Morgunblaðið - 27.08.2012, Page 1

M Á N U D A G U R 2 7. Á G Ú S T 2 0 1 2
 Stofnað 1913  199. tölublað  100. árgangur 
SÁ SEM
SYNGUR
ER SÖGUMAÐUR
UNGT FÓLK FER
Á FJARLÆGARI
SLÓÐIR
FALLINN ER FRÁ
TUNGLFARINN
NEIL ARMSTRONG
KILROY 14 ÆFÐI SIG Á ÍSLANDI 15ANDREA FIMMTUG Í HÖRPU 26
Hjalti Geir Erlendsson
hjaltigeir@mbl.is
Jón Bjarnason, þingmaður Vinstrihreyfingarinn-
ar - græns framboðs, hyggst við upphaf þings
leggja öðru sinni fram þingsályktunartillögu þess
efnis að Ísland hætti aðildarviðræðum við ESB.
„Tillagan er tilbúin og ESB-umsóknin verður að
afgreiðast út af borðinu sem allra fyrst.“
Jón gagnrýnir Katrínu Jakobsdóttur, varafor-
mann VG, harðlega fyrir ræðu sem hún flutti á
flokksráðsfundi um helgina. „Hún ræðst með
mjög ómaklegum hætti að baráttufólki og einlæg-
um andstæðingum ESB innan flokksins,“ segir
Jón um ræðu Katrínar en hann mætti sjálfur ekki
á flokksráðsfundinn. Hann segir andstæðinga
ESB, sem Katrín kallar einsmálsmenn, vera fólk
sem staðið hafi með grunnstefnu VG. „Það er eins
og Katrín geri sér ekki grein fyrir alvarleika þessa
máls,“ segir Jón og bendir á að VG hafi misst frá
sér forystufólk vegna Evrópusambandsmálsins.
„Auðvitað vildum við sjá meiri samstöðu í gegn-
um þessa erfiðu tíma en það breytir ekki því, að að
uppistöðu til hefur flokkurinn staðið þétt saman
og flokksráðið á bak við ráðherra, þingflokk og
stjórn og það endurspeglaðist á þessum fundi,“
segir Steingrímur J. Sigfússon, formaður Vinstri
grænna. Steingrímur sagði flokksráðsfundinn um
helgina hafa verið góðan og að nú væri unnið að
komandi kosningabaráttu.
Vill umræður um gjaldeyri
Flokksstjórnarfundur Samfylkingarinnar fór
einnig fram um helgina. Þar var samþykkt tillaga
um að Katrín Júlíusdóttir tæki við fjármálaráðu-
neytinu af Oddnýju Harðardóttur 1. október nk.
Katrín segir að tvö mál fái forgang þegar hún taki
við. Það sé annars vegar gjaldeyrismálið og hins
vegar aðgerðir til að örva fjárfestingu í landinu.
„Við erum eini flokkurinn sem er með einhverja
áætlun og nú hlýtur sú umræða að vera orðin
knýjandi í samfélaginu að fá svör við því hvaða
leiðir við viljum fara,“ segir Katrín og á þar við
stefnuna í gjaldeyrismálum.
MFundir stjórnarflokkanna »4
ESB sem fyrst út af borðinu
 Jón Bjarnason flytur aftur tillögu um slit á aðildarviðræðum við ESB
 Katrín Júlíusdóttir vill sem fjármálaráðherra fá niðurstöðu í gjaldeyrismálin
Morgunblaðið/Ómar
Skipti Steingrímur J. Sigfússon tók við sjávar-
útvegs- og landbúnaðarráðuneytinu af Jóni.
Hún var tilkomumikil flugeldasýningin sem haldin var við Jökulsárlón í
fyrrakvöld til styrktar Björgunarfélagi Hornafjarðar. Eldar loguðu á
himnum í rúmar 40 mínútur þeim um 1.500 manneskjum til ómældrar gleði
sem fylgdust með litadýrðinni á heiðskírum himni.
Litadýrð yfir lóni
Morgunblaðið/Jónas Erlendsson
Stefán Gunnar Sveinsson
sgs@mbl.is
Veiðimálastofnun er á meðal þeirra
stofnana sem færast munu til um-
hverfis- og auðlindaráðuneytisins
þegar breytt skipan stjórnarráðsins
tekur gildi um mánaðamótin. Ýmsir
hagsmunaaðilar eru mótfallnir flutn-
ingi stofnunarinnar til ráðuneytisins,
þ. á m. Landssamband veiðifélaga, en
formaður þess, Óðinn Sigþórsson,
segir að reynslan af umhverfisráðu-
neytinu sé þess eðlis að því sé ekki
treyst.
