Morgunblaðið - 04.06.2012, Blaðsíða 2

2 FRÉTTIRInnlent
MORGUNBLAÐIÐ MÁNUDAGUR 4. JÚNÍ 2012
Fararstjórn erlendis
Meðal námsefnis:
• Mannleg samskipti.
• Helstu áfangastaðir
erlendis í máli og
myndum.
• Mismunandi trúarbrögð.
• Saga landsins, menning
og listir.
• Frumbyggjar og saga
staðarins.
• Þjóðlegir siðir og hefðir.
• Leiðsögutækni og ræðumennska.
Ferðalandafræði: Evrópa, Asía, Afríka, Ameríka og Eyjaálfan.
Námið fer fram í formi fyrirlestra og reynslu fararstjóra í leiðsögn á erlendri grund.
Kjartan Trausti Sigurðsson, fararstjóri, Pétur Björnsson, konsúll Ítalíu á Íslandi,
Jóhanna Kristjónsdóttir, blaðamaður og fararstjóri, Höskuldur Frímannsson, viðskipta-
fræðingur, Ómar Valdimarsson, blaðamaður, Magnús Björnsson, fararstjóri í Kína,
Pétur Óli Pétursson, fararstjóri í Rússlandi, Bjarni Randver Sigurvinsson, kennari við
Guðfræðideild HÍ., Sr. Bragi Skúlason, sjúkrahúsprestur.
Ferðamálaskóli Íslands • www.menntun.is • sími 567 1466
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Viðar Guðjónsson
vidar@mbl.is
Þingflokksformenn Samfylkingar og Sjálfstæðisflokks,
auk forseta Alþingis, segja óljóst hvenær von er á þing-
lokum. Fundir stóðu milli þingflokkanna fyrir helgi og
þráðurinn verður tekin upp að nýju í dag. Enn eru mörg
stór mál sem bíða afgreiðslu. Í dag stendur meðal annars
til að ræða veiðigjald í sjávarútvegi og fjármögnun Vaðla-
heiðarganga. „Menn eru enn að tala saman um það hvern-
ig hægt sé að ljúka þinginu en það er ekkert hægt að
segja til um þinglok á þessari stundu,“ segir Ásta Ragn-
heiður Jóhannesdóttir, forseti Alþingis.
Þingloka ekki að vænta nema með eftirgjöf
Í síðustu viku voru um 60 mál sem biðu á þinginu en
áætluð þinglok voru fyrir helgina. „Ég náði samkomulagi
við stjórnarandstöðuna síðastliðinn fimmtudag um að
taka á dagskrá 22 mál og þau kláruðust mörg hver í síð-
ustu viku. Vissulega eru að þessu sinni mál til umræðu
sem vega mjög þungt og ómögulegt að segja til um það á
þessu stigi hvenær menn ná saman um þau,“ segir Ásta.
Ragnheiður Elín Árnadóttir, þingflokksformaður
Sjálfstæðisflokksins, er ekki bjartsýn á þinglok á næst-
unni. „Þingloka er ekki að vænta að óbreyttu. Ef ekkert
breytist af hálfu stjórnarflokkanna í þeirra áformum um
að klára sjávarútvegsmálin, rammaáætlun í orkumálum
auk hinna 60 málanna, þá sé ég það ekki gerast. En ef þau
sjá ljósið og sjá að eitthvað þarf undan að láta þá útiloka
ég ekki að hægt sé að klára þetta,“ segir Ragnheiður.
Ennþá óljóst með þinglok
 Þingflokkarnir ræða saman um þinglok  Stór mál bíða afgreiðslu
Þingstörfin
» Þinglok Alþingis voru áætl-
uð fyrir helgi.
» Enn er ósamið um það hve-
nær þinglok verða.
» Forseti Alþingis segir ekki
hægt að segja til um það hve-
nær þingloka sé að vænta.
» Í dag verður veiðigjald og
fjármögnun Vaðlaheiðarganga
til umræðu á þinginu.
» Þingflokksformaður Sjálf-
stæðisflokks segir þingloka
ekki að vænta nema með eftir-
gjöf ríkisstjórnarinnar í sjávar-
útvegsmálum.
Morgunblaðið/Golli
Alþingi Þingmenn munu starfa áfram næstu daga.
Haldið var upp á 50 ára afmæli Minjasafnsins á Akur-
eyri um helgina og var margt um manninn þar báða
dagana. Meðal þeirra sem heiðruðu samkomuna með
nærveru sinni í gær var enginn annar en séra Matthías
Jochumsson (að vísu leikinn af séra Hannesi Erni
Blandon) og hlýddi hann m.a. á nokkra félaga í Karla-
kór Akureyrar-Geysi flytja Lofsöng sinn, þjóðsöng
Íslendinga, við lag Sveinbjörns Sveinbjörnssonar.
