Morgunblaðið - Sunnudagur - 07.10.2012, Side 50

Þ
að gladdi mitt litla hjarta hversu vinsælir þætt-
irnir urðu á sínum tíma og mér finnst það mik-
ill heiður að þeir séu rifjaðir upp með þessum
hætti. Vonandi fellur þjóðinni það í geð,“ segir
Hermann Gunnarsson við Sunnudagsblað
Morgunblaðsins. Á föstudagskvöldum fram að jólum verða
ótrúlegir skemmtiþættir hans frá árum áður teknir til skoð-
unar að frumkvæði Egils Eðvarðssonar dagskrárgerð-
armanns og víst að margir bíða spenntir.
Hemmi tekur svo til orða að ákveðið hafi verið að sýna
„brot af því besta, versta, hjartnæmasta og kjánalegasta, og
ekki síst með léttleikann að leiðarljósi.“
Hemmi segir falinn fjársjóð í gamla efninu. „Þarna er
margt sem á erindi við yngri kynslóðina, til dæmis síðasta
viðtalið við Ingimar Eydal. Ég bauð honum að hætta við,
enda fékk hann nánast dauðadóm hjá læknum þennan sama
dag.“
Einlægni
„Ég minnist líka stórkostlegs þáttar með séra Pétri Þór-
arinssyni í Laufási. Svo mætti lengi telja.“
Þegar spurt er hvort hann vilji nefna eitthvert atriði sem
e.t.v. hafi öðrum fremur verið lykillinn að velgenginni, svarar
Hemmi: „Sennilega einlægnin.“
Hann bendir á að aldrei hafi neitt verið ógerlegt. „Allir
voru tilbúnir að gera hvað sem var. Það þekktust engin
vandmál, sem ekki var hægt að leysa.“
Fyrsti þátturinn Á tali með Hemma Gunn var mið-
vikudagskvöldið 28. október 1987 og var á dagskrá annan
hvern miðvikudag fram á vor. Fyrirkomulagið var að mestu
það sama í átta vetur.
Þættirnir voru miklir að umfangi og starfsmenn hátt í 30 í
hvert skipti þegar allt er talið. Nánast allir í beinni útsend-
ingu.
Áhorfið var gríðarlegt; mælingar fjarri því jafn ítarlegar
og nú en tölurnar sláandi, hvað sem öðru líður. Sumir töluðu
um heimsmet en enginn staðfestir það.
Mesta áhorfið skv. mælingum var 69% í mars 1989 en þess
má geta að úti í hinum stóra heimi þykir frábært ef 20%
þjóðar setjast niður og horfa á sama þáttinn.
„Mér er minnisstætt þegar við könnuðum sjálfir áhorfið, í
beinni útsendingu. Lögðum lauflétta spurningu fyrir þjóðina
sem hún átti að svara síðar í þættinum,“ rifjar Hemmi upp.
„Búið var að koma fyrir sjónvarpsvélum á Ísafirði, Ak-
ureyri, Egilsstöðum og í Vestmannaeyjum
og þegar fólk vissi svarið átti það að slökkva öll ljós í íbúð-
unum. Við tókum mikinn séns en þetta gekk upp; bæirnir
myrkvuðust nánast alveg! Þetta hafði aldrei áður verið gert í
íslensku sjónvarpi og var satt að segja alveg geggjað.“
Veturinn 1995-96 var aldrei nokkurn tíma á tali, hvorki hjá
Hemma né Agli, heldur fór í loftið þátturinn Happ í hendi,
sem Hermann stjórnaði ásamt Unni Steinsson. Það var sam-
starfsverkefni RÚV og Happdrættis Háskóla Íslands og stóð
aðeins einn vetur. Eftir það má segja að þeir Hemmi og Eg-
ill hafi snúið á fornar slóðir. Þátturinn nefndist reyndar
Laugardagskvöld með Hemma Gunn og var, eins og nafnið
gefur til kynna, á dagskrá að kvöldi laugardags. Þá er áætl-
að að um það bil helmingur þjóðarinnar hafi fylgst með.
„Hemmi náði einhverju sérstöku sambandi við áhorfendur,“
segir Egill Eðvarðsson.
„Veriði hress, ekkert stress,bless bless ...“ sagði Hemmi
alltaf í kveðjuskyni við áhorfendur, og brosti breitt. Þetta
urðu hans einkunnarorð.
Björn Emilsson var útsendingarstjóri með Hemma fyrstu
þrjá veturna sem Á tali var á dagskrá en Egill tók við eftir
það og var með Hemma í sjö ár. Maðurinn á bak við tjöldin
og „útsendingarstjóri“ er í raun ekki réttur titill því hlut-
verkið var mun meira, til að mynda mikil hugmyndavinna.
Þátturinn tók breytingum frá ári til árs, bæði útlits- og
efnislega. Egill nefnir viðtöl við börn, sem nutu gríðarlegra
vinsælda. „Þau voru ekki frá upphafi og aðeins þrjá eða fjóra
vetur í þáttunum. En fólk man mjög gjarnan eftir þeim. Ég
reikna með að margir setjist nú niður fyrir framan sjón-
varpið með börnum sínum og voni að þeir sjáist sjálfir.“
Reynt var að hrinda hugmyndum í framkvæmd, nánast
sama hve geggjaðar þær voru, segir Egill! Ólyginn tjáði
blaðamanni að margar þær ótrúlegust hefðu einmitt verið frá
Agli komnar.
Send á svið í leiksýningu
„Við fórum til dæmis af stað með dagskrárlið, sem átti eftir
að einkenna þættina; völdum af handahófi tvo gesti í sjón-
varpssal sem sendir voru út í bæ og látnir leysa ýmsar
þrautir meðan þátturinn var í loftinu. Tökulið fylgdi þeim
eftir, efnið var klippt þegar komið var í hús og sýnt í lok
þáttar. Fólk var t.d. látið keppa í skíðagöngu niður Lauga-
veginn þótt enginn væri snjórinn og oftar en einu sinni réðst
okkar fólk inn í veislur úti í bæ!“
Egill segir að toppurinn hafi líklega verið þegar karlmaður
og kona úr sjónvarpssal voru send upp í Borgarleikhús og
látin taka þátt í einleik Margrétar Helgu Jóhannsdóttur leik-
konu, Sigrúnu Ástrósu! „Leikhúsfólkið var alveg til í þennan
gjörning en þeim sem við sendum fannst víst nóg um. En
auðvitað gerðu þau það sem þeim var sagt; þegar fólkið kom
út í bíl beið þeirra umslag með skýrum fyrirmælum. Ég man
að karlmaðurinn átti að fara inn á svið í hvítum slopp og
Veriði hress,
ekkert stress
MAÐURINN SEM SUMIR TELJA AÐ HAFI FUNDIÐ UPP HLÁTURINN VERÐUR FASTAGESTUR
Á NÝ Í STOFUM LANDSMANNA Í VETUR. Í ÁRATUG VAR NÆR LINNULAUST Á TALI HJÁ
HEMMA GUNN OG LUNGANN ÚR ÞEIM TÍMA VAR EGILL EÐVARÐSSON AÐALMAÐURINN
Á BAK VIÐ TJÖLDIN. RÚV RIFJAR ÆVINTÝRIÐ UPP Í 12 VIKULEGUM ÞÁTTUM TIL JÓLA.
Skapti Hallgrímsson skapti@mbl.is
Viðtal
50 MORGUNBLAÐIÐ SUNNUDAGUR 07. 10. 2012