Morgunblaðið - 29.02.2012, Qupperneq 15

FRÉTTIR 15Innlent
MORGUNBLAÐIÐ MIÐVIKUDAGUR 29. FEBRÚAR 2012
BAKSVIÐ
Helgi Bjarnason
helgi@mbl.is
„Flugheimurinn stækkar ört og
stöðugt eru breytingar að verða. Ég
tel að mikil tækifæri felist í þessari
starfsemi,“ segir Hjalti Kjartansson,
frumkvöðull í nýsköpunarverkefni
sem unnið er að á Suðurnesjum.
Hugmyndin er að koma upp verk-
stæði á Keflavíkurflugvelli til að
mála flugvélar. Það myndi verða at-
vinnu- og gjaldeyrisskapandi starf-
semi.
Hjalti er bílamálari og segist hafa
gengið með hugmyndina um verk-
stæði til að mála flugvélar í magan-
um í nærri tuttugu ár. Hann kynnti
sér málin í Bandaríkjunum 1993 og
fór einnig til Þýskalands og Hollands
fyrir tveimur árum. Mikið liggur því
fyrir af gögnum.
Gerð hefur verið hagkvæmniat-
hugun. Helgi Geirharðsson verk-
efnisstjóri vinnur að viðskiptaáætlun
og jafnframt er leitað til fjárfesta um
að taka þátt í fjármögnun verkefn-
isins. Stór erlendur lakkframleið-
andi kemur að uppbyggingunni.
Ónotað húsnæði
Unnið er að því að fá „stóra flug-
skýlið“ á Keflavíkurflugvelli á leigu.
Flugskýli 885 þjónaði Varnarliðinu
en hefur staðið að mestu ónotað frá
því herinn fór. Það er í eigu ríkisins
og hefur Isavia umsjón með því.
Frumkvöðlarnir höfðu viljayfirlýs-
ingu um afnot af skýlinu en ekki hef-
ur verið gengið frá samningum til
lengri tíma.
Skýlið er geysistórt og þar á að
vera hægt að koma fyrir tveimur
þotum af þeirri stærð sem Icelandair
notar auk minni flugvéla.
Hugmyndin er að sækja verkefni á
alþjóðlegan flugmarkað. Hjalti
bendir á að Ísland sé vel staðsett,
mitt á milli Norður-Ameríku og Evr-
ópu, og hægt sé að sækja verkefni á
báða þessa stóru markaði.
Flugvélar eru málaðar að meðal-
tali á fimm ára fresti og oft þarf að
breyta um liti og sérmerkja vélar.
Hjalti segir að fjölgun verkstæða
hafi ekki fylgt stækkun flugflota
heimsins. Því séu víða biðlistar eftir
að koma vélum í málningu. Dýrt er
að láta vélar bíða og mikilvægt fyrir
flugfélögin að koma þeim sem fyrst
aftur í lofið. Hjalti segir að félögin
sæki þessa þjónustu milli landa, ef
því sé að skipta.
Umhverfiskröfur aukast í þessari
starfsgrein, eins og öðrum. Aðstæð-
ur eru taldar góðar til að koma upp
aðstöðu í takt við tímann á
Keflavíkurflugvelli. Þar er til dæmis
hægt að fá orku úr endurnýjanlegum
orkulindum á samkeppnishæfu
verði.
Allt að 200 starfsmenn
Hjalti segir að starfsemi af þessu
tagi geti skapað ýmis tækifæri, með-
al annars í ferðaþjónustu.
„Ísland er vinsæll áfangastaður
ferðafólks. Flugfélögin geta fyllt vél-
arnar af farþegum sem svo skoða
landið í viku til tíu daga á meðan ver-
ið er að mála þær. Hægt væri að
draga hingað marga ferðamenn og
flugvélar með þessu móti og byggja
upp starfsemi til að þjóna ferðafólk-
inu,“ segir Hjalti.
Þannig er unnt að nýta aðdráttar-
afl Íslands fyrir ferðafólk til að fá
verkefni í flugskýlið.
Reiknað er með að hægt verði að
mála 60 til 80 þotur á Keflavíkurflug-
velli á ári.