Morgunblaðið/Skapti Hallgrímsson
Haldið upp á 50 ára afmæli Minjasafnsins á Akureyri
Séra Matthías hlýddi á þjóðsönginn
Fagfélög forn-
leifafræðinga
telja að frum-
varp um menn-
ingarminjar, sem
nú liggur fyrir á
Alþingi, muni
koma með til að
skaða menning-
ararf Íslendinga.
Í tilkynningu frá Félagi íslenskra
fornleifafræðinga segir að við gerð
frumvarpsins hafi að fullu verið
horft fram hjá ráðleggingum og at-
hugasemdum fagaðila en alls bár-
ust 140 athugasemdir vegna frum-
varpsins. Félagið segir að ef
frumvarpið öðlist gildi muni það
hafa skelfilegar afleiðingar í för
með sér.
Fornleifafræðingar
gagnrýna frumvarp
Fornleifauppgröftur
Tveir voru teknir
vegna ölvunar í
umdæmi lögregl-
unnar á Selfossi í
gærmorgun.
Tveimur öðrum
var gert að hætta
akstri þar sem
mæling sýndi þá
aðeins yfir mörk-
um, en þó ekki nægilega til að
svipta þá ökuleyfi,
Lögreglan stöðvaði alla umferð í
morgun á Biskupstungnabraut og
lét framkvæma blásturspróf til að
kanna hvort fólk væri akandi undir
áhrifum áfengis. Að öðru leyti var
gærdagurinn rólegur hjá lögregl-
unni í Árnessýslu.
Allir látnir blása
í áfengismæli
Rán var framið í Akureyrarapóteki
laust eftir klukkan tólf í gær. Ræn-
ingjarnir voru tveir og í annarlegu
ástandi. Annar eigenda apóteksins
segir þá hafa verið með grímur og
notað kúbein til að ógna starfsfólki.
Ræningjarnir náðust á vettvangi.
Starfsfólki var brugðið við atvikið
og munu einhverjir hafa farið heim.
Ekki vildi betur til en svo að lög-
reglubíllinn sem sendur var á vett-
vang í forgangsakstri lenti í
árekstri við fólksbifreið á leiðinni.
Samkvæmt upplýsingum frá lög-
reglu er tjón óverulegt og urðu
engin slys á fólki. Farið verður yfir
skemmdir á lögreglubifreiðinni og
hún tekin úr notkun sem forgangs-
tæki á meðan unnið er að viðgerð.
Reyndu að ræna
Akureyrarapótek
Sumarið hefur leikið við fólk um
allt land síðustu daga og varla hef-
ur sést ský á himni. Þess má geta
að mesti hiti um helgina mældist í
Húsafelli þar sem hitinn fór upp í
23 gráður. Hins vegar benda veð-
urspár fyrir vikuna til að sælunni
sé lokið í bili en kólna á umtalsvert
um allt land á morgun og þá helst
á Austurlandi.
Einar Sveinbjörnsson, veður-
fræðingur hjá Veðurvaktinni, segir
að þessi veðursveifla komi til
vegna þess að hæðin sem hefur
verið yfir landinu síðustu daga
muni hopa til vesturs og þá kemst
kalt heimskautaloft að landinu.
Mest af heimskautaloftinu mun
fara yfir Austurland og mun svöl
norðan- og norðaustanátt fara yfir
landið allt. Búast má við snjókomu
upp til fjalla í vikunni og næt-
urfrosti á Norð-Austurlandi og
Austurlandi. Einar segir að þrátt
fyrir að það muni kólna umtalsvert
þá sé ekki um hret að ræða. Oft
þegar norðanátt kemur svona
snemma í byrjun sumars þá fellur
hitinn jafnvel niður í 5 gráður á
daginn og 2 gráður yfir nóttina.
Hann segir einnig að veðursveiflur
af þessu tagi séu ekki óalgengar í
byrjun júní þrátt fyrir að spáin sé
frekar svöl næstu daga.
Heimskautaloft á leiðinni
 Búist við snjó-
komu til fjalla
austanlands
Morgunblaðið/Styrmir Kári
Sumarsól Ungir jafnt sem aldnir hafa notið útiverunnar í góðviðrinu síð-
ustu daga. Sælan verður þó ekki endalaus þar sem spáð er kólnandi veðri.
Talsverður eldur logaði í trjágróðri
og sinu nærri Fjárborgum, skammt
ofan við Reykjavík, um níuleytið í
gærkvöld.
Reykurinn frá eldinum sást víða,
blasti meðal annars við vegfar-
endum á Sandskeiði sem voru á
leiðinni í bæinn.
Slökkviliði höfuðborgarsvæðisins
barst tilkynning um eldinn kl. 20:50.
Menn á einum dælubíl voru sendir á
vettvang og voru aðeins örfáar mín-
útur að slökkva eldinn. Skemmdir á
trjágróðri voru nokkrar, en gróður
er víðast hvar mjög þurr eftir tíðar-
farið að undanförnu.
Kviknaði í
trjágróðri
Morgunblaðið/Sigurður Bogi
Slökkvistörf Slökkviliðsmaður að
störfum í Fjárborgum í gærkvöldi.