Morgunblaðið - 26.03.2012, Page 16

Barack Obama Bandaríkjaforseti
kom til Suður-Kóreu í gær til að
vera viðstaddur alþjóðlega ráð-
stefnu um kjarnorkuöryggi sem
hefst formlega í Seúl í dag.
Í gær heimsótti hann Ouelette-
eftirlitsstöðina sem Sameinuðu
þjóðirnar stjórna á hlutlausa svæð-
inu á landamærum Suður- og Norð-
ur-Kóreu. Þar fylgjast þúsundir
hermanna frá hvoru landi hverjir
með öðrum gráir fyrir járnum en
svæðið er alls 250 kílómetra langt
og fjögurra kílómetra breitt og er
þakið gaddavír og jarðsprengjum.
Notaði Obama sjónauka til þess
að líta yfir til Norður-Kóreu.
„Það er eins og að maður hafi
ferðast aftur í tímann. Það er eins
og að horfa yfir fimmtíu ár inn í
land sem hefur misst af fjörutíu
eða fimmtíu árum af framþróun,“
sagði Obama að heimsókninni lok-
inni.
Bandaríkjaforseti á landamærum Suður- og Norður-Kóreu
AFP
Gægist yfir
til Norður-
Kóreu
Kjartan Kjartansson
kjartan@mbl.is
Peter Cruddas, annar gjaldkera breska Íhalds-
flokksins sem bar ábyrgð á því að safna fram-
lögum til flokksins, sagði af sér um helgina eftir að
upplýst var að hann hefði reynt að bjóða aðgang
að forsætisráðherranum David Cameron og fjár-
málaráðherranum George Osborne gegn framlög-
um að jafnvirði allt að fimmtíu milljóna króna.
Það var breska blaðið Sunday Times sem náði
myndbandsupptöku af Cruddas þar sem hann
býður blaðamönnum þess sem þykjast vera auð-
ugir stuðningsmenn flokksins aðgang að Cameron
og Osborne og að ábendingar þeirra eigi greiða
leið í stefnumótunarnefnd ríkisstjórnarinnar ef
þeir leggi Íhaldsflokknum til fé. Cruddas hafði að-
eins gegnt stöðu aðalfjáröflunarstjóra flokksins í
þrjár vikur þegar hneykslismálið kom upp. Á
myndbandsupptökunni heyrist Cruddas meðal
annars segja að 200-250 þúsund pund kaupi mönn-
um mestan aðgang að stjórninni.
„Ef þið eruð óánægðir með eitthvað þá munum
við hlusta á ykkur og leggja það fyrir stefnumót-
unarnefndina í stjórnarráðinu, þangað sendum við
allar athugasemdir,“ heyrist hann segja.
„Algerlega ólíðandi“
Þá heldur Sunday Times því fram að Cruddas
hafi sett fram tilboð sitt þrátt fyrir að hann vissi að
féð ætti að koma frá sjóði í Liechtenstein sem ekki
mátti samkvæmt lögum gefa til stjórnmálaflokka.
Voru nefndir möguleikarnir á því að stofna breskt
dótturfélag eða að nota breska starfsmenn sjóðs-
ins sem leppa til þess að styrkja flokkinn.
Í afsagnarbréfi sínu sagðist Cruddas harma af-
leiðingar uppákomunnar. Augljóslega gætu
styrktaraðilar flokksins ekki haft áhrif á stefnu-
mótun og hann hefði ekki getað boðið aðgang að
forsætisráðherranum gegn framlögum.
David Cameron hefur lofað því að Íhaldsflokk-
urinn láti gera rannsókn á málinu til þess að
tryggja að slík uppákoma eigi sér ekki aftur stað.
Afsögn Cruddas eigi fullkomlega rétt á sér.
„Það sem gerðist er algerlega ólíðandi. Þetta er
ekki sú aðferð sem Íhaldsflokkurinn notar til þess
að afla fjár og þetta hefði ekki átt að gerast,“ sagði
Cameron.
Ed Miliband, leiðtogi Verkamannaflokksins,
hefur krafist þess að sjálfstæð rannsókn fari fram
á málinu og að listi yfir þá sem hafi lagt Íhalds-
flokknum til fé og hafi heimsótt stjórnarbyggingar
eða sent inn erindi til stefnumótunarnefndarinnar
verði gerður opinber.
Bauð aðgang að stjórninni
 Gjaldkeri breska Íhaldsflokksins neyðist til að segja af sér vegna hneykslismáls
 Lofaði aðgangi að ráðherrum og stefnumótun gegn fjárstyrkjum til flokksins
16 FRÉTTIRErlent
MORGUNBLAÐIÐ MÁNUDAGUR 26. MARS 2012
Lyftarar og staflarar í yfir 600 útgáfum
Fáanlegir sérútbúnir fyrir íslenskan fiskiðnað
▪ Handlyftarar með eða án palls. Allt að 5.350 mm lyftihæð og 3.000 kg lyftigetu.
