Morgunblaðið - 03.08.2012, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 3. ÁGÚST 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Stefán Gunnar Sveinsson
sgs@mbl.is
Skaflinn í Gunnlaugsskarði í Esjunni mun að öll-
um líkindum hverfa í ágúst eða í byrjun sept-
ember í síðasta lagi. Þetta segir Páll Bergþórs-
son, fyrrverandi veðurstofustjóri, sem hefur
fylgst vel með fönnum í Esjunni á síðasta áratug.
Skaflinn hvarf á hverju einasta hausti árin
2001-2010 en náði að lifa af sumarið í fyrra.
„Hann hverfur hér um bil á hverju ári núna, sem
passar við það að þetta er langhlýjasti áratugur
síðan mælingar hófust á Íslandi, í Stykkishólmi
árið 1845,“ segir Páll. Hann bætir við að skaflinn
muni hverfa í haust þrátt fyrir að það hafi snjóað
mjög mikið í Esjunni síðastliðinn vetur. Skaflinn
hafi því verið mjög stór í vor, en hlýindin í sumar
hafi engu að síður náð að vinna á honum með
þeim afleiðingum að líklega hverfi hann á næstu
vikum.
Páll hefur tekið saman yfirlit yfir fannir í
Esjunni frá upphafi mælinga og birt á heimasíðu
Veðurstofu Íslands. Hann segir að fyrir árið 2001
hafi fönn leyst síðast í Esjunni árið 1998, en það
hafi þá verið í fyrsta sinn í rúma þrjá áratugi sem
það gerðist eða síðan árið 1964. Þá bendir Páll á
að fylgni sé á milli hækkunar meðalhita í Stykkis-
hólmi og fjölda ára í áratug þegar snjólaust sé í
Esjunni, svo nemi 0,1 gráðu hækkun á ár. Lík-
lega gildi svipað um hitann á höfuðborgarsvæð-
inu, en það eigi eftir að taka þær tölur saman.
Skaflinn í Esjunni hverfur í haust
 Skaflinn í Gunnlaugsskarði hvarf á hverju hausti árin 2001-2010  Fyrir árið 1998 hafði fönn
ekki leyst í Esjunni í rúma þrjá áratugi  Hverfur nú þrátt fyrir snjóþungan vetur í Esjunni
Morgunblaðið/Brynjar Gauti
Esjan Skaflinn í Gunnlaugsskarði mun líklega hverfa í ágúst eða byrjun september á þessu ári.
Snjólaust í Esjunni
» Síðan athuganir hófust í
Esjunni má greina gróflega
fjögur mismunandi tímabil:
» Frá 1846 til 1928 var
kuldaskeið þar sem snjó leysti
sjaldan í Esjunni.
» Frá 1929 til 1964 hvarf
skaflinn mjög oft á sumrin, lík-
lega þó aldrei oftar en fjögur ár
í röð.
» Frá 1965 til 1997 var
aldrei alveg snjólaust í Esjunni.
» Frá 1998 til ársins í ár hef-
ur skaflinn horfið öll sumur að
undanskildum árunum 1999,
2000 og 2011.
Laxastiginn í Jökulsá á Dal var opnaður í gær.
„Þetta gekk vel fyrir sig. Það var verið að ljúka
við þetta, opna hann [laxastigann] og hleypa
vatni á hann,“ segir Aðalsteinn Aðalsteinsson,
formaður Veiðifélags Jökulsár á Dal.
Að sögn Aðalsteins sáu menn lax fara upp
stigann um það bil þremur tímum eftir að stig-
inn var opnaður. „Maður heldur að minnsta
kosti að þá sé fyrirbærið að virka,“ segir Aðal-
steinn aðspurður hvort eðlilegt sé að laxinn sé
svo fljótur upp stigann. Að sögn Aðalsteins er
þó ekki beint um stiga að ræða heldur sé frekar
um framhjáhlaup að ræða. „En stigi samt, þetta
er með stöllum og dálítil hæðarbreyting,“ segir
Aðalsteinn.
