavíkur. Verslunin er vel þekkt og hefur
langa og stöðuga rekstrarsögu. Ársvelta um 65 mkr. og EBITDA um 10% af
veltu. Orðspor, saga og staðsetning bjóða upp á spennandi möguleika á að
þróa reksturinn frekar.
Meyjarnar Austurveri, Háaleitisbraut 68, sími 553 3305Opið virka daga kl. 11-18
Opið laugardaginn 19. nóv kl. 11 – 16.
Hreinsum af slám
Útsölulok
Verð frá kr. 1.000
Ari Magnússon hefur rekið versl-
unina Antikmuni við Klapparstíg
40 síðan árið 1993. Hann segir
framkvæmdir við götuna nauðsyn-
legar. „Það er kominn tími á að
gatan verði lagfærð. Ég vona að
þetta gangi vel og skili okkur betri
götu, en framkvæmdir eru alltaf
viðkvæmar fyrir verslun. Eins og
þetta er sett upp núna og hvernig
þeir ætla að vinna í nokkrum verk-
hlutum líst mér vel á þetta eins
langt og það
nær. Þó að það
sé óþægilegt
meðan á fram-
kvæmdum
stendur eru
þær óhjá-
kvæmilegar,“
segir Ari sem
gengur út frá
því að þetta verði betra fyrir versl-
unina til lengri tíma litið.
Óþægilegar en óhjákvæmilegar
VERSLUNAREIGANDI
Ari Magnússon
Skúli Hansen
skulih@mbl.is
„Þetta hefur líklegast þvælst hingað
með túristum um borð í bíl í Nor-
rænu,“ segir Erling Ólafsson, skor-
dýrafræðingur hjá Náttúru-
fræðistofnun Íslands, spurður um
fiðrildi af tegundinni Maniola jurtina
sem fannst á hálendinu norðan
Vatnajökuls um helgina. Erling
bendir á að fiðrildi af þessari tegund
fljúgi ekki hingað til lands. Að sögn
Erling er þetta sennilega eitt al-
gengasta skrautfiðrildið af þessu
tagi á Bretlandseyjum, það sé einnig
algengt á Norðurlöndum, því geti
fiðrildi af þessari tegund auðveld-
lega þvælst með bifreiðum til Ís-
lands.
„Fiðrildið verður sent til mín við
tækifæri og það verður varðveitt hjá
Náttúrufræðistofnun,“ segir Erling
sem enn sem komið er hefur ein-
ungis séð ljósmyndir af fiðrildinu.
Ekkert íslenskt heiti er til yfir þessa
tilteknu fiðrildategund en að sögn
Erlings verður fundið gott heiti á
hana eftir að fiðrildið kemst í vörslu
Náttúrufræðistofnunar Íslands.
Annað sjaldséð fiðrildi, svokallað
netlufiðrildi (l. Aglais urticae) fannst
nýlega lifandi í fiskikari hjá fisk-
vinnslufyrirtækinu Jakob Valgeir
ehf. á Bolungarvík. „Þetta fiðrildi er
algengt í Evrópu en það er sjaldgæft
hér á landi og hefur aldrei áður
fundist hérna fljúgandi af sjálfu sér
heldur einungis nokkrum sinnum
með einhvers konar varningi,“ segir
dr. Þorleifur Eiríksson, for-
stöðumaður Náttúrustofu Vest-
fjarða, og bætir við: „Af því að það
finnst á þessum tíma þá geri ég ráð
fyrir að það hafi borist hingað til
lands sem púpa og svo hafi það lent í
hita, ruglast og ákveðið að koma út
úr púpunni á þessum frekar óheppi-
lega stað.“
Að sögn Þorleifs fljúga netlufiðr-
ildi ekki til Íslands. „Það eru mörg
fiðrildi sem koma hingað mjög
reglulega eins og til dæmis þistil-
fiðrildi og aðmírálsfiðrildi sem sjást
hér oft og eru ekki ósvipuð þessum
fiðrildum en netlufiðrildin eru sjald-
gæf og hafa aldrei fundist í íslenski
náttúru,“ segir Þorleifur spurður
hvort netlufiðrildi sjáist oft á Ís-
landi. Hann segir fiðrildið vera
stærra en allt sem þekkist hér á
landi.
Ljósmynd/Náttúrustofa Norðausturlands.
Sjaldgæft Maniola jurtina, fiðrildið
sem fannst norðan Vatnajökuls.
Ljósmynd/Náttúrustofa Vestfjarða.
Fiðrildi Netlufiðrildið sem fannst
lifandi í fiskikari í Bolungarvík.
Tvö sjaldgæf
fiðrildi á ferðinni