Morgunblaðið - 29.02.2012, Blaðsíða 21

UMRÆÐAN 21
MORGUNBLAÐIÐ MIÐVIKUDAGUR 29. FEBRÚAR 2012
Stjórn Fjármálaeft-
irlitsins hefur tilkynnt
forstjóra eftirlitsins, að
hugsanlega standi til
að segja honum upp
störfum, þar sem hann
njóti ekki lengur
trausts stjórnarinnar.
Þær ávirðingar, sem
á forstjórann eru born-
ar eru þær helztar, að
hann hafi ekki brugðist
við sem skyldi að því er varðar til-
kynningar um aflandsfélög gamla
Landsbankans í útlöndum til Fjár-
málaeftirlitsins, er hann var starfs-
maður bankans árið 2001, en hann
var þá ríkisbanki.
Ekki hefur orðið uppvíst um aðrar
sakir á forstjórann.
Fram hefur komið, að ofangreind
ákvörðun á því herrans ári 2001 var
tekin að vandlega athuguðu máli eft-
ir að leitað hafi verið til fleiri til þess
bærra aðila um hvað rétt væri og
eðlilegt að gera að því er varðar til-
kynningu í þessu máli. Niðurstaðan
var í samræmi við þá ákvörðun, sem
tekin var.
Það mun ekki ofsagt, að allt sóma-
kært fólk, sem gefur þessu furðulega
máli einhvern gaum, setur hljótt yfir
hinum dæmalausa málatilbúnaði á
hendur forstjóranum.
Ekki verður betur séð en að sú
ófrægingarherferð, sem hér hefur
verið efnt til, miði að því að setja af
vammlausan embættismann, sem
hefur af nokkrum krafti, að því er
virðist, leitast við að sinna embætt-
isskyldum sínum í þágu alþjóðar af
heilindum í því skyni að
gera upp fjár-
málahrunið þannig að
þrjótarnir, sem að því
stóðu, fái réttláta máls-
meðferð.
Vel unnin og útfærð
lögfræðiálit gefa ekki
tilefni til ofangreindrar
niðurstöðu stjórn-
arinnar. Engu að síður
hefur stjórnin séð
ástæðu til að fá nýja að-
ila til að gefa nýtt álit,
sem nota mætti til að
komast að þóknanlegri niðurstöðu,
en virðist illu heilli byggð á sandi.
Það má ljóst vera, að hér eru
myrkraöflin að verki. Er það reynd-
ar í samræmi við það sem þekkt er
erlendis, að rannsakendur efnahags-
brota verða fyrir ofsóknum og
ófrægingarherferðum á borð við þá,
sem hér um ræðir. Eva Joly benti á
sínum tíma á, að þetta mundi vænt-
anlega gerast, sem nú er raunin.
Meðal þóknanlegra ráðgjafa fjár-
málaeftirlitsins, er að finna pólitískt
handbendi og lánakóng, sem hefur
fengið kvartmilljarð eftirgefinn á
kostnað alþjóðar. Varaformaður
stjórnar hefur kennt krökkum uppi
á Bifröst en stjórnarformaðurinn
virðist reynslulaus í stjórnun og hef-
ur það helzt sér til ágætis unnið að
taka þátt í fyrirlestramaraþoni í Há-
skólanum í Reykjavík. Þriðji stjórn-
armaðurinn kemur úr Seðlabank-
anum, stofnun, sem ekki mun
vanþörf á að sé undir stöðugu eft-
irliti í ljósi sögunnar.
Í stjórnarlaun hefur stjórn Fjár-
málaeftirlitsins 24 milljónir á ári.
Verður að telja sanngjarnt að fyrir
þau laun taki stjórn vitrænar og
vandaðar ákvarðanir, sem byggist á
einhverju öðru en sandi.
Í dæmalausu sjónvarpsviðtali í
RÚV var leitt fram vitni, sem mun
vera verjandi helztu útrásar- og fjár-
glæfravíkinganna, og orð hans túlk-
uð sem heilagur sannleikur. Ekki
voru fleiri vitni leidd fram í því við-
tali. Það viðtal og sá spuni, sem þar
var settur á svið, var stofnuninni til
ævarandi vanza og sízt til þess fall-
inn að auka traust á rannsókn-
arblaðamennsku nútímans, sem að
öllu jöfnu ætti að vera nauðsynlegur
þáttur í eftirlitskerfi frjálsra og
óháðra ríkja með fjármálalífinu.
Það er augljóst, að dæmalaus boð-
skapur stjórnar Fjármálaeftirlitsins
um að forstjórinn verði hugsanlega
settur af fyrir engar sakir, virðist
fullkomlega út í hött. Það hlýtur að
vera réttlát krafa þjóðar, að óhæf
stjórn víki nú þegar og þvælist ekki
frekar fyrir nauðsynjaverkum, sem í
vinnslu eru í Fjármálaeftirlitinu.
