Kjarninn - 18.09.2014, Blaðsíða 29

01/01 sjö spurningar
Ég fer mest og oftast í
taugarnar á sjálfum mér
Hvað gleður þig mest þessa
dagana?
Stelpurnar mínar þrjár, dætur
mínar og unnustan. Þær gleðja.
Hvert er þitt helsta áhugamál?
Þau eru mörg. Mig langar að segja
útivist, en vil síður ljúga. Þó er
hestamennskan eitthvað sem ég
stunda - og helst utandyra, eins
og veiði. Hvort tveggja geri ég of
sjaldan hins vegar. Bókalestur
er algengari og þó hann eigi sér
stundum stað á svölunum heima,
er hann mest innanhúss.
Hvaða bók lastu síðast?
Guðsgjafarþulu Halldórs Laxness.
Þar á undan nýja bók Orra Harðar-
sonar, Stundarfró. Til hennar hafði
ég byggt upp mjög verðskuldaða
eftirvæntingu.
Hvert er þitt uppáhaldslag?
MB Rosinn. Ég þarf vonandi ekki
að útskýra það fyrir neinum.
Til hvaða ráðherra berðu mest
traust?
Spurningin felur í sér kolvitlausar
forsendur efnisins. Ráðherrar eiga
að bera traust í kjósendur sína en
ekki öfugt.
Ef þú ættir að fara til útlanda
á morgun og mættir velja land,
hvert myndir þú vilja fara?
Grænlands eða Færeyja.
Hvað fer mest í taugarnar á þér?
Ég myndi ljúga ef ég segði ekki að
ég færi mest og oftast í taugarnar
á sjálfum mér.
sjö spurningar
helgi seljan
sjónvarpsmaður
01/01 sjö sPURNINGAR kjarninn 18. september 2014