Morgunblaðið - 04.06.2012, Blaðsíða 26

26 MENNING
MORGUNBLAÐIÐ MÁNUDAGUR 4. JÚNÍ 2012
VIÐTAL
Kolbrún Bergþórsdóttir
kolbrun@mbl.is
S
ýning á verkum Eiríks
Smith stendur nú yfir í
Hafnarborg undir yfir-
skriftinni Síðasta ab-
straktsjónin. Á sýning-
unni eru abstraktmálverk frá
árunum 1964-1968. Sýningin er
þriðja í röð sýninga sem Hafn-
arborg heldur og kynna ólík tíma-
bil á löngum ferli Eiríks Smith.
Flest verkanna á sýningunni eru
úr safneign Hafnarborgar en safn-
ið varðveitir fjölda verka sem Ei-
ríkur færði því að gjöf árið 1990.
Þar er að finna málverk, vatns-
litamyndir og teikningar sem
spanna allan feril listamannsins.
Eiríkur Smith er orðinn 86 ára.
Hann getur ekki lengur málað en
hann fékk blóðtappa fyrir rúmum
þremur árum. Þegar hann er
spurður hvort það sé ekki erfitt
fyrir listmálara að geta ekki leng-
ur málað svarar hann: „Maður
verður að kunna að bera það.“
Snemma tók að bera á myndlist-
arhæfileikum Eiríks. „Í barna-
skóla vorum við þrjátíu grisling-
ar í bekk og einn daginn sagði
teiknikennarinn við okkur: „Nú
eigið þið að teikna barnaskólann
ykkar.“ Allir hófust handa en
eftir nokkra stund vissi ég ekki
fyrr en krakkaskarinn var kom-
inn í kringum borðið mitt. Þá
hugsaði ég með mér að kannski
gæti ég eitthvað í teikningu.
Seinna á skólagöngunni var svo
stillt upp myndum eftir mig á
vegg í skólastofunni. Ég man að
ég kom mér undan að mæta í
leikfimi og söng, en þetta voru
ekki próffög á þeim tíma. Ég
mætti einu sinni í tíma hjá Frið-
riki Bjarnasyni tónskáldi sem
kenndi söng. Hann varð var við
áhugaleysi mitt og sagði: „Ei-
ríkur minn, farðu bara upp að
töflu og teiknaðu meðan við hin
erum að syngja.“ Hann vissi al-
veg hvert hugur minn leitaði.“
Alltaf verið vel tekið
Veistu hvað þú hefur málað
margar myndir um ævina?
„Nei, Guð minn almáttugur,
ef ég vissi það þá væri ég eitt-
hvað skrýtinn.“
Ferill þinn hefur verið afar
farsæll.
„Mér hefur alltaf verið vel tekið.
Þegar ég var búinn með myndlist-
arnámið þorði ég ekki annað en að
læra prentmyndasmíði, fag sem
ekki er til lengur. Það var ekkert
sjálfgefið að geta lifað af listinni.
Ég náði fljótlega góðum tökum á
starfinu og vann nokkuð lengi í
því fagi en fór svo að vinna á aug-
lýsingastofu sem Helga Svein-
björnsdóttir rak. Eitt árið sýndi
ég verk mín í Norræna húsinu og
myndirnar seldust allar. Þá sagði
Helga: „Jæja, nú geturðu sagt upp
hjá mér,“ og ég gerði það. Eftir
það lifði ég á myndlistinni.“
Hvernig myndirðu lýsa myndum
þínum?
„Ég hef alltaf verið nokkuð upp-
tekinn af landslagi en ég vann
aldrei eins og hreintrúarmaður í
einni stefnu heldur vann til skiptis
á nokkuð löngum tíma abstrakt og
Hef aldrei unnið eins og hrein
 Verk eftir Eirík Smith eru sýnd í Hafnarborg  Abstraktmálverk frá árunum 1964-1968  Afar
kraftmikið tímabil á ferli Eiríks, segir sýningarstjórinn  Unnið að skrásetningu á verkum Eiríks
Eiríkur Smith hefur gefið Hafnarborg mikinn fjölda mynda. Ég átti mikið af myndum og vissi að þegar þær væru komnar í h
Úrval fríuppskrifta
er á vef okkar
istex.is
Hlý og falleg
í skólann
Veglega umfjöllun má finna um
tónlistar- og ráðstefnuhúsið Hörpu
í fjórða tölublaði norska bygging-
arlistartímaritsins Arkitektur N
og prýðir ljósmynd af húsinu for-
síðu þess. Í blaðinu er fjallað um
hönnun Hörpu og umhverfis og
hugmyndir þeirra sem að henni
komu, þ.e. arkitektastofanna
Henning Larsen, Batterísins,
landslagsarkitektastofunnar
Landslag og listamannsins Ólafs
Elíassonar, með ljósmyndum og
skýringarmyndum og spannar um-
fjöllunin 20 bls. Í tímaritinu er
einnig fjallað ítarlega um nýtt leik-
og tónlistarhús í Kristiansand í
Noregi, Kilden, sem stendur við
höfnina líkt og Harpa. Húsið hönn-
uðu arkitektastofurnar ALA
Architects og SMS Arkitekter AS.
Morgunblaðið/Júlíus
Glæsilegt Tónlistar- og ráðstefnuhúsið Harpa hlýtur verðskuldaða athygli.
Harpa til umfjöllunar í Arkitektur N