Ljósmynd/Þröstur Elliðason
Lax fór upp stigann þremur tímum eftir opnun
Margmenni viðstatt þegar nýr laxastigi var opnaður í Jökulsá á Dal
Skúli Hansen
skulih@mbl.is
„Makríldeilan og
hagsmunirnir þar
er ekki það sem
hér ræður för
heldur okkar
skuldbindingar á
grundvelli Al-
þjóðahafrétt-
arsáttmálans og í
gegnum aðild
okkar að
NEAFC,“ segir
Steingrímur J. Sigfússon, sjávar-
útvegs- og landbúnaðarráðherra,
aðspurður út í þau ummæli Friðriks
J. Arngrímssonar, framkvæmda-
stjóra LÍÚ, í Morgunblaðinu sl.
miðvikudag, að verið sé að grafa
undan hagsmunum Íslands með
löndunum grænlenskra skipa hér á
landi.
Að sögn Steingríms stendur ekki
til að leyfa erlendum skipum at-
vinnuveiðar í stórum stíl með löndun
í íslenskum höfnum. „Þetta er sam-
skiptamál okkar við Grænlendinga
og auðvitað skiptir líka máli að við
við höldum góðu sambandi við þá,“
segir Steingrímur og bætir við: „Við
höfum verið að leysa ýmis óleyst
málefni á milli þessara ríkja og orðið
ágengt í þeim efnum og má nefna
þar nýleg dæmi eins og þegar samn-
ingurinn náðist loksins um karfann
og síðan núna um grálúðuna.“
Lögðu mikla áherslu á þetta
Þá segir Steingrímur grænlensk
stjórnvöld hafa lagt mikla áherslu á
það að geta kannað útbreiðslu
makríls í sinni eigin lögsögu. „Eftir
að við vorum búin að fara yfir það
rækilega hér þá sýndist okkur mál-
efnalegt að veita þeim tilskildar en
mjög takmarkaðar undanþáguheim-
ildir til þess að landa afla úr rann-
sóknar- og leitarveiðum ef það væri
eina leiðin til þess að koma í veg fyr-
ir að slíkur afli færi þá annars stað-
ar forgörðum,“ segir Steingrímur og
bætir við: „Það væri einungis sóun á
verðmætum.“
Ótengt
makríl-
deilunni
 Eina leiðin til að
koma í veg fyrir
verðmætasóun
Steingrímur J.
Sigfússon
Nýr og endurbættur veðurvefur var
nýlega opnaður á mbl.is en hinn nýi
vefur er umtalsvert aðgengilegri en
sá gamli.
Á gamla veðurvefnum var einung-
is mögulegt að fá eina spá fyrir
hvern dag vikunnar en nú sýnir veð-
urkortið á vefnum veðurspána á sex
klukkustunda fresti sex daga fram í
tímann. Þá má nú finna nákvæmari
upplýsingar en áður inni á síðunni en
nú geta notendur mbl.is valið á veð-
urkortinu hvern landshluta fyrir sig
og skoðað ítarlega. Þannig sjást
fleiri staðir á kortinu eftir því sem
þysjað er inn á kortið. Fyrir neðan
veðurspákortið geta notendur vefs-
ins síðan borið saman veðurspár og
lesið veðurblogg frá veðurfræðing-
unum Trausta Jónssyni og Einari
Sveinbjörnssyni. Þá sýnir veður-
vefurinn einnig spár um besta veðrið
á landinu og nær sú spá þrjá daga
fram í tímann.
Svara kröfum notenda
„Með þessum mun ítarlegri veður-
upplýsingum erum við að svara kröf-
um notenda mbl.is,“ segir Soffía
Haraldsdóttir, rekstrarstjóri mbl.is,
aðspurð út í fyrrnefndar breytingar
á veðurvef mbl.is. Að sögn Soffíu
hefur mbl.is um árabil birt spár frá
Veðurstofu Íslands en nú sé búið að
bæta við spám frá vefsíðunni yr.no
sem rekin er af norsku veðurstof-
unni og norska ríkissjónvarpinu. Þá
bendir Soffía á að veðurspár yr.no
hafi notið vaxandi vinsælda hér á
landi. Þess má geta að notendur veð-
urvefs mbl.is yfir sumartímann eru
um 38 þúsund á viku. skulih@mbl.is
Nýr og betri veðurvefur mbl.is
 Soffía Haraldsdóttir, rekstrarstjóri mbl.is, segir vefinn svar við kröfum notenda
Veðurspákort Finna má nákvæmar upplýsingar á nýja veðurspákortinu.