Morgunblaðið - Sunnudagur - 07.10.2012, Síða 40

40 MORGUNBLAÐIÐ SUNNUDAGUR 07. 10. 2012
Föt og fylgihlutir
Það er eins og að stíga inn í tímavél aðheimsækja sýningarsal RáðhússReykjavíkur um þessar mundir. Þar
stendur yfir sýningin Flogið um öxl, Flug-
minja- og búningasýning Icelandair group, úr
75 ára sögu fyrirtækisins og forvera. Þarna
er að finna ótalmarga muni sem tengjast
flugrekstrinum í gegnum tíðina, allt frá far-
seðlum til flugsokka. Svo má ekki gleyma öll-
um flugmódelunum sem er gaman fyrir börn
og fullorðna að skoða. Stór hluti sýning-
arinnar fer síðan í tískusýningu úr fortíðinni
en einkennisbúningar flugfreyja og flug-
manna fá þarna stóran sess. Flugfreyjubún-
ingarnir hafa breyst mikið í gegnum tíðina
og endurspegla þá tískustrauma sem voru í
gangi á hverjum tíma.
Sýningarstjóri er Steinunn Sigurðardóttir
fatahönnuður sem hefur eytt síðustu mán-
uðum í rannsóknarvinnu fyrir sýninguna.
Hún hefur sjálf ferðast mikið og er einn af
fyrstu gullkorthöfum Icelandair. Hún vildi
leggja upp með að gera sýningu frá sjón-
arhóli farþegans, hvernig hann upplifir ferða-
lagið, frekar en að einblína á tæknihliðina og
vélarnar. „Þetta er upplifun farþegans af því
sem gerist í flugvélinni og ferðalaginu öllu,“
segir hún.
Það er því heilmikil saga sem er þarna á
sýningunni og stærstur hluti munanna kemur
úr einkaeigu. Margar fjölskyldur hafa því
haldið upp á fluggögn í gegnum tíðina. Sjálf
hefur Steinunn til dæmis haldið upp á alla
farseðlana sína og raðar þeim haganlega í
möppu eftir árum. „Það er eitthvað svo fal-
legt við þessa löngu sögu sem hefur snert
svo margar fjölskyldur,“ segir hún.
Þó að munirnir komi flestir úr einkaeigu
eru það Svölurnar sem hafa haldið utan um
búningana og varðveitt þá og hafa nú á stór-
afmælinu fært félaginu þá að gjöf.
Rannveig Eir Einarsdóttir, forstöðumaður
flugþjónustudeildar Icelandair, er mjög þakk-
lát fyrir þessa gjöf. „Nú getum við farið að
taka þessa hluti og gera þá sýnilegri meðal
okkar viðskiptavina og starfsmanna. Það er
líka svo mikilvægt að nýir starfsmenn átti sig
á þessari löngu sögu og menningunni,“ segir
hún en fyrir höndum er líka skrásetning bún-
inganna. „Skjalavörðurinn okkar er kominn
með verkefnið. Þetta eru mikil verðmæti.“
Nú stendur yfir síðasta sýningarhelgin en
hægt verður að skoða sýninguna laugardag
og sunnudag milli 12 og 18.
Steinunn Sigurðardóttir sýningarstjóri situr hér á milli tveggja freyja úr fortíðinni. Blágræna kápan
er búningur Loftleiða frá 1970 og til hægri er vetrarbúningur Flugfélags Íslands frá 1974.
Þessir fallegu rauðu búningar eru búningar Flugfélags Íslands frá því um 1970. Túpering var í tísku og hattarnir sátu hátt á höfðinu. Þess vegna var nauð-
synlegt að hafa hettu yfir þá á kápunum, svo hattarnir fykju ekki af þegar stigið var út í allskonar veðri. Hettan sést hér að neðan.
FLUGMINJA- OG BÚNINGASÝN-
ING ICELANDAIR GROUP
Freyjur
fortíð-
arinnar
TÍSKUSÝNING ÚR FORTÍÐINNI
STENDUR YFIR Í SÝNINGARSAL
RÁÐHÚSSINS EN FLUGFREYJUBÚN-
INGARNIR OG FLUGMINJARNAR
SEM ÞAR ERU TIL SÝNIS
ENDURSPEGLA TÍSKUSTRAUMA
OG TÍÐARANDANN.
Texti: Inga Rún Sigurðardóttir ingarun@mbl.is
Myndir: Kjartan Þorbjörnsson golli@mbl.is
Það reyndist nauðsynlegt að hafa hettu á káp-
unni svo hatturinn fyki ekki á brott.
Gamall flugmannshattur, einstaklega
fallegur og fleiri munir.
Þessi borðbúnaður er óneitanlega
glæsilegri en plastið í dag.
Þessir rauðu flugsokkar merktir Loft-
leiðum virka sérstaklega þægilegir.
* Þó aðmunirnirkomi flestir úr
einkaeigu eru
það Svölurnar
sem hafa haldið
utan um bún-
ingana og varð-
veitt þá og hafa
nú á stórafmæl-
inu fært félag-
inu þá að gjöf.