Morgunblaðið - 16.07.2012, Síða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 16. JÚLÍ 2012
Greiðslukortafyrirtækin Master-
Card og Visa, ásamt bönkum sem
gefa út kortin þeirra, hafa fallist á að
greiða smásölum vestanhafs bætur
að upphæð allt að 7,25 milljarðar
dollara, eða nærri 933 milljarða
króna. Bótagreiðslan yrði sú stærsta
sem reidd hefur verið af hendi í
Bandaríkjunum vegna hringamynd-
unarmáls.
Samráð og svindl
Um er að ræða lokin á mála-
rekstri sem hófst árið 2005 þegar
smásalar höfðuðu mál vegna
greiðslukortaþóknana og þeirra
reglna MasterCard og Visa að
meina smásölum að rukka viðskipta-
vini um hærra verð eða gjald ef
greitt er með greiðslukorti. Smásal-
ar sökuðu greiðslukortafyrirtækin
og bankana einnig um að hafa haft
samráð um ákvörðun gjalda fyrir
greiðslukortanotkun.
Í hópi þeirra banka sem málið
snertir má nefna J. P. Morgan, Bank
of America, Citigroup, Wells Fargo
og Capital One. Málið er sótt af fyr-
irtækjum á borð við Kroger Co., Sa-
feway og Walgreen Co.
Kortafyrirtækin og bankarnir
hafa lagt fram sáttatillögu sem felur
í sér að Visa greiði um 4,4 milljarða
dala og MasterCard um 790 millj-
ónir dala. Um 1,2 milljarðar dala af
sáttaupphæðinni koma í formi 10
prósentustiga afsláttar af viðskipa-
þóknun kortafyrirtækjanna yfir átta
mánaða tímabil.
Dýrar prósentur
Wall Street Journal segir smásala
um langt skeið hafa barmað sér yfir
þeim milljörðum dala sem árlega
þarf að greiða kortafyrirtækjum og
bönkum vegna greiðslukortavið-
skipta. Þóknunin nemur að jafnaði
um 2% af upphæð hverrar greiðslu
og deilist á milli Visa, MasterCard
og bankanna. Í þeim skjölum sem
birt voru um málið á föstudag kemur
fram að sáttatillagan felur í sér að
smásalar fái að rukka viðskiptavini
aukalega fyrir að greiða með kred-
itkorti, en þó ekki ef greitt er með
debetkorti. Dómari þarf að heimila
sáttina áður en hún tekur gildi.
Framkvæmdastjóri Visa, Joseph
Saunders, sagði um ásættanlega
lendingu að ræða sem ætti ekki að
trufla framtíðarrekstur fyrirtækis-
ins.
ai@mbl.is
Visa og Mast-
erCard greiða
risabætur
 Sér fyrir endann á 7 ára gömlu
dómsmáli  Stærstu bankar Banda-
ríkjanna viðriðnir samráð
AP
Kostnaður Viðskiptavinir spóka sig í verslun Walgreens. Með sáttinni sem nú er í boði gætu verslanir byrjað að
rukka viðskiptavini aukalega fyrir þann kostnað sem fylgir því fyrir seljandann þegar greitt er með kreditkorti.
Snjallsímaframleiðandinn Research in
Motion (RIM), sem framleiðir Black-
berry-símtækin, þarf að greiða 147,2
milljónir dala vegna einkaleyfabrota.
Kviðdómur í Kaliforníu komst að
þessari niðurstöðu á föstudag. Sækj-
andi í málinu var fyrirtækið Mforma-
tion. RIM sendi frá sér tilkynningu í
kjölfar dómsniðurstöðunnar þar sem
fyrirtækið ítrekaði þá afstöðu sína að
krafa Mformation væri innistæðulaus,
og líkur væru á að úrskurðinum yrði
áfrýjað, að því er Wall Street Journal
greinir frá.
Erfiðir dagar
Allt virðist núna ganga á afturfótunum
hjá Research in Motion en fyrir
skömmu tilkynnti stjórn fyrirtækisins
slæmar rekstrartölur sem jafngiltu 37
senta tapi á hlut og 42 prósenta lækk-
un sölutekna á síðasta ársfjórðungi,
vel umfram þann samdrátt sem sér-
fræðingar höfðu spáð. Eru sölutölur á
hraðri niðurleið og seldi fyrirtækið
7,8 milljón símtæki á fjörðunginum
samanborið við 11,1 milljón tæki á
fjórðunginum þar á undan. Hlutir í
RIM seljast nú á 8 dali en voru yfir 30
dala virði fyrir ári síðan að sögn CBC
News.
Blackberry-símarnir voru braut-
ryðjendur á snjallsímamarkaði á sín-
um tíma en hafa farið halloka í slagn-
um við aðra framleiðendur á síðustu
árum. Ekki er þó öll von úti og býr
RIM að um 2 milljörðum dala af
handbæru fé til að fjármagna slaginn
framundan.
ai@mbl.is
Framleiðandi Black-
berry fær á sig högg
 Einkaleyfis-
dómur kemur í
kjölfarið á slæm-
um ársfjórðungi í
rekstrinum
AFP
Byrðar Stjórnandi RIM, Thorsten Heins, dútlar á snjallsímanum sínum á
hluthafafundi fyrr í mánuðinum. Hann á ekki sjö dagana sæla.
Stjórnendur
Barclays-banka
sendu starfs-
mönnum minnis-
blað á föstudag
sem gefur til
kynna að fleiri
bankar muni
vera bendlaðir
við Libor-
hneykslið svokallaða. Þetta hefur
BBC eftir heimildarmönnum sínum
innan bankans.
Í minnisblaðinu segir að þegar
frekari upplýsingar um keppinauta
Barklays líta dagsins ljós verði
hægt að setja sök bankans í rétt
samhengi.
Fyrrverandi framkvæmdastjóri
rekstrarsviðs bankans, Jerry del
Misser, mun á mánudag mæta fyrir
nefnd þingmanna við breska þingið
og svara þar spurningum.
Í síðasta mánuði var Barclays-
bankanum gert að greiða breskum
og bandarískum stjórnvöldum 360
milljónir dala og 59,6 milljónir
punda í sekt fyrir að hafa með ólög-
mætum hætti haft áhrif á Libor-
vaxtatöluna.
Libor stendur fyrir London Int-
erbank Offered Rate, millibanka-
vexti í Lundúnum. Vaxtatalan er
gefin upp daglega og reiknuð út frá
vöxtum sem stórir alþjóðlegir bank-
ar gefa upp í viðskiptum sín á milli.
Libor-vextir eru notaðir til að
ákvarða vexti á skuldum um allan
heim, og hafa áhrif á t.d. byrði
vaxta af fasteignalánum, námslán-
um og greiðslukortaskuldum.
ai@mbl.is
Von á að fleiri dragist inn í Libor-hneykslið