Þegar starfsemin verður komin
vel af stað má búast við að 120 til 200
starfsmenn þurfi í málningarstörfin
auk starfa við smáviðgerðir, viðhald
inni í vélunum, glerpússningu og
fleira, auk þjónustu við ferðafólk.
Hjalti bendir á að hvert starf skapi
1,7 afleidd störf þannig að ef verk-
efnið verður að veruleika geti mörg
hundruð manns fengið vinnu á Suð-
urnesjum vegna starfseminnar í
stóra flugskýlinu.
Vilja flugtengda nýsköpun
Erfiðleikar hafa verið í atvinnulíf-
inu á Suðurnesjum og telur Hjalti að
þar sé hægt að fá gott starfsfólk.
„Alþjóðaflugvöllurinn er einn af
styrkleikum okkar Suðurnesja-
manna í atvinnumálum. Við viljum
gjarnan sjá fleiri flugtengd nýsköp-
unarverkefni. Flugvélamálunin er
einmitt af því taginu og við gætum
vel hugsað okkur að sjá það hér,“
segir Björk Guðjónsdóttir, verkefna-
stjóri hjá atvinnuþróunarfélaginu
Heklunni á Suðurnesjum.
Björk segir að starfsfólk at-
vinnuþróunarfélagsins hafi reynt að
aðstoða frumkvöðlana við sitt und-
irbúningsstarf, eins og mögulegt hafi
verið.
Fyrirhuguð starfsemi er mann-
aflsfrek en krefst ekki sérstakrar
fagmenntunar. „Við munum ráða
starfsfólk af almennum vinnumark-
aði og sjá sjálfir um að þjálfa það
upp,“ segir Hjalti. Björk segir það
jákvætt að fólk geti náð sér í starfs-
reynslu á nýju sviði og það gæti opn-
að ýmsa möguleika fyrir þá sem
áhuga hefðu. Þá bendir hún á að
fjöldi afleiddra starfa myndi koma
samfélaginu til góða.
Stór vinnustaður
í „stóra flugskýlinu“
 Hugmyndir um verkstæði til að mála flugvélar í Keflavík
Morgunblaðið/RAX
Flugskýli 885 Stærsta flugskýli Varnarliðsins á Keflavíkurflugvelli hefur ekki verið í notkun frá því Varnarliðið
fór. Nýsköpunarfyrirtæki í flugvélamálun hefur hug á að koma þar upp nýrri borgaralegri starfsemi.
Morgunblaðið/Ómar
Frumkvöðull Hjalti Kjartansson hefur lengi þróað hugmynd sína.
Flugvélamálun
» Málun á einni Boeing 757
þotu tekur 7 til 10 daga.
» Á hana fara um 70 lítrar af
grunni og 90 lítrar af lakki.
» Vonir standa til að ná 80
vélum á ári til Keflavíkur.
» Oft er miðað við að flugvél
sé máluð á fimm ára fresti.
» Nýmáluð og nýbónuð flugvél
er ekki aðeins augnayndi held-
ur er vindmótstaðan minni en
á eldri vél og því eyðir hún
minna eldsneyti.
–– Meira fyrir lesendur
PÖNTUN AUGLÝSINGA: Fyrir kl. 16, mánudaginn 5. mars.
FERMINGAR
Fermin
g
SÉRBLAÐ
Föstudaginn 9. mars kemur út
hið árlega Fermingarblað
Morgunblaðsins.
Fermingarblaðið hefur verið eitt af vin-
sælustu sérblöðumMorgunblaðsins
í gegnum árin og verður blaðið í ár
sérstaklega glæsilegt.
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
MEÐAL EFNIS:
Veitingar í veisluna.
Mismunandi fermingar.
Fermingartíska.
Hárgreiðslan.
Myndatakan.
Fermingargjafir.
Fermingar erlendis.
Hvað þýðir fermingin?
Viðtöl við fermingarbörn.
Nöfn fermingarbarna.
Eftirminnilegar fermingargjafir.
Fermingarskeytin.
Boðskort.
Ásamt fullt af spennandi efni.