Morgunblaðið - 04.06.2012, Blaðsíða 4

4 FRÉTTIRInnlent
MORGUNBLAÐIÐ MÁNUDAGUR 4. JÚNÍ 2012
Skógarhlíð 18 sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku. Ath. að verð getur breyst án fyrirvara.
•
Mallorca
Frá 74.900 kr. í tvær vikur
Heimsferðir bjóða ferðir til Mallorca í allt sumar.
Núna erum við með sérstakt tilboð á Portofino
Sorrento í Santa Ponsa.
12. júní
Portofino Sorrento
Frá kr. 74.900 í tvær vikur
Netverð á mann, m.v. 2 fullorðna og 2 börn, 2-11 ára, í íbúð
með einu svefnherbergi. Verð m.v. 2 fullorðna í íbúð.
Með einu svefnherbergi kr. 99.900 á mann. 12. júní í 2 vikur.
Íslendingafélagið í Frakklandi stóð fyrir komu
16 fornbíla til Fáskrúðsfjarðar í gær og 45
manna fylgdarliðs. Bílarnir komu flestir frá
Frakklandi. Með hópnum var sendiherra Frakk-
lands á Íslandi, bæjarstjóri Fjarðabyggðar og
meðlimir Minjaverndar. Eftir að hafa komið við
á Fáskrúðsfirði lá leiðin til Hornafjarðar. Þaðan
verður farið eftir Suðurlandi til Snæfellsness og
loks til Reykjavíkur 9. júní nk.
Lagt af stað í Íslandsferð frá Fáskrúðsfirði
Morgunblaðið/Albert Kemp
Íslendingafélagið í Frakklandi flutti inn sextán fornbíla
Sævar Már Gústavsson
saevar@mbl.is
Talsvert fleiri fengu tilvísun til starfs-
endurhæfingar hjá Starfsendurhæf-
ingarstöð Norðurlands á síðasta
starfsári en árið áður. Þetta kemur
fram í skýrslu stjórnar Starfsendur-
hæfingar Norðurlands fyrir starfsárið
júní 2011 til 15. maí 2012.
Á starfsárinu 2010-2011 fengu um
150 manns tilvísun til starfsendurhæf-
ingar en á nýliðnu starfsári fengu yfir
200 tilvísun.
Lítið af úrræðum fyrir geðsjúka
Í skýrslu stjórnarinnar kemur einn-
ig fram að í flestum tilvikum var til-
vísun gefin vegna geðrænna vanda-
mála, eða í alls 51% tilfella. Þar á eftir
koma tilvísanir vegna langtíma at-
vinnuleysis (20%)og vegna stoðkerfis-
vanda (15%).
Ingvar Þóroddsson, endurhæfing-
arlæknir á Sjúkrahúsinu á Akureyri,
segir að aukningu tilvísana megi að
stærstum hluta rekja til sparnaðar í
heilbrigðiskerfinu sem hefur komið
sérstaklega illa niður á þeim sem
glíma við geðræn vandamál. Ingvar
vísar þar til lokunar dagdeildar geð-
deildarinnar á Sjúkrahúsinu á Akur-
eyri árið 2009 sem hefur dregið úr
meðferðarmöguleikum fyrir sjúklinga
með geðræn vandamál.
„Líkanið sem starfsendurhæfingin
vinnur eftir virkar mjög vel fyrir þá
sem eiga við geðræn vandamál að
stríða vegna þess að þar er unnið mik-
ið með andlegu hliðina. Þar gefst fólki
líka tækifæri til að koma sér í betra
líkamlegt form sem hefur jákvæð
áhrif á andlega líðan. Starfsendurhæf-
ingin hefur því orðið fyrir valinu sem
úrræði fyrir geðsjúka þar sem fátt
annað stendur þeim til boða,“ segir
Ingvar.
Útilokar stóran hóp
Stjórnarfrumvarp um atvinnu-
tengda starfsendurhæfingu og starfs-
endurhæfingarsjóði sem liggur nú fyrir
á Alþingi þarfnast að mati Ingvars end-
urskoðunar og aðkomu fleiri sem hafa
sérfræðiþekkingu á þessum málum.
