Morgunblaðið - 11.12.2012, Blaðsíða 14

SVIÐSLJÓS
Skúli Hansen
skulih@mbl.is
Ósamþykkta íbúðin við Laugaveg 51
sem brann síðastliðinn föstudag var í
eigu eignarhaldsfélagsins Hildu ehf.
sem er í eigu Eignasafns Seðlabanka
Íslands (ESÍ). Þetta kemur fram í
svari Seðlabanka Íslands við fyrir-
spurn Morgunblaðsins.
Í svari SÍ segir að ESÍ sé sérstakt
dótturfélag Seðlabankans sem sé að-
skilið rekstri og annarri starfsemi
hans. Félagið Hilda ehf. á þrjá eign-
arhluta í fasteigninni við Laugaveg
51 en samkvæmt Seðlabankanum
var engin starfsemi í þeim eignar-
hluta sem eldurinn kom upp í en sá
eignarhluti er á annarri hæð hússins.
Þá hefur verslunin Manía haft heim-
ild til þess að geyma hluta af lager
sínum í öðrum eignarhluta Hildu ehf.
á sömu hæð.
Loks kemur fram í svari Seðla-
bankans að einstaklingur hafi haft
aðsetur í þriðja eignarhlutanum en
samkomulag hafi verið gert um að
hann rýmdi þá eign og að sögn bank-
ans er viðkomandi að tæma þá eign
núna. „Það er rétt að undirstrika að
hann hafði ekki leigusamning við
Hildu ehf. heldur var á vegum fyrri
eiganda,“ segir í svari Seðlabankans.
Tiltekt og úttekt framundan
Seðlabankinn bendir á að fram-
undan sé bæði tiltekt og úttekt á hús-
inu, þá sé ekki gert ráð fyrir að þar
fari fram nein starfsemi á vegum fé-
lagsins Hildu ehf. og því verði engir
íbúar þar. Samkvæmt svari bankans
verður lögð áhersla á að öllum nauð-
synlegum reglugerðum, þar á meðal
reglugerðum um brunavarnir, verði
fylgt í því húsnæði sem heyrir undir
Hildu ehf.
„Ég held að þetta erindi hafi
ekki komið inn á borð slökkvi-
liðsins heldur verið hjá bygg-
ingafulltrúa og við höfum ekki
fengið samkvæmt mínu minni
neitt frá byggingafulltrúa þar
sem óskað er eftir því að við
rýnum þetta eitthvað
sérstaklega,“ segir
Jón Viðar Matthías-
son, slökkviliðsstjóri slökkviliðsins á
höfuðborgarsvæðinu, spurður út í
ummæli Friðriks Guðmundssonar,
formanns húsfélagsins á Laugavegi
51, sem birtust í Morgunblaðinu sl.
laugardag þess efnis að hann hefði
frá árinu 2005 staðið í bréfaskiptum
við byggingafulltrúa og margsinnis
bent á að þessar íbúðir væru bruna-
gildra.
Spurður hvort ekki þurfi að gera
úttekt á húsnæðinu í ljósi brunans á
föstudaginn svarar Jón Viðar: „Það
þarf náttúrlega að gera úttekt á
svona hlutum, alveg klárlega, því að
grundvallaratriði í þessum bygging-
um er að það séu tvær óháðar flótta-
leiðir.“ Þá bætir hann við að þetta sé
nokkuð sem slökkviliðið muni vekja
athygli á og vinna í með bygginga-
fulltrúa.
Tjáir sig ekki að svo stöddu
Þegar blaðamaður hafði samband
við Björn Stefán Hallsson, bygging-
arfulltrúa Reykjavíkurborgar, vegna
málsins í gær fengust þau svör að
hann þekkti ekki umrætt mál og að
hann vildi ekki fullyrða neitt um það.
Úttekt gerð á húsinu
 Íbúðin sem brann síðastliðinn föstudag er í eigu dótturfélags Eignasafns Seðla-
banka Íslands  Slökkviliðsstjóri segir að gera þurfi úttekt á umræddu húsnæði
Morgunblaðið/Júlíus
Eldsvoði Ósamþykkta íbúðin, við Laugaveg 51, sem brann síðastliðinn föstudag er í eigu Hildu ehf., dótturfélags Eignasafns Seðlabanka Íslands.