Vonandi tekur efnahags- og við-
skiptaráðherra VG á sig rögg og
sparkar stjórninni sem fyrst, jafnvel
þótt í henni kunni að vera einhverjir
flokksgæðingar Samfylkingarinnar.
Af vammlausum forstjóra
Eftir Sverri
Ólafsson » Það mun ekki ofsagt,
að allt sómakært
fólk, sem gefur þessu
furðulega máli gaum,
setur hljótt yfir hinum
dæmalausa málatilbún-
aði…
Sverrir Ólafsson
Höfundur er viðskiptafræðingur.
Stutt fyrirspurn á
vef Alþingis vakti for-
vitni mína sem for-
eldri barns með sjald-
gæfan og alvarlegan
sjúkdóm. Spurt var:
„Hve langt er í að lok-
ið verði gerð nor-
rænnar aðgerðaáætl-
unar um þjónustu við
fólk með sjaldgæfa
sjúkdóma sem þing
Norðurlandaráðs í Reykjavík 2010
fól norræna ráðherraráðinu að
vinna?“ (Þingskjal 496, 259. mál.)
Svarið var: „Á þessari stundu ligg-
ur ekki fyrir hvort eða hvenær
verður ráðist í gerð norrænnar að-
gerðaáætlunar um þjónustu við fólk
með sjaldgæfa sjúkdóma. Á vett-
vangi norræna ráðherraráðsins
hafa um nokkurt skeið verið skoð-
aðar hugmyndir um að fella vinnu
við slíka aðgerðaáætlun undir starf
nefndar sem hefur fengið það hlut-
verk að vinna að tillögugerð um
norrænt samstarf þegar um er að
ræða hátækni í meðferð sjúkdóma.
Ekki hefur fengist niðurstaða úr
þeirri skoðun en málið mun verða
tekið til frekari umfjöllunar á vett-
vangi norrænu embættismanna-
nefndarinnar sem fjallar um vel-
ferðarmál í febrúar næstkomandi.
Ráðherra lítur svo á mikilvægt sé
að fá niðurstöðu í málið og mun á
næstunni beita sér fyrir því að svo
verði.“
Til að setja þessa fyrirspurn í
samhengi, þá eru að minnsta kosti
200 fjölskyldur sem eiga börn eða
ungmenni með sjaldgæfa, alvarlega
sjúkdóma eða ógreindar skerðingar.
Þeir sjúkdómar sem börnin glíma
við eru langvinnir og hafa varanleg
áhrif á líf þeirra og fjölskyldur. Þar
sem um sjaldgæfa sjúkdóma er að
ræða hafa margir þeirra lítið verið
rannsakaðir, meðferðir takmark-
aðar og oftast engin lækning til. Ís-
lenska heilbrigðiskerfið nær ekki
utan um þessa sjaldgæfu sjúkdóma,
enda ekki von til annars í litlu sam-
félagi eins og okkar. Læknar og
annað heilbrigðisstarfsfólk er allt af
vilja gert til að gera sitt besta, en
skortir í raun þekkingu og aðstöðu
til að afla sér hennar með kerf-
isbundnum hætti. Þess vegna er
samstarf við aðra, eins og norrænu
þjóðirnar þar sem þekkingu og
reynslu er að finna, lífsnauðsynlegt
fyrir okkur í bókstaflegri merkingu.
Ég trúi því ekki að ráðherra vel-
ferðarmála skuli ekki geta sagt með
afdráttarlausum hætti að Ísland
muni taka þátt í að gera norræna
aðgerðaáætlun um þjónustu við fólk
með sjaldgæfa sjúkdóma. Samstarf
snýst ekki um há-
tækni, heldur um miðl-
un upplýsinga og
reynslu manna á milli.
Norðurlandaráð hefur
tekið þetta mál upp á
arma sína og 87 þing-
menn frá öllum helstu
stjórnmálaflokkum
Norðurlanda hafa
samþykkt að beina því
til ráðherra Norð-
urlanda að vinna slíka
áætlun. Þetta er sér-
staklega mikilvægt fyrir okkur Ís-
lendinga, en við erum svo fá og
þannig eru enn færri sem greinast
með sjaldgæfa sjúkdóma á Íslandi.
Dóttir mín er með sjúkdóm sem
heitir Rett Syndrome og það eru,
eftir því sem ég best veit, bara tvær
stelpur á Íslandi með þann sjúkdóm
staðfestan. Ég þekki líka til margra
fjölskyldna og einstaklinga sem
vinna óþrjótandi starf fyrir börn
sem eru með sjaldgæfa sjúkdóma
og myndu gefa hvað sem er fyrir að
geta tengst reynslu og þekkingu
annarra sérfræðinga á Norðurlönd-
unum til að bæta lífsgæði barnanna.