„Það hefur gleymst að gera ráð fyrir
nokkuð stórum hóp einstaklinga sem
uppfylla ekki skilyrði atvinnutengdrar
starfsendurhæfingar en geta nýtt sér
hana samt sem áður og þá er átt við þá
sem glíma við geðræn vandamál og
langvinna verki. En þessir hópar hafa
verið stærstur hluti þeirra sem hafa
nýtt sér úrræði starfsendurhæfingar
sem er til boða í dag,“ segir Ingvar.
Fá úrræði fyrir geðsjúka
 Fleiri fá tilvísun til starfsendurhæfingar á Norðurlandi  Skýrist af fáum úr-
ræðum fyrir geðsjúka  Líkan fyrir starfsendurhæfingar reynist geðsjúkum vel
Morgunblaðið/Kristján
Úrræði Ingvar Þóroddsson, læknir á
Sjúkrahúsinu á Akureyri.
Laxamýri | Það var gleðiríkur
sunnudagsmorgunn hjá sjómanns-
dótturinni á Húsavík, Thelmu Dögg
Tómasdóttur, þegar merin hennar
Dimma frá Hrepphólum kastaði.
Lítil hryssa kom í heiminn og var
auðvitað nefnd Unnur í tilefni sjó-
mannadagsins og líka í höfuðið á
ömmu hennar Thelmu, Unni í Víði-
holti, sem hefur verið að passa upp
á Dimmu undanfarna daga.
Faðir litlu hryssunnar er Blær
frá Torfunesi og því er ekki í kot
vísað með ætternið. Thelma Dögg
er, þrátt fyrir ungan aldur, orðin
mjög mikil hestakona og hefur þeg-
ar unnið til margra verðlauna á
hestamótum.
Á myndinni má sjá stolta móður
og auðvitað stoltan eiganda í sól-
inni, en Unnur litla var fljót á fætur
og fékk sér fljótt volgan sopa hjá
Dimmu. Hver veit nema hún verði
verðlaunahryssa.
Sjómannsdóttir fékk lítið
folald á sjómannadeginum
Morgunblaðið/Atli Vigfússon
Stolt og glöð Það ríkti mikil gleði hjá Thelmu Dögg Tómasdóttur í gær
þegar Dimma kastaði folaldi, sem fékk nafnið Unnur í tilefni dagsins.
Forsetaframbjóðendurnir Ari
Trausti Guðmundsson, Andrea Jó-
hanna Ólafsdóttir og Hannes
Bjarnason yfirgáfu kappræður
Stöðvar 2 sem haldnar voru í Hörpu
í gærkvöldi. Þau hvöttu hina fram-
bjóðendurna til þess að gera slíkt hið
sama. Til stóð að frambjóðendurnir
myndu koma fram tveir í einu í
þremur lotum. Ólafur Ragnar
Grímsson og Þóra Arnórsdóttir áttu
að etja kappi á eftir kappræðum
Andreu og Ara Trausta auk Her-
dísar Þorgeirsdóttur og Hannesar.
Úr varð að Herdís, Þóra og Ólafur
Ragnar voru öll saman í settinu eftir
að hin þrjú gengu út.
„Ljóst er að sá kappræðufundur
sem okkur var boðið til er í raun
fundur með spurningum og svörum
til tveggja frambjóðenda í einu og
þar með fjarri öllum umræðum
frambjóðendanna sex. Af þessu
fréttum við í dag og Þóra og Ólafur
Ragnar standa saman í lokin eins og
upphaflega var áætlað,“ sagði Ari
Trausti í yfirlýsingu í beinni útsend-
ingu á Stöð 2.
Yfirgáfu
kappræð-
ur í Hörpu
Kappræður Herdís, Þóra og Ólafur
Ragnar tóku þátt í umræðunum.
 Þrír forsetafram-
bjóðendur gengu út
Ljósmynd/Stöð 2
Þyrla Landhelgisgæslunnar var
kölluð út síðdegis í gær vegna sjó-
manns sem hafði slasast um borð í
norskum togara á Reykjaneshrygg,
220 sjómílur úti fyrir landinu. Þar
sem ekki þykir ráðlegt að senda
þyrlur Gæslunnar lengra út en 150
sjómílur var skipinu siglt til móts við
þyrluna, sem kom með sjómanninn
til Reykjavíkur um níuleytið í gær-
kvöldi. Hafði vír slegist í höfuð hans
og kvartaði hann undan verkjum.
Vír slóst
í höfuð
sjómanns