14 FRÉTTIRInnlent
MORGUNBLAÐIÐ ÞRIÐJUDAGUR 11. DESEMBER 2012
Jólaskógurinn í
Ráðhúsi Reykja-
víkur verður
opnaður í dag
klukkan 15.
Jón Gnarr
borgarstjóri flyt-
ur ávarp, kór
eldri borgara
syngur og leikið
verður á harm-
onikkur.
70 jólatré eru í Tjarnarsalnum og
er þema skógarins í ár gamli tíminn
í tilefni af Evrópuári aldraðra.
Verða jólatrén og salurinn skreytt
með munum frá Árbæjarsafni og
jólaskrauti hönnuðu og framleiddu
af eldri borgurum frá Reykjavík.
Jólaskógur í Ráð-
húsi Reykjavíkur
Hluti jólaskógarins.
Hjálpræðisher-
inn í Reykjavík
verður ekki með
matarúthlutun í
ár heldur ein-
beitir sér að því
að efla hjálp-
arstarfið sem er í
gangi allt árið.
Má þar nefna
velferðarsetur sem opnað hefur
verið í verslunarmiðstöðinni Mjódd
en þar er hægt að fá ráðgjöf og
fatamiða.
Hjálpræðisherinn er í samstarfi
við Mæðrastyrksnefnd og Hjálp-
arstarf kirkjunnar og við fanga-
hjálpina Vernd fyrir þessi jól.
Á aðfangadag verður hin árlega
jólahátíð fyrir heimilislausa, ein-
stæðinga og aðra þá sem vilja halda
jól með hjálpræðishernum í Kirkju-
stræti 2 þar sem boðið er upp á jóla-
mat og hefst borðhaldið kl. 18.
Ekki matarúthlutun
hjá Hjálpræðisher
„Klárlega, menn eiga náttúrlega
ekki að vera að leigja húsnæði
sem uppfyllir ekki öryggisþætti,
það liggur í augum uppi,“ segir
Jón Viðar Matthíasson, slökkvi-
liðsstjóri slökkviliðsins á höf-
uðborgarsvæðinu, aðspurður
hvort ekki hvíli mikil siðferð-
isleg ábyrgð á þeim aðilum sem
leigja út ósamþykktar íbúðir.
„Þar er ábyrgðin eigenda
og ábyrgðin verður í raun og
veru aldrei eftirlitsaðilanna
á einu né neinu og ég tala
ekki um ef þetta eru íbúðir
sem eftirlitsaðilar
hreinlega vita ekki
af,“ bætir Jón
Viðar við.
Ábyrgðin hjá
eigendum
EIGA EKKI AÐ LEIGJA
ÓSAMÞYKKT HÚSNÆÐI
Jón Viðar
Matthíasson
Síðustu öruggu skiladagar á jóla-
pósti eru eftirfarandi að sögn
Póstsins:
10. desember: A-póstur til landa
utan Evrópu, B-póstur til Evrópu,
TNT-hraðsendingar til landa utan
Evrópu
12. desember: pakkar til Evrópu.
14. desember: B-póstur innan-
lands, A-póstur til Evrópu, pakkar
til Norðurlanda.
19. desember: A-póstur og pakk-
ar innanlands, TNT-hraðsendingar
til Evrópu.
Síðustu skiladagar
á jólapósti nálgast
ƒƒƒƒƒƒƒƒƒƒƒƒƒƒƒƒƒƒƒƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒ
ƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒƒ
NÝ
JU
NG
!
Við kynnum nýjan hvítmygluost frá Mjólkursamsölunni
undir nafninu Dala-Auður. Osturinn er einstaklega
mjúkur og bragðgóður og er sá mýksti úr flóru
mygluosta frá MS.
Dala-Auður er 170 g og er unnin úr nýmjólk.
Nafn ostsins er vísun í Auði djúpúðgu sem var
landnámskona í Dölunum og ættmóðir Laxdæla.
MJÚKUR OG LJÚFFENGUR
HVÍTMYGLUOSTUR ÚR DÖLUNUM
H
V
ÍT
A
H
Ú
S
IÐ
/
S
ÍA
–
12
–0
63
1