Einar K. Guðfinnsson, þingmaður
Sjálfstæðisflokksins, gagnrýnir flutn-
ing Veiðimálastofnunar harðlega. „Að
mínu mati er hér um að ræða birting-
armynd mjög ógeðfellds valdabrasks
sem hefur átt sér stað innan og á milli
ríkisstjórnarflokkanna.“
Sárabót Svandísar
Hann segir að upphafleg hugmynd
hafi verið sú að færa Hafrannsókna-
stofnun undir hið nýja umhverfis- og
auðlindaráðuneyti. „Það mætti hins
vegar gríðarlegri andstöðu hvaðan-
æva úr samfélaginu. Ríkisstjórnin
guggnaði þess vegna á þeim áformum
sínum, en hins vegar fékk Svandís
Svavarsdóttir, sem ella hefði orðið yf-
irmaður Hafrannsóknastofnunar,
sárabót og sárabótin var sú að Veiði-
málastofnun var þess í stað færð und-
ir hið nýja umhverfis- og auðlinda-
ráðuneyti,“ segir Einar sem óttast að
þetta verði fyrsta skrefið í því að
leggja Veiðimálastofnun niður eða
sameina annarri stofnun umhverfis-
ráðuneytisins.
Í upplýsingum frá forsætisráðu-
neytinu kemur fram að talað hafi ver-
ið við helstu hagsmunaaðila um flutn-
ing Veiðimálastofnunar á árinu 2011
og þeim gefinn kostur á að koma sjón-
armiðum sínum á framfæri. Algengt
sé að stofnanir færist á milli ráðu-
neyta, enda sinni þær tilteknum verk-
efnum. Þegar ábyrgðin á því verkefni
færist til, færist stofnunin með. Ekki
sé um breytingu á sjálfri stofnuninni
að ræða.
MNý verkaskipting » 2
„Valdabrask“
af hálfu ríkis-
stjórnarinnar
 Flutningur Veiðimálastofnunar
á milli ráðuneyta gagnrýndur
Helstu breytingar
» Veiðimálastofnun flyst yfir til
umhverfis- og auðlindaráðu-
neytis frá sjávarútvegs- og land-
búnaðarráðuneytinu.
» Íslenskar orkurannsóknir flytj-
ast frá iðnaðarráðuneyti yfir til
umhverfis- og auðlindaráðu-
neytis.
» Málefni Hagstofu Íslands og
Seðlabanka Íslands færast til
fjármála- og efnahagsráðuneytis.
 Hitabeltisstormurinn Ísak náði
suðurströndum Flórída í Banda-
ríkjunum í gærkvöldi og var búist
við því að hann myndi færast í
aukana og verða að fellibyl þegar á
liði. Ísak hafði þá valdið miklu tjóni
á Haítí og orðið sjö manns að bana.
Þá gekk hann yfir hluta Kúbu á leið
sinni að Flórída þar sem ríkisstjór-
inn Rick Scott lýsti yfir neyðar-
ástandi og íbúar ríkisins bjuggu sig
undir veðurofsa fellibyls.
Mannfall á Haítí
af völdum Ísaks
 Góður vöxtur
hefur verið í
skógum landsins
í hlýindunum í
sumar. „Maður
er orðinn svo
góðu vanur, að
það sem okkur
finnst eðlilegt í
dag hefði þótt
sjálfsagt að færa í annála fyrir ára-
tug eða svo,“ segir Aðalsteinn
Sigurgeirsson, forstöðumaður á
Mógilsá. »12
Slíkt sumar farið í
annála fyrir áratug
 Eftir sumarið
eru sjö skip-
stjórar strand-
veiðibáta á gulu
spjaldi vegna al-
varlegra brota á
reglugerð um
veiðarnar.
Alls voru send
út um 830 rukk-
unarbréf vegna umframafla í maí,
júní og júlí, alls að upphæð um 23
milljónir króna. Væntanlega verða
send út um 300 bréf vegna ágúst-
mánaðar. »2
Sjö á gulu spjaldi
eftir strandveiðar
 Hlaup var ekki hafið í Skaftá þeg-
ar Morgunblaðið fór í prentun í
gærkvöldi en þó var greinilega ket-
ilvatn í ánni en ekkert flóð að ráði,
skv. upplýsingum frá Veðurstofu
Íslands. Búist er við því að hlaupið
verði lítið úr vestari Skaftárkatli
þar sem það hljóp úr honum í fyrra.
Ekkert flóð að ráði
þó að renni úr katli
 Sjálfstæður at-
vinnurekandi
fékk ekki sam-
þykkta greiðslu-
aðlögun hjá um-
boðsmanni
skuldara vegna
skattaskuldar
sem hann hafði
þó gert upp við
tollstjóra með skuldabréfi til fimm
ára. Talsmaður umboðsmanns
skuldara segir almennt litið svo á
að skattaskuld sé til staðar þó að
samið hafi verið við tollstjóra með
skuldabréfi. »13
Samdi um skuld, en
neitað um aðlögun