Kjarninn - 18.09.2014, Síða 22

07/07 nýsKöpun
meta áhrif af auknu starfi innan geirans og meira verði birt
opinberlega af framgangi verkefna á sérstakri vefsíðu til að
auka gagnsæi og áhuga almennings á málaflokknum. Þetta
síðarnefnda ætti að vera algjört forgangsmál hjá Vísinda- og
tækniráði.
stjórnvöld loksins að vakna til lífsins
Svo virðist sem teikn séu á lofti um að stjórnvöld séu að
átta sig á mikilvægi þess að halda betur utan um vísinda-,
tækni- og nýsköpunarmálaflokkinn. Ríkisstjórnin samþykkti
nýverið sérstaka aðgerðaráætlun, sem felur í sér 21 aðgerð,
með það að markmiði að efla rannsóknir og nýsköpun hér á
landi.
Í ávarpi forsætisráðherra, til kynningar á áðgerðar-
áætluninni, kemur fram að hún feli í sér stóraukið framlag í
samkeppnissjóði og ráðstafanir til að auðvelda atvinnulífinu
að fjárfesta í rannsóknum og nýsköpun, en einnig að gera
afrakstur fjárfestinga á þessu sviði betur ljósan með sérstöku
upplýsingakerfi, efla nýliðun og gera gangverk opinbera
kerfisins liprara og skilvirkara. Aðgerðunum er ætlað að
styðja við nútímalega atvinnustefnu og framsækna mennta-
stefnu í samræmi við áætlun stjórnvalda.
Ríkisstjórnin hefur samþykkt að beita sér fyrir fjár-
mögnun áætlunarinnar með fyrirvara um fjárlagaferlið og
afgreiðslu Alþingis.
Athygli vekur að aðgerðaráætlunin var kynnt skömmu
áður en áðurnefnd skýrsla sérfræðingahópsins var kynnt á
Rannsóknarþingi. Það er engu líkara en að stjórnvöld hafi
verið búin undir þá gagnrýni sem þar kemur fram. Hvort
aðgerðaráætlun stjórnvalda muni skila árangri eða hvort
stjórnvöld muni sýna vísinda-, tækni- og nýsköpunarmálum
aukinn áhuga, mun tíminn einn leiða í ljós.