▪ Tínslu- og þrönggangalyftarar með allt að 14.250 mm lyftihæð.
▪ Rafmagns- og dísellyftarar með allt að 9.000 kg lyftigetu.
▪ Hillulyftarar með allt að 12.020 mm lyftihæð.
Bandaríski herinn hefur greitt bæt-
ur til þeirra afgönsku fjölskyldna
sem misstu ættingja í morðæði
bandaríska liðþjálfans Roberts Bal-
es í Kandahar þann 11. mars. Bale
var ákærður á föstudag fyrir sautján
morð að yfirlögðu ráði. Níu þeirra
sem féllu fyrir hendi hans voru afg-
önsk börn.
Að því er breska ríkisútvarpið
BBC hefur eftir afgönskum
embættismönnum og öldungum ætt-
bálka fengu fjölskyldurnar jafnvirði
rúmra 5,8 milljóna króna fyrir
hverja manneskju sem Bales myrti
og rúmar 1,2 milljónir fyrir þá sem
særðust. Fjölskyldunum var til-
kynnt þetta á fundi með fulltrúum
frá bandaríska hernum og NATO á
skrifstofu ríkisstjórans í Kandahar.
Þá var fjölskyldunum sagt að ein-
hverjum þeirra kynni að verða flogið
til Bandaríkjanna til þess að bera
vitni í réttarhaldinu yfir Bale.
Engar sannanir gegn honum
Bales, sem nú er haldið í einangr-
un í herstöð í Kansas-ríki í Banda-
ríkjunum, er einnig ákærður fyrir
sex morðtilraunir. Lögmaður hans
segir að hann muni lítið eftir atburð-
unum en gerir lítið úr þeim fullyrð-
ingum að Bales hafi verið ölvaður
þegar hann framdi voðaverk sín.
Jafnframt séu engin sönnunargögn
um að hann hafi framið morðin og
hann hafi ekki játað.
Liðþjálfinn er sá eini sem grun-
aður er um að hafa framið morðin þó
að þær raddir séu háværar í Afgan-
istan að fleiri Bandaríkjamenn hafi
átt aðild að þeim.
Morðin hafa enn frekar grafið
undan samskiptum á milli afganskra
og bandarískra stjórnvalda. Þá
drógu talibanar sig út úr friðarvið-
ræðum í kjölfar morðanna.
Talið er að réttarhaldið yfir Bales
geti tekið mörg ár áður en dómur
verður kveðinn upp.
Fjölskyldurnar
fá greiddar bætur
 Bales liðþjálfi ákærður fyrir 17 morð
AP
Morð Afganskir karlmenn gæta líks
eins af 17 fórnarlömbum Bales.
Abdelkader Me-
rah, eldri bróðir
Mohameds Me-
rah, sem myrti
sjö manns á átta
dögum í Frakk-
landi, var í gær
ákærður fyrir að
eiga þátt í und-
irbúningi morð-
anna.
Hann var leiddur fyrir dómara í
París í gær en hann er hann grun-
aður um glæpsamlegt samsæri um
að fremja hryðjuverk og að vera
samsekur í morðunum. Hann verður
í varðhaldi á meðan rannsókn máls-
ins stendur yfir.
Mohamed, sem hélt því fram að
hann væri liðsmaður hryðjuverka-
samtakanna al-Qaeda, lést í skotbar-
daga við lögreglu í borginni Tou-
louse á fimmtudag eftir umsátur
sem hafði staðið yfir í 32 klukku-
stundir. Bróðirinn var handtekinn
ásamt konu sem talin er vera eig-
inkona hans eða kærasta á miðviku-
dag en konunni var sleppt í gær án
ákæru.
Róttækari en Mohamed
Við yfirheyrslur hjá lögreglu hef-
ur hinn 29 ára gamli Abdelkader
neitað að hafa aðstoðað yngri bróður
sinn í morðunum en hefur sagst vera
stoltur af honum. Þá sagðist hann
hafa verið viðstaddur þegar Moha-
med stal bifhjóli sem hann notaði til
þess að flýja af vettvangi eftir morð-
in.
Lögregla og saksóknarar hafa lýst
Abdelkader sem róttækari íslamista
en yngri bróðir hans var en hann
hefur lengi verið kunnur lögreglu
vegna bókstafstrúarskoðana.
Þúsundir manna tóku þátt í minn-
ingargöngu í París í gær um fórn-
arlömb Mohameds Merah, þar á
meðal Bertrand Delanoe, borg-
arstjóri borgarinnar. Þá var önnur
minningarganga haldin í Toulouse.
kjartan@mbl.is
Eldri bróð-
ir Merah í
varðhaldi
 Segist „stoltur“
af bróður sínum
Abdelkader Merah