Þetta mál átti að koma til um-
fjöllunar í febrúar skv. svari ráð-
herra. Ég skora á ráðherrann að
staðfesta þátttöku Íslands í þessu
verkefni, setja það í forgang, vinna
það í samráði við Einstök börn og
önnur sambærileg félög og tilkynna
opinberlega við fyrsta tækifæri
hver næstu skref verði.
Sjaldgæf börn
á Íslandi
Eftir Friðrik
Friðriksson
» Skorað er á ráðherra
velferðarmála að
staðfesta þátttöku Ís-
lands í gerð norrænnar
aðgerðaáætlunar um
þjónustu við fólk með
sjaldgæfa sjúkdóma.
Friðrik Friðriksson
Höfundur er faðir einstakrar stelpu.Umræðan undanfarið um kosningu
forseta Íslands er eins og menn líti
svo á, að sigurstranglegt forsetaefni
geti því aðeins komið fram að nú-
verandi forseti segi örugglega upp
starfi. Samkvæmt þessu og sam-
kvæmt reynslunni mætti ákvæði
stjórnarskrárinnar um kjör forseta
Íslands hljóða svo:
„Forseti skal kosinn til fjögurra
ára. Hann getur framlengt setu sína
um fjögur ár í senn.“
Svipað er iðulega uppi á ten-
ingnum við kjör forseta félags eða
formanns.
Það virðist ekki þykja fýsilegt að
tefla fram manni gegn þeim, sem
situr, enda þótt hann þætti sig-
urstranglegur, ef sá, sem situr,
dregur sig í hlé. Það gerir framboð
sennilega enn
ófýsilegra, að
fleiri gætu þótt
sigurstranglegir.
Hugur manna
kann að standa
til endurnýjunar,
en það heldur
aftur af mönnum,
ef sá, sem situr,
er líklegur til að
hafa meira fylgi en hver hinna fyrir
sig. Sigurstrangleg forseta- eða for-
mannsefni gefa sig því ekki fram.
Leikurinn breytist, ef forseti eða
formaður er raðvalinn. Hugsum
okkur, að fullur vilji 60% kjósenda
sé til endurnýjunar og þrír bjóði sig
fram, sá gamli, sem við nefnum A,
og tveir til viðbótar, B og C. End-
urnýjunarliðið raðar B,C,A, C,B,A
eða B,C,A. Í fyrsta dæminu fengi B
2 stig fyrir að vera ofar en tveir, C 1
stig fyrir að vera fyrir ofan einn og
A ekkert stig. Í öðru dæminu fengi
C 2 stig, B eitt stig og A ekkert stig.
Í þriðja dæminu fengi B 1,5 stig (1
stig fyrir að vera ofar en A og 0,5
stig fyrir jafna stöðu við C). Sömu-
leiðis með C. Þeir, sem vilja þann
gamla, raða A,B,C, A,C,B eða A,BC.
Annaðhvort B eða C hlyti að koma
út með flest stig.
Maður, sem vill endurnýjun, en
samt ekki fyrir hvern mun, mundi
raða B,A,C, C,A,B, B,AC eða C,AB.
Ef margir raða þannig, gæti A feng-
ið flest stig og unnið.
Dæmið sýnir, hvernig raðval
eyðir vandræðagangi.
Þeir, sem gaumgæfa endur-
skoðun stjórnarskrárinnar, athugi
þetta.
BJÖRN S. STEFÁNSSON,
fer fyrir Lýðræðissetrinu.
Vandræði við endurnýjun
í sæti forseta og formanns
Frá Birni S. Stefánssyni
Björn S. Stefánsson
Bréf til blaðsins
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali
Brúðkaupsblað
Föstudaginn 16. mars kemur út hið árlega
BrúðkaupsblaðMorgunblaðsins.
–– Meira fyrir lesendur
SÉ
R
B
LA
Ð
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 12. mars
Brúðkaupsblaðið hefur verið eitt af vinsælustu sérblöðum Morgunblaðsins
í gegnum árin og verður blaðið í ár sérstaklega glæsilegt.
Látið þetta glæsilega Brúðkaupsblað ekki framhjá ykkur fara ...
það verður stútfullt af spennandi efni.
Sigríður Hvönn Karlsdóttir
sigridurh@mbl.is
Sími: 569-1134
Brú
ðka
up
MEÐAL EFNIS:
Fatnaður fyrir brúðhjónin.
Förðun og hárgreiðsla
fyrir brúðina.
Veislumatur
Brúðkaupsferðin.
Undirbúningur fyrir
brúðkaupið.
Giftingahringir.
Brúðargjafir
Brúðarvöndurinn.
Brúðarvalsinn.
Brúðkaupsmyndir.
Veislusalir.
Veislustjórnun.
Gjafalistar.
Og margt fleira skemmtilegt
og forvitnilegt efni.