Morgunblaðið - 25.09.2012, Blaðsíða 11

Morgunblaðið/Skapti Hallgrímsson
Veiði Haraldur Ingi Haraldsson segir mikla möguleika í strandstangveiði.
„Þetta er ekki alveg jafn einfalt
og það hljómar. Í mótinu er lagt upp
úr því að tryggja veiðimönnum jafn-
stöðu og keppt í ákveðnum svæðum
og gefin stig fyrir röðunina í svæð-
unum. Eitt svæði getur verið í mikl-
um fiski og annað svæði í tregfiski
en þau geta samt keppt. Síðan eru
gefin stig fyrir hvern fisk sem kem-
ur á land og fyrir lengd fisksins. Það
eru fimm stig fyrir hvern fisk og 60
cm langur fiskur gefur t.a.m. 60 stig.
Þetta er landsliðskeppni en svo
keppa keppendur í sveitum sem eru
blinddregnar,“ segir Haraldur Ingi.
Fiskarnir eru af öllum stærðum
og gerðum en Haraldur Ingi segir
Marcus Wuest, þýskan veiðimann,
hafa sýnt sér mynd af fiski sem hann
gæti trúað að hefði verið um 4 kg
þorskur.
„Þeir veiða miklu fleiri og
stærri fiska en þeir eru vanir að gera
erlendis veiðimennirnir og hér eru
því draumaaðstæður. Á Íslands-
meistaramótinu fyrir um mánuði
veiddust 12 tegundir en mest veidd-
ist þá af kola, þorski og ufsa,“ segir
Haraldur Ingi og bætir við að hægt
sé að taka fisikinn með sér heim ef
vill. En þá þarf að klippa sporðinn til
að hann sé ekki tvímældur.
Mikil klúbbastarfsemi
Íslandsdeild EFSA hefur verið
starfrækt frá árinu 2000 en Har-
aldur Ingi talar um að hérlendis hafi
hópur manna stundað íþróttina af
mikilli sérvisku um nokkurt skeið.
„Möguleikarnir eru gríðarlegir.
Ég tala nú ekki um fyrir almenning
sem vill eiga holla og góða tóm-
stundaiðju. Sem atvinnugrein gæti
sjóstangveiði og strandstangveiði
hæglega velt meiri peningum. Það
eru fleiri sem stunda þetta sport í
Evrópu en lax- og silungsveiðar. Að-
stæður eru góðar hér fyrir norðan
og við höfum veitt nokkuð í Eyjafirð-
inum síðastliðin tvö ár til að kynna
okkur hann. Ég var með sérstakt
verkefni til að þróa strandstangveiði
fyrir erlenda ferðamenn en það er
klárt að um allt land eru góðar að-
stæður sem mætti nýta betur,“ segir
Haraldur Ingi.
Evrópusamband strandstang-
veiðimanna er stærsti veiðihópur í
Evrópu og eru deildir í Evrópu-
löndum innan þess. Íslandsdeild
EFSA sótti fyrir tæpum tveimur ár-
um um leyfi til að halda mótið í ár.
Til undirbúnings voru haldin þrjú
innanfélagsmót í sumar til að velja
fólk í landsliðið og var eitt þeirra Ís-
landsmeistaramót. Taka átta Íslend-
ingar þátt í mótinu en keppendur
eru bæði karlar og konur á öllum
aldri. Verður mótinu slúttað á laug-
ardaginn með verðlaunaafhendingu
og „galadinner“.
„Það er mikið félagslíf í kring-
um þetta og fólk hittist og skrýðist
einkennisbúningum. Fyrstu veiði-
mennirnir komu hingað í síðustu
viku og hafa æft sig síðan. Þeir hafa
veitt svakalega vel og það er gaman
að sjá Facebook-færslur hjá þessum
körlum sem segjast vera hættir að
telja eftir 40 eða 50 fiska,“ segir
Haraldur Ingi.
DAGLEGT LÍF 11
MORGUNBLAÐIÐ ÞRIÐJUDAGUR 25. SEPTEMBER 2012
Street-dansararnir Hurrikane og Android frá
New York munu kenna locking, popping, wav-
ing, isolations og tutting á námskeiði í Reykja-
vík dagana 29. september til 4. október. Þessir
stílar í street-dansi eru ekki kenndir reglulega
hér á Íslandi og því gefst íslenskum dönsurum
með þessu einstakt tækifæri til að kynnast
skemmtilegum stílbrögðum og frægum döns-
urum. Bæði eru þau þekktir dansarar innan
street-danssenunnar og reglulega beðin að
taka þátt í ýmsum viðburðum í New York. Frá
Íslandi halda þau áfram til fleiri landa í Evrópu
þar sem þau munu einnig halda námskeið.
Dansnámskeiðin með Android verða 29. og
30. september kl. 15-17 en Hurrikane kennir 2.
og 4. október kl. 19-21. Kostar hvort námskeið
6.500 krónur en kennt verður í Árbæjarþreki
við Selásveg og fer skráning fram á vefsíðunni
www.brynjapeturs.is.
Street-dansnámskeið
Þekktir kennarar á Íslandi
Liðug Android frá N.Y.
Hopp Hurrikane
dansar í loftköstum.
Sólskálar
-sælureitur innan seilingar
Glæsilegir
sólskálar lengja
sumarið og gera
sælureitinn
ómótstæðilegan
Yfir 40 litir í boði!
Smiðsbúð 10 • 210 Garðabær • Sími: 554 4300 • Fax: 564 1187
Gluggar og garðhús
Nánari
upplýsingar á
www.solskalar
.is Viðhaldsfríir
gluggar og hurðir